भरुवा बन्दुक सहित १ जना पक्राउ

२०८३-०२-२१

A
A^-
A⁺

धनकुटाको धनकुटा नगरपालिका-९ स्थितबाट भरुवा बन्दुक सहित १ जनालाई प्रहरीले पक्राउ गरेको छ । जेठ २० गते अस्थायी प्रहरी पोष्ट बेलहाराबाट खटिएको प्रहरी गस्ती टोलीले धनकुटा नगरपालिका-९ का २३ बर्षीय बिजय राईलाई लोडगरेको भरुवा बन्दुक १ थान बोकी हिडिरहेको अवस्थामा पक्राउ गरेको छ । भरुवा बन्दुक सहित पक्राउ परेका राईको जिल्ला प्रहरी कार्यालय धनकुटाबाट थप अनुसन्धान भईरहेको छ ।

सम्बन्धित समाचार

लागू औषध सहित ६ जना पक्राउ

२०८३-०२-२१

सुनसरी र मोरङबाट लागू औषध सहित ६ जनालाई प्रहरीले पक्राउ गरेको छ । जेठ २० गते सुनसरी जिल्लाको बिभिन्न स्थानहरुमा चेकजाँचमा खटिएको प्रहरी टोलीले लागू औषध ब्राउन सुगर १७ ग्राम ३६६ मिलिग्राम सहित संलग्न संखुवासभा बाह्रबिसे-१ घर भई हाल ईटहरी- ५ स्थित बस्दै आएका भिम बहादुर दास, इटहरी-१८ का रोहित चौधरी, धरान-१७ का अमित राई, धरान- ८ का प्रवेश राई र मनोज तामाङलाई पक्राउ गरेको छ । यसै गरी मोरङको अस्थायी प्रहरी पोष्ट केचनाले सुनवर्सी- २ का रुष्तम मियाँलाई १५ ग्राम ३७० मिलिग्राम ब्राउन सुगर सहित पक्राउ गरेको छ ।

लागू औषध सहित ११ जना पक्राउ

२०८३-०२-२०

झापा, मोरङ र सुनसरी जिल्लाको विभिन्न स्थानहरूबाट लागू औषध सहित ११ जना पक्राउ परेका छन । झापाको इलाका प्रहरी कार्यालय काँकरभिट्टा र लागू औषध नियन्त्रण ब्युरो काँकरभिट्टाको प्रहरी टोलीले चेकजाँचको क्रममा मेचीनगर नगरपालिका-१४ का आकाश चौधरीलाई १६ ग्राम ४०० मिलिग्राम ब्राउन सुगर सहित, प्रहरी चौकी टाघनडुब्बाले दमक नगरपालिका-१० का सुरज राय र विराटनगर-३ का बाबुराम दर्जीलाई १४ ग्राम ८१० मिलिग्राम ब्राउन सुगर सहित र इलाका प्रहरी कार्यालय अनारमनीले अर्जुनधारा नगरपालिका-७ का बिनोद मगर, भोजपुर हतुवागढी गाउँपालिका-४ का सागर राईलाई ५ किलो ९० ग्राम गाँजा सहित पक्राउ गरेको छ । यसैगरी मोरङको अस्थायी प्रहरी चौकी कुशलबजारले पथरीशनिश्चरे नगरपालिका-८ का रबिन माझी, दुर्गा राई, पवन खत्री र कानेपोखरी गाउँपालिका-५ का रमल नेपालीलाई २०० मिलिग्राम ब्राउन सुगर सहित पक्राउ गरेको छ भने सुनसरीको अस्थायी प्रहरी चौकी जोरसखुवाले धनकुटा साँगुरीगढी गाउँपालिका-९ का बिनोद राई र विशाल राईलाई ३७० मिलिग्राम ब्राउन सुगर सहित पक्राउ गरेको छ ।

