प्रहरी कन्ट्रोल : १००, टोल फ्री नं.: १६६००१४१५१६
नेपा
EN

बस दुर्घटना हुदा चालक सहित १४ जनाको मृत्यु, ५ घाईते ।

२०७८-११-२६

  • A
  • A-
  • A+
Share

संखुवासभाको मादी नगरपालिका-६ सातघुम्ती स्थित भित्री सडक खण्डमा बस दुर्घटना हुदा चालक सहित १४ जनाको घटना स्थलमा नै मृत्यु भएको हो भने ५ घाईते भएका छन । आज बिहान पौने ८ बजे मादीबाट झापा तर्फ आउदै गरेको बा.४ख ७३५ नम्वरको यात्रु वाहक बस सडकबाट अन्दाजी ३०० मिटर तल झरी दुर्घटना भएको थियो । दुर्घटनामा परी घाईते भएका ५ जनालाई प्रहरीले उद्धार गरी प्राथमिक स्वास्थ्य केन्द्र चैनपुर लगिएकोमा थप उपचारको लागि नेपाली सेनाको हेलिकप्टरद्वारा धरान घोपा पठाईएको छ भने मृत्यु भएकाहरुको शव प्राथमिक स्वास्थ्य केन्द्र चैनपुरको शव गृहमा राखिएको छ ।
 घटना स्थलमा तत्कालै जिल्ला प्रहरी कार्यालय संखुवासभाबाट प्रहरी नायव उपरीक्षक लालध्वज सुवेदी सहितको टोली र इलाका प्रहरी कार्यालय चैनपुरबाट प्रहरी निरीक्षक सहितको टोली खटि मृतक तथा घाईतेहरुको उद्धार गरिएको हो ।
घाईतेः
१.     संखुवासभा मादी नगरपालिका-६ का ५० बर्षीय डम्बर बहादुर कार्की सामान्य ।
२.    मादी नगरपालिका -४ उम्लिङकि २४ बर्षीया करिश्मा तामाङ सामान्य ।
३.    मादी नगरपालिका-६ का २२ बर्षीया  तुलसा कटुवाल सामान्य ।
४.    मादी नगरपालिका -४ का २४ बर्षीय सुवास तामाङ  सामान्य ।
५.    मादी नगरपालिका-५ कि २७ बर्षीया युका पोखरेल गम्भिर ।
मृतकः
१.    संखुवासभा मादी नगरपालिका -६ कि ३० बर्षीया सिता बि.क. ।
२.    मादी नगरपालिका -६ कि  ३२ बर्षीया अञ्जना कटुवाल ।
३.    मादी नगरपालिका-५ का ४९ बर्षीय भवानी प्र. दाहाल ।
४.    मादी नगरपालिका-२ का ४२ बर्षीय ईन्द्र अधिकारी ।
५.    मादी नगरपालिका-६ कि ५ बर्षीया दिक्षा कटवाल ।
६.    मादी नगरपालिका-४ का ६० बर्षीय बल बहादुर कार्की ।
७.    मादी नगरपालिका-४ कि २८ बर्षीया सबिता कार्की ।
८.    मादी नगरपालिका-५ का ४८ बर्षीय दिपक कुमार दाहाल
९.    मादी नगरपालिका-५ का ५५ बर्षीय श्याम शेर्पा ।
१०.    मादी नगरपालिका-४ का आईत बहादुर तामाङ ।
११.    मादी नगरपालिका-५ का उमेश भट्टराई ( सहचालक)
१२.    तेह्रथुम फाक्चामाराका ३१ बर्षीय विपिन निरौला (चालक)
१३.    ताप्लेजुङका ३१ बर्षीया समिक्षा योञ्जन ।
१४.     ताप्लेजुङका ८ बर्षीय सुदिप घिसिङ

