लागू औषध ब्राउन सुगर सहित ५ जना पक्राउ
२०८३-०८-०४
झापा, सुनसरी र ताप्लेजुङ जिल्लाको विभिन्न स्थानहरुबाट लागु औषध ब्राउन सुगर सहित ५ जनालाई पक्राउ गरिएको छ । मंसिर ३ गते झापाको इलाका प्रहरी कार्यालय दमकले दमक नगरपालिका-६ का मनिष शर्मा र डिक बहादुर शर्मालाई १ ग्राम ४७० मिलिग्राम लागू औषध ब्राउन सुगर सहित र इलाका प्रहरी कार्यालय झिलझिलेले दमक-७ का भिम सागर न्यौपानेलाई ७३० मिलिग्राम ब्राउन सुगर सहित पक्राउ गरेको छ । त्यसैगरी सुनसरीको इलाका प्रहरी कार्यालय इटहरीले उदयपुर चौदण्डिगढी नगरपालिका-५ का उदित नरायण चौधरीलाई ८ ग्राम ६५० मिलिग्राम ब्राउन सुगर सहित र जिल्ला प्रहरी कार्यालय ताप्लेजुङले फुङलिङ नगरपालिका-७ का आषिश लिम्बुलाई १ ग्राम ब्राउन सुगर सहित पक्राउ गरेको छ ।