संगठन प्रमुख प्रहरी महानिरीक्षकबाट निर्देशन सम्वोधन ।

२०८३-०२-१९

नेपाल प्रहरी संगठन प्रमुख प्रहरी महानिरीक्षक दान बहादुर कार्कीले कोशी प्रदेश तथा माहतमा कार्यरत प्रहरी कर्मचारीहरुलाई आवश्यक निर्देशन दिनु भएको छ । जेठ १९ गते कोशी प्रदेश प्रहरी तालिमकेन्द्रको प्राङ्गणमा आयोजित एक कार्यक्रमका बिच भएको निर्देशन सम्वोधनको क्रममा वहाँले नेपाल प्रहरीले मानिसको जन्म देखि मृत्यु सम्म हुने गरेका सम्पूर्ण गतिविधि, क्रियाकलापहरुमा भरोसाको धरोहर भएर काम गर्नु पर्ने बताउनु भयो । वँहाले नेपाल प्रहरीको उच्च ब्यवसायिकता प्रदर्शन गरी कार्यालयमा सेवा लिन आएका सेवाग्राहीहरुप्रति समान व्यवहार तथा अपेक्षा रहित कार्य प्रदर्शन गर्दै मिठो र नम्र बोलि बचनका साथ प्रस्तुत हुन उपस्थित सम्पुर्ण प्रहरी कर्मचारीहरुलाई निर्देशन दिनुभयो । साथै वँहाले द्वन्द, बन्द, बाढी, पहिरो, आँधी हुरीमा खटिने प्रहरी सधै चुस्त, दुरुस्त र स्फुर्ती हुनुपर्ने भएकोले दैनिक रुपमा शारिरीक व्यायाम, योग ध्यान गरी मन र तनबाट नै तयारी अवस्थामा रहनु पर्ने बताउनु भयो । यसका साथै खुल्ला सिमा नाकाको कारण हुने भन्सार चोरी निकासी तथा बिभिन्न अपराधिक घटनाको रोकथाम तथा नियन्त्रणका लागि योजना मुताविक प्रहरी परिचालनगरी संलग्न व्यक्तिलाई कानूनी दायरामा ल्याउन निर्देशन दिनुभयो । निर्देशन सम्वोधनको क्रममा नेपाल प्रहरी प्रधान कार्यालयका प्रहरी वरिष्ट उपरीक्षक मुकुन्द मरासैनी, कोशी प्रदेश प्रहरी तालिमकेन्द्रका समादेशक प्रहरी वरिष्ठ उपरीक्षक गोविन्द अधिकारी, नेपाल प्रहरी प्रदेश कार्यालय धरानका प्रमुख ज्ञानेन्द्र फुँयल, कोशी प्रदेश प्रहरी कार्यालयका प्रहरी वरिष्ठ उपरीक्षक योगेन्द्र सिंह थापा, नेपाल प्रहरी विशेष सुरक्षा गण दुहवी, नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय इटहरी, जिल्ला प्रहरी कार्यालय मोरङ, सुनसरी, झापा र उदयपुरका प्रमुखहरु लगायत सिनियर तथा जुनियर प्रहरी अधिकृतहरू सहित प्रहरी कर्मचारीहरु तथा प्रशिक्षार्थी प्रहरी जवानहरुको समेत उपस्थिति रहेको थियो ।

"सम्पत्ति शुद्धीकरण, आतंककारी कार्य, आम विनासका हातहतियार निर्माण तथा विस्तारमा वित्तीय लगानी" सम्बन्धि अपराध अनुसन्धान अनुशिक्षण तालिमको समुद्‍घाटन

