प्रहरी कन्ट्रोल : १००, टोल फ्री नं.: १६६००१४१५१६
नेपा
EN

६८ औं प्रहरी दिवसको अवसरमा नेपाल प्रहरी श्रीमती संघ कोशी प्रदेशद्वारा सचेतना कार्यक्रम सम्पन्न

२०८०-०६-२४

  • A
  • A-
  • A+
Share

नेपाल प्रहरी श्रीमती संघ कोशी प्रदेशले ६८ औं प्रहरी दिवसको अवसरमा लागुऔषध दुर्ब्यसन तथा ट्राफिक सचेतना सम्बन्धी सचेतना मुलक कार्यक्रम संचालन गरेको छ । नेपाल प्रहरी श्रीमती संघ कोशी प्रदेशको आयोजना तथा आसरा सुधार केन्द्र पानवारी धरान र जिल्ला ट्राफिक प्रहरी कार्यालय मोरङको सहकार्यमा मोरङको बिराटनगर महानगरपालिका-७ मा रहेको आदर्श माध्यामिक बिद्यालयमा आज सचेतना कार्यक्रम संचालन गरेको हो ।
उक्त सचेतना कार्यक्रममा नेपाल प्रहरी श्रीमती संघ कोशी प्रदेशकी अध्यक्ष श्रीमती अजिता देवकोटा बास्तोला, आसरा सुधार केन्द्र पानवारी धरानका मनोपरामर्शदाता टिकाराम सिग्देल र जिल्ला ट्राफिक प्रहरी कार्यालय मोरङका प्रहरी प्रमुख सुमन न्यौपानेले प्रशिक्षण प्रदान गर्नु भएको थियो ।
प्रशिक्षणको क्रममा वाहाँहरुले लागुऔषधको कुलतले ब्यक्ति, परिवार, समाज र समग्र राष्ट्रलाई नै असर पुग्ने हुँदा लागुऔषध दुर्ब्यसनले हुन सक्ने बिभिन्न अपराधिक घटनाहरुको बारेमा बिद्यार्थीहरुलाई सु-सुचित गराउनुका साथै सवारी दुर्घटना न्युनिकरण तथा सडक सभ्यता अभिबृद्धिको लागी ट्राफिक जनचेतना र सडक दुर्घटना सम्बन्धी प्रशिक्षण प्रदान गर्नु भएको थियो ।
उक्त सचेतना कार्यक्रममा बिद्यालयका कक्षा ९ र १० का बिद्यार्थीहरु सहभागि भएका थिए भने प्रशिक्षण कार्यक्रममा बिद्यालयका शिक्षक शिक्षिकाहरु र नेपाल प्रहरी श्रीमती संघ कोशी प्रदेशका पदाधिकारीहरुको उपस्थिति रहेको थियो ।

सम्बन्धित समाचार
लागू औषध सहित ४ जना पक्राउ
२०८२-०३-२८

मोरङको बिभिन्न स्थानहरुबाट लागू औषध सहित ४ जनालाई प्रहरीले पक्राउ गरेको छ । असार २७ गते मोरङको पथरीशनिश्चरे नगरपालिका-१ का २६ बर्षीय युवराज थापा मगरलाई उनकै घरबाट ७६० मिलिग्राम ब्राउन सुगर सहित इलाका प्रहरी कार्यालय पथरीले पक्राउ गरेको हो भने प्रहरी चौकी रमाईलोले कानेपोखरी गाउँपालिका- २ का २५ बर्षीय संजय चौधरीलाई स्पासपेन ९० र ट्रमाडोल १०५ चक्की सहित नियन्त्रणमा लिएको हो । त्यसैगरी धनपालथान गाउँपालिका- १ स्थित उखु बारी भित्र रहेको ३५ किलो ३०४  ग्राम गाँजा इलाका प्रहरी कार्यालय रंगेली, प्रहरी चौकी गडेरिया र अमाहिबरियातीको प्रहरी टोलीले नियन्त्रणमा लिएको हो भने लागू औषध नियन्त्रण ब्युरो विराटनगरले को. १० प ७०७२ नम्बरको मोटरसाईकल चालक विराटनगर- ४ का ४७ बर्षीय बैजनाथ चौधरी र पछाडी सवार धनकुटा नगरपालिका- ८ का ४८ बर्षीय निर्पेश राईलाई १५ किलो ३५ ग्राम गाँजा सहित विराटनगर- १३ बाट पक्राउ गरेको छ । पक्राउ परेका उनिहरुको थप अनुसन्धान भईरहेको छ ।

लागू औषध सहित ६ जना पक्राउ
२०८२-०३-२६

मोरङ र सुनसरीबाट असार २५ गते लागू औषध सहित ६ जनालाई प्रहरीले पक्राउ गरेको छ । लागू औषध नियन्त्रण ब्युरो विराटनगरको प्रहरी टोलीले संखुवासभाको धर्मदेवी नगरपालिका-३ का ३३ बर्षीय श्याम बहादुर पौडेल र बुढिगंगा गाउँपालिका-३ का ३७ बर्षीय बिन्दुराज महतरालाई १३ ग्राम ८५ मिलिग्राम ब्राउन सुगर सहित र सामुदायीक प्रहरी बिट हवाई चौक सुनसरीले धरान- १५ का १९ बर्षीय मोहित राई र ईटहरी-२ का २२ बर्षीय अनिल मगरलाई २ सय ३५ क्याप्सुल सहित नियन्त्रण लिएको हो । यसैगरी इलाका प्रहरी कार्यालय देवानगंजले देवानगंज गाउँपालिका-२ का २० बर्षीय प्रकाश यादव र देवानगंज-७ का १९ बर्षीय धिरज यादवलाई ५ किलोग्राम गाँजा सहित पक्राउ गरेको हो । पक्राउ परेका उनिहरुको थप अनुसन्धान भईरहेको छ ।

सवारी दुर्घटनाबाट ३ जनाको मृत्यु
२०८२-०३-२६

झापाको बाह्रदर्शी गाउँपालिका-१ स्थित भित्री सडक खण्डमा सवारी दुर्घटना हुँदा ३ जनाको मृत्यु भएको छ । मृत्यु हुनेमा स्कुटी चालक कचनकवल गाउँपालिका-३ का ६० बर्षीय श्री प्रसाद राजबंशी, निजको ३ बर्षीय नाती आयुष राजबंशी र  देश भारत किशनगंजका २५ बर्षीय सुरज टुडु रहेका छन् । असार २५ गते दिउँसो पौने ४ बजे BR37AZ ६४४० नम्बरको मोटरसाईकल र प्र.१-०१-०१६प ९२७० नम्बरको स्कुटर एक आपसमा ठक्कर खाई दुर्घटना हुँदा उनिहरुको मृत्यु भएको हो भने मृतक श्री प्रसाद राजबंशीको बुहारी २७ बर्षीय उर्मिला राजबंशी घाईते भएकोमा B&C अस्पलाल बिर्तामोडमा उपचार भईरहेको छ भने घटना सम्बन्धमा थप अनुसन्धान भईरहेको छ ।