सुनसरीको धरान उप-महानगरपालिका-२० च्यान डाँडाबाट २ राउण्ड हावाई फायर गरी लागू औषध गाँजा ओसार पसारमा संलग्न ५ जना र २ वटा सवारी साधनलाई प्रहरीले नियन्त्रणमा लिएको छ । कार्तिक १६ गते बिहान ३ बजे बिशेष सूचनाको आधारमा इलाका प्रहरी कार्यालय धरानबाट खटिएको प्रहरी टोलीले दुई वटा स्कार्पियो गाडीमा गाँजा लोड गर्दै गरेको अवस्थामा देखि रोक्न खोज्दा गाँजा बोकी भाग्न खोजे पछि प्रहरीले नियन्त्रणमा लिन पेस्तोलबाट २ राउण्ड हावाई फायर गरी ओसार पसारमा संलग्न ५ जनालाई पक्राउ गरेको हो । पक्राउ परेका चालक सप्तरी डाक्नेश्वरी नगरपालिका-१० का २४ बर्षीय रामसागर कुमार यादव,  छिन्नमस्ता गाउँपालिका-६ का ५९ बर्षीय राज कुमार साह, राजगढ गाउँपालिका-१ का ४५ बर्षीय राजेन्द्र प्रसाद मण्डल, धरान-११ का २१ बर्षीय अमृत बिशुङखे र भारत बिहारका ३८ बर्षीय सन्तोष ठाकुर सहित  २०९ किलो ४२ ग्राम गाँजा र ओसार पसार गर्न प्रयोग गरिएको बा.१ च ५०३८ र को.१ च ८१८२ नम्बरको सवारी साधन नियन्त्रणमा लिईएको छ ।