मोरङ, सुनसरी र उदयपुरबाट लागू औषध सहित ४ जनालाई प्रहरीले पक्राउ गरेको छ । कार्तिक २३ गते सुनसरीको बराहक्षेत्र नगरपालिका- ७ बाट अस्थायी प्रहरी चौकी बाङगेले सोहि स्थानका सुमन बस्नेतलाई १ ग्राम ७५० मिलिग्राम ब्राउन सुगर सहित पक्राउ गरेको हो भने मोरङको बेलबारी नगरपालिका- ७ का अनिल कुमार चौधरीलाई प्रहरी चौकी बाहुनीले ट्रमाडोल र स्पास्पेन गरि जम्मा ८० चक्की सहित सोहि स्थानबाट पक्राउ गरेको हो । त्यस्तै उदयपुरको चौदण्डीगढी नगरपालिका- ३ बाट इलाका प्रहरी कार्यालय बेल्टारले सोहि स्थानका लक्ष्मण राई र रबिन्द्र राईलाई डाईक्लोमाईन ९० ट्याब्लेट र ट्रामाडोल ९० क्याप्सुल सहित नियन्त्रणमा लिएको हो । पक्राउ परेका उनिहरुको थप अनुसन्धान भईरहेको छ ।