लागू औषधमा संलग्न २ भारतीय नागरिक सहित ६ जना पक्राउ
२०८३-०५-२४
- A
- A-
- A+
झापा र सुनसरी जिल्लाबाट लागू औषध ओसार पसार तथा बेचबिखनमा संलग्न २ भारतीय नागरिक सहित ६ जनालाई प्रहरीले पक्राउ गरेको छ । भदौ २३ गते झापाको दमक नगरपालिका-२ स्थितमा लागू औषध बेचबिखन भईरहेको छ भन्ने बिशेष सूचनाको आधारमा लागू औषध नियन्त्रण व्यूरो काँकडभिट्टा र इलाका प्रहरी कार्यालय दमकबाट खटिएको प्रहरी टोलीले भारत अररियाका १९ बर्षीय महमद फिरोज र २५ बर्षीय चन्दन कुमार मण्डललाई ४१ ग्राम २३० मिलिग्राम ब्राउन सुगर सहित पक्राउ गरेको छ । चेकजाँचको क्रममा इलाका प्रहरी कार्यालय अनारमनीले अर्जुनधारा नगरपालिका-११ का आदित्य दर्जीलाई ४९ मिलिग्राम ब्राउन सुगर सहित र सुनसरीको इलाका प्रहरी कार्यालय पकलीले इटहरी-१६ की गंगा कुमारी थरुनी, इटहरी- ७ का समिर चौधरी र विरेन चौधरी समेतलाई ३१० ग्राम गाँजा सहित पक्राउ गरेको छ । पक्राउ परेका उनिहरूको आवश्यक कानूनी कारवाही तथा थप अनुसन्धान भईरहेको छ ।