मोरङको उर्लावारी नगरपालिका-४ पुर्व पश्चिम राजमार्गमा टिपरले मोटरसाईकललाई टक्कर दिंदा चालकको मृत्यु भएको छ । आज बिहान सवा ६ बजेको समयमा पश्चिमबाट पूर्वतर्फ जाँदै गरेको प्रदेश १-०२-०५२ प ४२४१ नम्बरको मोटरसाईकललाई बिपरीत दिशाबाट आऊँदै गरेको प्रदेश ३-००१ क ००९५ नम्बरको टिपरले ठक्कर दिंदा घाईते भएका मोटरसाईकल चालक सप्तरीको तेरहौता-५ का २८ बर्षीय निरज यादवको उपचारको क्रममा ट्रमा सेन्टर उर्लावारीमा मृत्यु भएको तथा टिपर र चालकलाई नियन्त्रणमा लिई घटना सम्बन्धमा थप अनुसन्धान भईरहेको ईलाका प्रहरी कार्यालय उर्लावारीले जनाएको छ ।