Data Entry एंव वितरणका लागि क्षमता अभिबृद्धी गर्न अनुशिक्षण तालिम

२०८०-०२-०८

A
A^-
A⁺

नेपाल प्रहरी प्रधान कार्यालय काठमान्डौको प्राबिधिक सहयोग तथा प्रदेश प्रहरी कार्यालय बिराटनगरको आयोजनामा २ दिने Inventory Management System मा Data Entry एंव वितरणका लागि क्षमता अभिबृद्धी सम्बन्धी अनुशिक्षण तालिम संचालन भएको छ । कोशी प्रदेश प्रहरी कार्यालय बिराटनगरको सभाहलमा संचालित उक्त तालिममा कोशी प्रदेश प्रहरी कार्यालय मातहतका प्रहरी कार्यालयहरुको प्रबन्ध शाखामा कार्यरत ३६ जना प्रहरी कर्मचारीहरुको सहभागिता रहेको छ । उक्त तालिममा नेपाल प्रहरी प्रधान कार्यालय काठमाणडौका प्रहरी नायव उपरीक्षक गणेश पौडेल लगायतले सहजिकरण गर्नु भएको तथा उक्त तालिम २ दिन सम्म संचालन हुनेछ ।

सम्बन्धित समाचार

अवैध सामान बरामद

२०८०-०८-२४

झापा, मोरङ र सुनसरी जिल्लाको छुट्टाछुट्टै स्थानहरुबाट भन्सार छली गरी नेपाल भित्र्याउँदै गरेको अवैध सामानहरु प्रहरीले बरामद गरेको छ । सिमावर्ती क्षेत्रहरुमा खटिएको प्रहरी गस्ती टोलीले भन्सार छली चोरी पैठारी गरी नेपाल भित्र्याउँदै गरेको बिभिन्न प्रकारको रेडिमेड कपडा, खाद्यन्न, सुर्तिजन्य पदार्थ लगायतका सामानहरु बरामद गरेको हो । बरामद गरिएका करिव ५ लाख ८३ हजार रुपैयाँ बराबरको समान आवश्यक कारवाहीको लागी सम्बन्धित भन्सार कार्यालयहरुमा बुझाईएको छ ।

प्रतिबन्धित औषधी सहित २ जना पक्राउ

२०८०-०८-२४

मोरङको बिराटनगर महानगरपालिका- १६ हुलास चोकबाट प्रतिबन्धित औषधी सहित २ जनालाई प्रहरीले पक्राउ गरेको छ । शनिवार दिउँसो १२ बजे लागुऔषध नियन्त्रण ब्युरो बिराटनगरबाट खटिएको प्रहरी टोलीले भारतबाट नेपालतर्फ आउदै गरेको को.२० प. १२६६ नम्बरको मोटरसाईकललाई रोकेर चेकजाँच गर्दा उक्त मोटरसाईकल चालक इटहरी उप-महानगरपालिका- १९ का ३१ बर्षीय अनिल कार्की र पछाडी सवार इटहरी- २ का ३२ बर्षीय सुनिल मगरको साथबाट प्रतिबन्धित औषधी एभिल, डाइजोपाम, फेनारागन र लुपिजेसिक गरी ४० एम्पुल बरामद भएको थियो । प्रतिबन्धित औषधी सहित पक्राउ परेका उनीहरुको ईलाका प्रहरी कार्यालय रानीबाट थप अनुसन्धान भईरहेको छ ।

भरुवा बन्दुक सहित १ जना महिला पक्राउ

२०८०-०८-२४

उदयपुरको बेलका नगरपालिका- ४ स्थितबाट २ नाल भरुवा बन्दुक सहित १ जना महिलालाई प्रहरीले पक्राउ गरेको छ । पक्राउ पर्नेमा स्थानीय ४७ बर्षिया दुर्गा बिश्वकर्मा रहेकी छिन् । अवैध रुपमा भरुवा बन्दुक लुकाईछिपाई राखेको भन्ने बिशेष सुचना प्राप्त हुनासाथ तत्काल ईलाका प्रहरी कार्यालय रामपुर ठोक्सिलाबाट शनिवार साँझ खटिएको प्रहरी टोलीले बिश्वकर्माको घर खानतासी गर्दा २ थान भरुवा बन्दुक बरामद गरेको थियो । बन्दुक बरामद भएसंगै बिश्वकर्मालाई समेत पक्राउ गरीएको र घटना सबन्धमा थप अनुसन्धान भईरहेको उक्त कार्यालयले जनाएको छ ।