२०८३-०२-१९

नेपाल राष्ट्र बैंक तथा नेपाल प्रहरी प्रधान कार्यालयको आयोजनामा सम्पत्ति शुद्धीकरण, आतंककारी कार्य, आम विनासका हातहतियार निर्माण तथा विस्तारमा वित्तीय लगानी" सम्बन्धि अपराध अनुसन्धान अनुशिक्षण तालिमको समुद्‍घाटन भएको छ । जेठ १९ गते कोशी प्रदेश प्रहरी कार्यालय विराटनगरको सभाहलमा नेपाल राष्ट बैङ्का गभर्नर बिश्वनाथ पौडेलको प्रमुख अतिथ्यता तथा प्रहरी महानिरीक्षक दान बहादुर कार्कीको विशिष्ट अतिथ्यतामा उक्त तालिमको समुद्‍घाटन भएको हो । तालिम उद्‍घाटन कार्यक्रमलाई सम्वोधनको क्रममा प्रमुख अतिथि नेपाल राष्ट बैङ्का गभर्नर बिश्वनाथ पौडेलले वित्तीय प्रणालीको पारदर्शिता, सुशासन तथा आर्थिक स्थायित्व कायम गर्न सम्पत्ति शुद्धीकरण, आतंकवादी गतिविधिमा वित्तीय लगानी तथा आमविनाशका हातहतियारसँग सम्बन्धित वित्तीय अपराध नियन्त्रण अत्यन्त महत्वपूर्ण रहेको बताउदै यस्ता अपराधको अनुसन्धान तथा निगरानीमा सम्बन्धित निकायबीच प्रभावकारी समन्वय, सूचना आदानप्रदान र दक्ष जनशक्ति उत्पादन गरी वित्तीय अपराधका नयाँ प्रवृत्ति र चुनौतीहरूलाई नियन्त्रण गर्ने उद्देश्यले प्रहरी कर्मचारीहरुलाई उक्त तालिम प्रदान गरिएको बताउनु भयो । सम्वोधनकै क्रममा प्रहरी महानिरीक्षक दान बहादुर कार्कीले वित्तीय अपराधको स्वरूप दिनप्रतिदिन जटिल बन्दै गएको उल्लेख गर्दै यस्ता अपराधको सफल अनुसन्धानका लागि प्राविधिक ज्ञान, अनुसन्धान सीप र अन्तरनिकाय समन्वय अपरिहार्य रहेको बताउनुभयो । प्रहरीले हुण्डी कारोवार, संगठित अपराध, मानव बेचबिखन तथा लागूऔषध ओसार पसार, अपराधिक लाभ, ठगी जस्ता अपराधहरुको सफल अनुसन्धान गर्न प्रमाण संकलन, वितिय विश्लेषण, अन्तर निकायसंगको समन्वय, अन्तराष्ट्रिय सहकार्य गर्दै आएको बताउनु भयो । सम्पत्ति शुद्धीकरण तथा आतंककारी वित्तीय लगानीसँग सम्बन्धित अपराध नियन्त्रण राष्ट्रिय सुरक्षा र आर्थिक सुशासनसँग प्रत्यक्ष रूपमा जोडिएको विषय भएकाले नेपाल प्रहरीले यस क्षेत्रमा आफ्नो क्षमता अभिवृद्धि गर्दै आएको साथै तालिमले सहभागी प्रहरी अधिकृतहरूको सैद्धान्तिक, व्यवहारिक ज्ञानमा अभिवृद्धि भई भविष्यमा यस्ता अपराधको प्रभावकारी नियन्त्रण तथा अनुसन्धानमा महत्वपूर्ण योगदान पुग्ने विश्वास व्यक्त गर्नु भयो । साथै औपचारिकरुपमा शुभारम्भ भएको उक्त तालिमको शुभकामना समेत व्यक्त गर्नु भयो । कार्यक्रममा नेपाल राष्ट्र बैंकका कार्यकारी निर्देशक गुरु प्रसाद पौडेलले तालिमको महत्वका बारेमा प्रकाश पार्नु भएको थियो भने कोशी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक गोबिन्द अधिकारीले स्वागत मन्तव्य तथा नेपाल प्रहरी प्रधान कार्यालयका प्रहरी वरीष्ठ उपरीक्षक मुकुन्द मरासिनीले धन्यवाद ज्ञापन सहितको मन्तव्य राख्नु भएको थियो । तालिम समुद्‍घाटन कार्यक्रममा कोशी प्रदेश प्रहरी कार्यालयका प्रहरी वरिष्ठ उपरीक्षक योगेन्द्र सिंह थापा, नेपाल प्रहरी प्रदेश कार्यालय धरानका प्रहरी वरिष्ठ उपरीक्षक ज्ञानेन्द्र फुयाल, नेपाल राष्ट्रबैङ्कका निर्देशक शरण कुमार अधिकारी लगायतका पदाधिकारीहरु, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरीका प्रमुख, जिल्ला प्रहरी कार्यालय झापा, मोरङ, सुनसरी, उदयपुरका प्रमुखहरु, प्रहरी अधिकृतहरु लगायत प्रशिक्षार्थीहरुका साथै संचार कर्मिहरुको उपस्थिति रहेको थियो । तालिममा सहभागी प्रशिक्षार्थीहरूलाई सम्पत्ति शुद्धीकरण, आतंककारी वित्तीय लगानी तथा आमविनाशका हातहतियार निर्माण वा विस्तारसँग सम्बन्धित वित्तीय अपराधको अनुसन्धान, कानुनी व्यवस्था, जोखिम पहिचान तथा अनुसन्धान प्रविधिका विषयमा प्रशिक्षण प्रदान गरिने छ । वित्तीय अपराधको बदलिँदो स्वरूपलाई मध्यनजर गर्दै अनुसन्धान अधिकृतहरूको क्षमता अभिवृद्धि गर्ने उद्देश्यले सञ्चालन गरिएको उक्त तालिमले अपराधको प्रभावकारी अनुसन्धान तथा नियन्त्रणमा सहयोग पुग्ने छ । ५ कार्य दिन अवधिको उक्त तालिममा कोशी प्रदेश अन्तरगत रहेका जिल्ला प्रहरी कार्यालय तथा मुद्दा चल्ने प्रहरी इकाईका अनुसन्धान शाखामा कार्यरत २४ जना जुनियर प्रहरी अधिकृतहरुको सहभागीता रहेको छ ।

