झापा र मोरङ जिल्लाको छुट्टाछुट्टै स्थानबाट प्रतिबन्धित लागुऔषध सहित पाँच जनालाई प्रहरीले पक्राउ गरेको छ । हिजो दिउँसो साढे २ बजे झापाको मेचिनगर नगरपालिका- ६ मेचीपुल स्थित लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेको साईकल यात्री मेचिनगर- ९ का २८ बर्षीय अरुण दर्जी र सोही साईकलमा पछाडी सवार मेचिनगर- १० का ४६ बर्षीय भोज बहादुर सार्कीले साईकलको हेण्डल भित्र लुकाईछिपाई ल्याउदै गरेको लागुऔषध ब्राउनसुगर १ ग्राम फेला पारी पक्राउ गरेको हो भने प्रदेश १-०१-०१५ प.७३३४ नम्बरको स्कुटीका चालक मेचिनगर- ३ का २२ बर्षीय युवराज गिरीको साथबाट ५ ग्राम १ सय मिलिग्राम ब्राउनसुगर फेला पारी पक्राउ गरेको हो । यसैगरी मोरङको बिराटनगर महानगरपालिका- ११ बसपार्कबाट  धरान- १५ का तेज बहादुर राईलाई शंकास्पद अस्थामा फेला पारी चेकजाँच गर्दा उनको साथबाट एविल, डाईजापाम, लुपिजेशिक र फेनारगन गरी जम्मा २८ थान औषधी फेला पारी पक्राउ गरेको हो । यसैगरी लागुऔषध नियन्त्रण ब्युरो बिराटनगरबाट खटिएको प्रहरी टोलीले बिराटनगर-१६ बाट एभिल, फेनारागन, लुपिजेशिक र डाइजोपाम  गरी १ सय २० एम्पुल औषधी सहित बिराटनगर- १२ का ३४ बर्षीय बिजय खतिवडालाई पक्राउ गरेको हो । ईलाका प्रहरी कार्यालय बुधनगरबाट खटिएको प्रहरी टोलीले बिराटनगर महनगरपालिका- १८ स्थित खेतको परालमा बेवारिसे अवस्थामा पलाष्टिकको झोला भित्र लुकाईछिपाई राखेको ८१ के.जी. गाँजा बरामद गरेको छ । प्रतिबन्धित लागुऔषध सहित पक्राउ परेका उनिहरुको सम्बन्धमा सम्बन्धित प्रहरी कार्यालयहरुबाट थप अनुसन्धान भईरहेको छ ।