सम्बन्धित समाचार
लागूऔषध ब्राउन सुगर सहित ४ जना पक्राउ
२०८२-०२-०४

झापा र सुनसरीबाट लागू औषध ब्राउन सुगर सहित ४ जनालाई प्रहरीले पक्राउ गरेको छ । जेष्ठ ३ गते झापाको इलाका प्रहरी कार्यालय अनारमनी र लागू औषध नियन्त्रण व्युरो काँकरभिट्टाबाट खटिएको प्रहरी टोलीले चेक जाँचको क्रममा बिर्तामोड नगरपालिका-४ का २६ बर्षीय संजोग लिम्वुलाई ६६० मिलिग्राम व्राउनसुगर सहित पक्राउ गरेको छ भने इलाका प्रहरी कार्यालय गौरीगंजबाट खटिएको प्रहरी टोलीले दमक नगरपालिका-३ का १९ बर्षीय मिङ्सो लिम्वुलाई ९ ग्राम ३० मिलिग्राम ब्राउन सुगर सहित पक्राउ गरेको छ । यसै गरी सुनसरीको इलका प्रहरी कार्यालय धरानबाट खटिएको प्रहरी टोलीले धरान उप-महानगरपालिका-१ का २६ बर्षीय रुस्तम राई र धरान-१३ की भावना गुरुङलाई ४९० मिलिग्रा ब्राउनसुगर र नगद ३८ हजार ८ सय रुपैया सहित पक्राउ गरेको छ ।

लागूऔषध ब्राउन सुगर सहित २१ जना पक्राउ
२०८२-०२-०३

झापा र मोरङको विभिन्न स्थानबाट लागूऔषध ब्राउन सुगर सहित २१ जनालाई प्रहरीले पक्राउ गरेको छ । जेष्ठ०२ गते मोरङ रतुवामाइ नगरपालिका-२ स्थितबाट लागु औषध नियन्त्रण व्यूरो विराटनगर, इलाका प्रहरी कार्यालय डोरिया र इलाका प्रहरी कार्यालय  सिजुवाबाट खटिएको प्रहरी टोलिले चेकजाँचको क्रममा मोरङ रतुबामाई-८ का ३३ वर्षीय नबिन नेपाली को साथबाट २ ग्राम ५०० मिलिग्राम, रतुवाम-९ का २५ वर्षीय  मनिस राई र  ३३ वर्षीय डिकेन्द्र तामाङको साथबाट ७ ग्राम ४ सय ३० मिलिग्राम, मोरङ पथरी शनिश्चरे-२ का ३१ वर्षीय बुद्दिराज राई र ३० वर्षीय सुर्य बि.कको साथबाट ४ ग्राम ७ सय ५० मिलिग्राम, मोरङ कानेपोखरी-७ क ३८ वर्षीय जोनी राईको साथबाट  २ ग्राम ६ सय १०मिलिग्राम, १९ वर्षीय अशोक कटुवाल र लेटाङ-६ का ३२ वर्षीय सनम राईको साथबाट ४ ग्राम ३ सय २० मिलिग्राम, उर्लाबारी-२ का ३३ वर्षीय मिलन ढकाल र ३३ वर्षीय  मुकुन्द दुलालको  साथबाट ४ ग्राम ६ सय ९० मिलिग्राम, झापा गौरादह-८ का २३ वर्षीय ओम नारायण ताजपुरियाको साथबाट १ ग्राम २ सय ७० मिलिग्राम, झापा कमल गाँउपालिका- २ का २७ वर्षीय  समिर न्यौपाने र २७ वर्षीय  निरज सुब्बाको साथबाट १ ग्राम ३ सय ६० मिलिग्राम, कमल गाँउपालिका-४ का ३०वर्षीय  इन्द्र लिम्बु र ३६ वर्षीय  सुमन राईको साथबाट २ ग्राम ८ सय ९० मिलिग्राम, झापा दमक-५ का २२ वर्षीय आशिष कुमार साह र २८ वर्षीय निरज सुबेदीको साथबाट ३ ग्राम ७ सय २० मिलिग्राम ब्राउन सुगर सहित पक्राउ गरेको छ । भने सोहीदिन उर्लाबारी नगरपालिका-४ स्थितमा  इलाका प्रहरी कार्यालय उर्लाबारीले सोहि स्थान कि ४९ वर्षीया लिला कुमारी थारु र उनको छोरा २५ वर्षीय  रंजित धामि थारु र २४ वर्षीय प्रबिन धामि थारुलाई ब्राउन सुगर  २ ग्राम ९ सय ६० मिलिग्राम, बिभिन्न सहित नियन्त्रणमा लिएको छ । त्यसैगरी झापा बिर्तामोड-५ स्थितबाट लागू औषध व्यूरो काँकडभिट्टा टोलिले झापा मेचिनगर -१० का २३ वर्षीय अंकित खरेललाई १ ग्राम ७ सय २० मिलिग्राम र निषेधित औषधी ९ क्याप्सुल सहित पक्राउ गरेको छ ।            

