जिल्ला प्रहरी कार्यालय मोरङको निरीक्षण भ्रमणको क्रममा प्रदेश प्रहरी प्रमुख प्रहरी नायव महानिरीक्षक शेखर खनालले मोरङ जिल्लाका स्थानीय नागरिकहरु तथा पूर्व प्रहरी कर्मचारीहरुसंग भेटघाट तथा अन्तरकृया गर्नु भएको छ ।  अन्तरक्रियाका क्रममा स्थानीय नागरिकहरु तथा पूर्व प्रहरी कर्मचारीहरुले जिल्लाको शान्ति–सुरक्षा, ट्राफिक व्यवस्थापन, अपराध नियन्त्रण, प्रहरीको सेवा प्रवाह तथा समुदायसँग प्रहरीको सम्बन्धका विषयमा आफ्ना धारणा र सुझाव राख्नु भएको थियो । प्रदेश प्रहरी प्रमुख खनालले यस्तो भेटघाट तथा अन्तरक्रियाले प्रहरी र समुदायबीचको सम्बन्ध अझ सुदृढ हुनुका साथै नागरिकका वास्तविक समस्या तथा अपेक्षा बुझ्न सहयोग पुग्ने विश्वास व्यक्त गर्दै कोशी प्रदेश प्रहरी समाजमा शान्ति सुरक्षा कायम राख्ने कार्यमा स्थानिय बासी तथा पुर्व प्रहरीहरुसंग सहकार्य गर्दै अगाडि बढ्ने बताउनु भयो । भेटघाट कार्यक्रममा जिल्ला प्रहरी कार्यालय मोरङका प्रहरी उपरीक्षक कवित कटुवाल, कोशी प्रदेश प्रहरी कार्यालय विराटनगरका प्रहरी उपरीक्षक नारायण प्रसाद चिमरीया सहित प्रहरी अधिकृतहरुको उपस्थिति रहेको थियो ।