आसरा सुधार केन्द्र पानवारी धरानले “लागू औषध दुरुपयोग तथा ओसारपसार बिरुद्द अन्तराष्ट्रिय दिवस (२६ जुन २०२६) को अवसरमा विविध कार्यक्रमको आयोजना गरी सम्पन्न गरेको छ । “लागू औषधको चुनौती चिनौः सामाजिक समाधानको बाटो खोजौ” भन्ने नारा सहित असार १२ गते आसरा सुधार केन्द्र पानवारी धरानको सभाहलमा नेपाल प्रहरी श्रीमती संघका केन्द्रिय अध्यक्ष एंव आसरा सुधार केन्द्र रानीबारी काठमाण्डौका प्रमुख संरक्षक श्रीमती नविना खत्री कार्कीको प्रमुख आथित्यता तथा कोशी प्रदेश प्रहरी प्रमुख प्रहरी नायव महानिरीक्षक विनोद घिमिरेको विशेष आतिथ्यतामा भएको कार्यक्रममा उपचाररत सदस्यहरुले लागू औषध दुर्व्यसनको बिरुद्धमा नृत्य, गायन, कविता बाचन लगायत विविध बिधामा आ-आफ्नो प्रस्तुति प्रदर्शन गरेका थिए । कार्यक्रम प्रमुख अतिथिले बिभिन्न सांस्कृतिक कार्यक्रम तथा कविता वाचनमा सहभागी उपचारत सदस्यहरुलाई उनिहरुले प्रदर्शन गरेको कलाको  उच्च सम्मान गर्नुका साथै उत्कृष्ट हुने सदस्यहरुलाई पुरस्कृत गर्नु भएको थियो । कार्यक्रममा प्रमुख अतिथि कार्कीले आसरा सुधार केन्द्रले समाजमा पुर्‍याएको योगदानको मुक्त कण्ठले प्रसंसा गर्नु हुदै उपचाररत सदस्यहरुले पुनरस्थापना पश्चात नयाँ आशा र विश्वासका साथ परिवार र समाजको खुशीमा रमाउन दृढताका साथ अगाडि बढ्न अनुरोध गर्नु हुदै शुभकामना सहितको मन्तब्य राख्नु भएको थियो ।

कार्यक्रममा कोशी प्रदेश प्रहरी प्रमुख एवं आसरा सुधार केन्द्रका संरक्षक प्रहरी नायव महानिरीक्षक विनोद घिमिरेले कोशी प्रदेश प्रहरी लागू औषध मुक्त समाज निर्माण गर्ने उद्धेश्यका साथ सवैको सहकार्यमा लागू औषध विरुद्धको महाअभियान कार्यक्रम संचालन गरी अगाडि वढिरहेको बताउनु हुदै आसरा सुधार केन्द्रले दुर्व्यसन मुक्ति तथा पुनःस्थापनाको क्षेत्रमा पुर्‍याउँदै आएको योगदानको प्रशंसा गर्दै शुभकामना सहितको मन्तव्य राख्नु भएको थियो । कार्यक्रममा आसरा सुधार केन्द्र पानवारीका संचालक समितिका सदस्य सरोज श्रेष्ठ, आसरा सुधार केन्द्र पानवारी धरान सुनसरीका संचालक समितिका प्रथम उपाध्यक्ष शिला बज्राचार्य केन्द्रले आसरा सुधार केन्द्रको गतिविधि, भावी योजना तथा आ- आफ्नो धारणा सहितको मन्तव्य राख्नु भएको थियो ।

कार्यक्रममा कोशी प्रदेश प्रहरी कार्यालय विराटनगरका प्रहरी वरिष्ठ उपरीक्षक भीम बहादुर दाहाल, नेपाल प्रहरी प्रदेश कार्यालय धरानका प्रहरी वरिष्ठ उपरीक्षक ज्ञानेन्द्र प्रसाद फुँयाल, जिल्ला प्रहरी कार्यालय सुनसरी, नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय इटहरी, कोशी प्रदेश प्रहरी गण विराटनगरका प्रहरी उपरीक्षहरु, नेपाल प्रहरी श्रीमती संघ कोशी प्रदेशका पदाधिकारीहरु, आसरा सुधार केन्द्र पानवारी धरानका संचालक समितिका सदस्यहरु, पत्रकार, परामर्श दाताहरु लगायत केन्द्रमा कार्यारत प्रहरी कर्मचारीहरुको उपस्थिती रहेको थियो ।