सुनसरी, मोरङ, झापा र पाचँथरबाट बिभिन्न मुद्दाका १९ जना फरार प्रतिबादीहरुलाई पक्राउ गरीएको छ । अपराध नियन्त्रण गरी समाजमा शान्ति सुरक्षा व्यवस्था प्रभावकारी बनाउन तथा कानून कार्यान्वयन गर्दै आम नागरिकमा प्रभावकारी प्रहरी सेवा प्रदान गर्न परिचालन भएको प्रहरी टोलीले भदौ २४ गते झापाबाट ४  जना, सुनसरीबाट ३ जना, मोरङबाट ११ जना र पाँचथरबाट १ जना फरार प्रतिवादीहरु पक्राउ गरेको छ । बिभिन्न अपराधमा संलग्न रहेर अदालतबाट दोषी ठहर भई फरार रहेका उनिहरुलाई पक्राउ गरी कैद भुक्तानको लागी कारागार पठाएको छ । पक्राउ परेकाहरुबाट १० बर्ष कैद सजाय  र २ लाख ५ हजार ३ सय ३७ रुपैयाँ जरिवाना रकम असुल उपर भएको छ ।