लागूऔषध गाँजा सहित ५ जना पक्राउ
२०८२-०२-०२

सुनसरी र धनकुटाको बिभिन्न स्थानबाट लागूऔषध गाँजा सहित ५ जनालाई प्रहरीले पक्राउ गरेको छ । जेष्ठ १ गते सुनसरीको इलाका प्रहरी कार्यालय देवानगन्ज र प्रहरी चौकी घुस्कीबाट खटिएको प्रहरी टोलीले हरिनगर गाउँपालिका-७ का ५० बर्षीय मिकाईल मियालाई ५ किलो गाँजा सहित नियन्त्रंणमा लिएको छ । यसै गरी धनकुटाको प्रहरी चौकी मुलघाटले धनकुटा नगरपालिका-९ का ५१ बर्षीय राजु राईलाई २८ किलोग्राम गाँजा सहित नियन्त्रणमा लिएको छ । सोही दिन इलाका प्रहरी कार्यालय भेडेटारले साँगुरीगढी गाँउपालिका-६ स्थितमा चेकजाँचको क्रममा शहिदभुमी गाउँपालिका-२ का २२ बर्षीय सन्तोष दर्जीलाई १२ किलोग्राम गाँजा  सहित र मोरङ सुन्दर हरैचा-१० का २६ बर्षीय जयराम सरदार, १८ बर्षीय सुदिप सरदारलाई ३ किलोग्राम गाँजा सहित पक्राउ गरेको छ ।

ट्याङ्करको ठक्करबाट मोटरसाईकल चालकको मृत्यु
२०८२-०२-०२

मोरङको उर्लाबारी नगरपालिका-३ स्थितमा ट्याक्टरको ठक्करबाट मोटरसाईकल चालकको मृत्यु भएको छ । जेष्ठ २ गते राती साढे ८ बजे पुर्व पश्चिम लोकमार्गमा उर्लाबारीबाट पथरी तर्फ आउदै गरेको  ग. ६ प ५०२६ नम्बरको मोटरसाईकललाई विपरित दिशाबाट जाँदै गरेको  ना. ५ ख २१८७ नम्बरको ट्याङ्करले ठक्कर दिदा मोटरसाईकल चालक झापा दमक नगरपालिका-९ का ३६ वर्षीय मन कुमार लिम्बु गम्भिर घाईते भई उपचारको लागी बि एण्ड सि अस्पताल बिर्तामोड लगिएकोमा उपचारको क्रममा मृत्यु भएको हो । ठक्कर दिने ट्याक्टर चालक बारा जितपुरसिमरा उप-महानगरपालिका-२२ का २९ वर्षीय अशोक ठोकरलाई इलाका प्रहरी कार्यालय उर्लाबारीले नियन्त्रणमा लिई थप अनुसन्धान गरिरहेको छ ।