सोलुखुम्बुको महाकुलुङ गाउँपालिका-२ पेल्माङ स्थितका ५० बर्षीय सितल बहादुर राईको हत्यामा संलग्न २ जना लाई प्रहरीले पक्राउ गरेको छ । पक्राउ पर्नेहरुमा स्थानिय ५५ बर्षीय  धरन बहादुर राई र ३५ बर्षीय समित कुलुङ रहेका छन् ।

शुक्रबार राती सवा १० बजे मादक पदार्थ सेवन गरेर बादबिबाद संगै भएको झै-झगडामा घाईते भएका सितल बहादुर राईको घटनास्थलमै मृत्यु भएको थियो । घटनास्थलमा अन्य कानूनी प्रकृया भईरहेको छ भने नियन्त्रणमा लिएको दुबैजनाको सम्बन्धमा थप अनुसन्धान भईरहेको ईलाका प्रहरी कार्यालय सोताङले जनाएको छ ।