लागू औषध सहित ७ जना पक्राउ

२०८३-०२-१९

झापा, मोरङ र सुनसरी जिल्लाका विभिन्न स्थानहरूबाट लागू औषध सहित ७ जनालाई पक्राउ गरिएको छ । जेठ १८ गते चेकजाँचको क्रममा जिल्ला प्रहरी कार्यालय झापा र लागू औषध नियन्त्रण ब्यूरो काँकरभिट्टाको प्रहरी टोलीले कचनकवल गाउँपालिका-६ स्थितबाट भारत किसनगंजका युबेद राजालाई ६९ ग्राम ६०० मिलिग्राम ब्राउन सुगर सहित र वडा प्रहरी कार्यालय भद्रपुरले कचनकवल गाउँपालिका-४ का हेमन्त विश्वकर्मालाई ५ ग्राम १२० मिलिग्राम ब्राउन सुगर सहित नियन्त्रणमा लिएको छ । यसैगरी मोरङको धनपालथान गाउँपालिका-३ र रंगेली नगरपालिका-४ चोप्राहबाट इलाका प्रहरी कार्यालय रंगेली र लागू औषध नियन्त्रण ब्यूरो विराटनगरको टोलीले रंगेली-१ का सुदिप भट्टराईलाई ३ ग्राम ब्राउन सुगर सहित, र उर्लाबारी -४ का अभिषेक कार्की, बेलवारी -२ का नविन निरौलालाई ७ ग्राम ४०० मिलिग्राम ब्राउन सुगर सहित र सुन्दरहरैचा नगरपालिका-७ का सुरज परियारलाई १३ ग्राम ८६० मिलिग्राम ब्राउन सुगर सहित पक्राउ गरिएको छ । चेकजाँचकै क्रममा सुनसरीको इलाका प्रहरी कार्यालय धरानले धरान-१७ का भोला राईलाई ३४० मिलिग्राम ब्राउन सुगर सहित पक्राउ गरेको छ ।

लागू औषध सहित १५ जना पक्राउ

२०८३-०२-१५

झापा र सुनसरी जिल्लाको विभिन्न स्थानहरुबाट जेठ १४ गते लागू औषध सहित १५ जनालाई पक्राउ गरिएको छ ।झापाको गौरीगंज गाउँपालिका-२ स्थितबाट इलाका प्रहरी कार्यालय गौरीगंजबाट खटिएको प्रहरी टोलीले भारतकी रुकमणी देवी र निजको छोरी कोमल कुमारी हरिजनलाई २० ग्राम ३०० मिलिग्राम ब्राउन सुगर सहित, इलाका प्रहरी कार्यालय काँकरभिट्टाले मेचीनगर नगरपालिका-६ का दुखु मियाँलाई २ ग्राम १७० मिलिग्राम ब्राउन सुगर सहित, इलाका प्रहरी कार्यालय अनारमनीले झापा गाउँपालिका-५ का मिलन कुमार राजवंशी र कनकाई नगरपालिका-७ की सरु कार्की डोलीलाई ३ ग्राम ७०० मिलिग्राम ब्राउन सुगर सहित पक्राउ गरेको छ भने सुनसरीको बराहक्षेत्र नगरपालिका-६ बाट इलाका प्रहरी कार्यालय महेन्द्रनगरले सोही स्थानका चन्दन कुमार बहदार, प्रबिन बि.क, अमर राई, आईत सिह तामाङ, समिर तामाङ र सुभराज राईलाई प्रतिबन्धीत औषधी ट्रामाडोल हाईड्रोक्लोराइड- २९० क्यापसुल, स्पास्मो- १५० ट्रयाब्लेट, एन्टिकोफ- १५० ट्रयाब्लेट र २७० मिलिग्राम ब्राउन सुगर सहित, प्रहरी चौकी भोक्राहानरसिंहले सोही स्थानका नियाउद्दिन आलमलाई ६२ ग्राम गाँजा, प्रतिबन्धित औषधी- २५ ट्रयाबलेट सहित, अस्थायी प्रहरी चौकी बाङगेले बराहक्षेत्र नगरपालिका-७ कि रचना राई र अरुणा बि.क. लाई १२० मिलिग्राम ब्राउन सुगर सहित र जिल्ला प्रहरी कार्यालय सुनसरीले ईटहरी उप- महानगरपालिका-२ का संजोग राई, जित बहादुर राई र पुस्पा प्रधानलाई ६ ग्राम ९७० मिलि ग्राम ब्राउन सुगर सहित पक्राउ गरेको छ ।पक्राउ परेको सबैनजनाको थप अनुसन्धान भई रहेको छ ।