मातहत प्रहरी प्रमुखहरुलाई Virtual माध्यमद्वारा निर्देशन

२०८०-०८-२३

कोशी प्रदेश प्रहरी प्रमुख प्रहरी नायव महानिरीक्षक राजेशनाथ बास्तोलाले मातहत जिल्ला प्रहरी प्रमुखहरुलाई Virtual माध्यमद्धारा आवश्यक निर्देशन दिनु भएको छ । आज कोशी प्रदेश अन्तरगत रहेका जिल्ला प्रहरी प्रमुखहरुलाई नेकपा एमालेको मध्यपहाडी लोकमार्ग केन्द्रित झुलाघाट-चिवा भन्ज्याङ यात्रा अभियान कार्यक्रममा भरपर्दो सुरक्षा व्यवस्था मिलाउन निर्देशन दिनु भएको छ । मध्यपहाडी लोकमार्ग केन्द्रित उक्त कार्यक्रममा कार्यक्रम स्थल, आवागमन मार्ग लगायतका स्थानहरुमा प्रहरी परिचालन गरी कुनै अप्रिय घटनाहरु हुन गर्न नपाउने गरी भरपर्दो सुरक्षा व्यवस्था मिलाउनका साथै त्यस्ता अवान्छित क्रियाकलाप भएमा तत्काल नियन्त्रणमा लिन निर्देशन दिनु भएको छ । यसका साथै जिल्ला प्रहरी प्रमुखहरुले समेत आ-आफ्नो जिल्लाको बर्तमान शान्ति सुरक्षाको अवस्था र उक्त कार्यक्रम अवधिभर मिलाएको समग्र सुरक्षा अवस्थाको बारेमा प्रदेश प्रहरी प्रमुखलाई अवगत गराउनु भएको थियो ।

सवारी दुर्घटनाबाट १ जनाको मृत्यु २ जना घाईते

२०८०-०८-२३

मोरङको सुन्दरहरैचा नगरपालिका- ४ स्थितमा सवारी दुर्घटना हुँदा १ जनाको मृत्यु भएको छ भने २ जना घाईते भएका छन् । हिजो राती साढे १० बजे पुर्व पश्चिम राजमार्गमा पुर्वबाट पश्चिम तर्फ जादै गरेको प्रदेश १-०२-००१ क ४५२५ नम्बरको ट्रक र बिपरित दिशाबाट आउदै गरेको को. २० प ५८५४ नम्बरको मोटरसाईकल अचानक ठोक्किई दुर्घटना हुँदा घाईते भएका मोटरसाईकल चालक सुन्दरहरैचा- ७ का २५ बर्षीय भुपाल मगर, सोही मोटरसाईकलमा पछाडी सवार ३२ बर्षीय भिम बहादुर मगर र २८ बर्षीय बिक्रम माझीलाई उपचारको लागि घोपा धरान पठाईएकोमा उपचारको क्रममा बिक्रम माझीको मृत्यु भएको ईलाका प्रहरी कार्यालय धरानले जनाएको छ । घटनामा संलग्न दुबै सवारी साधन र ट्रक चालकलाई प्रहरीले नियन्त्रणमा लिई घटना सम्बन्धमा थप अनुसन्धान भईरहेको छ ।

बैंकिङ कसुर मुद्धाका फरार प्रतिवादी पक्राउ

२०८०-०८-२३

तेह्रथुमको आठराई गाउँपालिका- २ बाट बैंकिङ कसुर मुद्धाका एक जना फरार प्रतिवादीलाई प्रहरीले पक्राउ गरेको छ । बैंकिङ कसुर मुद्धामा सम्मानित तेह्रथुम जिल्ला अदालतको मिति २०७९।०८।२६ गतेको फैसला आदेशले २ दिन कैद र नगद २ लाख रुपैया जरिवाना तोकिएका स्थानीय ३९ बर्षीय शुसन चोङबाङ लिम्बुलाई ईलाका प्रहरी कार्यालय आठराईबाट खटिएको प्रहरी टोलीले खोजतलास गर्ने क्रममा आठराई- २ बाट पक्राउ गरेको हो । पक्राउ परेका उनलाई आईतबार सम्मानित तेह्रथुम जिल्ला अदालतमा दाखिला गराउने जिल्ला प्रहरी कार्यालय तेह्रथुमले जनाएको छ ।