मोरङको सुन्दरहरैचा नगरपालिका- १ स्थितबाट ईलाका प्रहरी कार्यालय हरैचाबाट खटिएको प्रहरी टोलीले एक जना फरार प्रतिवादीलाई पक्राउ गरेको छ । लागुऔषध मुद्धामा सम्मानित मोरङ जिल्ला अदालतको मिति २०७५।०५।२६ गतेको फैसाला अनुसार नगद २ हजार रुपैँया जरिवाना र २० दिन कैद सजाय तोकिएका फरार प्रतिवादी ३० बर्षीय राहुल खवासलाई खोजतलास गर्ने क्रममा गाउँघरमा नै लुकिछिपी बसेको अवस्थामा फेला पारी पक्राउ गरेको हो । पक्राउ परेका उनलाई तोकिएको कैद भुक्तानको लागि जिल्ला कारगार मोरङ पठाईएको छ ।