उदयपुरको चौदण्डीगढी नगरपालिका- १ कटरवोटे स्थितबाट अवैध हतियार भरुवा बन्दुक सहित १ जनालाई प्रहरीले पक्राउ गरेको छ । विषेश सूचनाको आधारमा ईलाका प्रहरी कार्यालय बेल्टारबाट खटिएको प्रहरी टोलीले हिजो बेलुका ६ बजे चौदण्डिगढीबाट बेल्टारतर्फ आदैगरेको को. १३ प ४१५ नम्‍बरको मोटरसाईकललाई रोकी चेकजाँच गर्दा भरुवा बन्दुक १ थान, भरुवा बन्दुकमा प्रयोग गर्ने वारुद सहितको  सेतो वट्टा १ थान, फलामको गोली ४ थान, केप १ थान, दवास १ थान, फलामको नाल १ थान र वेरिङ १७ थान सहित आम्चोक गाउँपालिका- १० भोजपुरका २० बर्षीय समिर राईलाई पक्राउ गरेको थियो । पक्राउ परेका उनको ईलाका प्रहरी कार्यालय बेल्टारबाट थप अनुसन्धान भईरहेको छ ।