पाँचथर, मोरङ र भोजपुर जिल्लाको छुट्टाछुट्टै स्थानबाट बुधवार बन पैदावार तथा ओसारपसार, लागुऔषध,सवारी ज्यान र जबरजस्ति करणी मुद्धाका ४ जना फरार प्रतिवादीहरुलाई प्रहरीले पक्राउ गरेको हो छ । फरार प्रतिवादी पक्राउ अभियान अन्तर्गत  सम्मानित मोरङ जिल्ला अदालत, पाँचथर र भोजपुर जिल्ला अदालतको आदेशले कैद तथा जरिवाना फैसला भएता पनी फरार रहेका बन पैदावार तथा ओसारपसार मुद्धाका बेलबारी- १ का ४६ बर्षीय विदन कुमार राई, लागुऔषध मुद्धाका  नबिन पुरी, सवारी ज्यान मुद्धाका ईलाम नगरपालिका- ३ का २४ बर्षीय सन्तोष मुखिया र जबरजस्ती करणी मुद्धाका रामप्रसादराई गाउँपालिका- १ का ३५ बर्षीय सुन्दर राईलाई प्रहरीले पक्राउ गरेको हो । पक्राउ परेका चारै जनालाई तोकिएको कैद तथा जरिवाना भुक्तानको लागि सम्बन्धीत जिल्ला अदालतमा बुझाएको प्रहरीले जनाएको छ ।