उदयपुरको बेलका नगरपालिका-४ लालबजार स्थितमा टिपरको ठक्करबाट बालिकाको मृत्यु भएको छ । हिजो साँझ ५ बजे मदन भन्डारी लोकमार्ग सडक खण्डमा पश्चिमबाट पुर्व तर्फ जादै गरेको प्रदेश २-०३-००१ ख. ४३०९ नम्बरको टिपरले पैदल यात्री स्थानीय नमराज राना मगरको ४ बर्षीया छोरी एन्जिला राना मगरलाई ठक्कर दिदा मगरको घटनास्थलमै मृत्यु भएको थियो । घटना स्थलमा प्रहरी टोली खटि गई घटनामा संलग्न टिपर र चालकलाई नियन्त्रणमा लिएको तथा घटना सम्बन्धमा थप अनुसन्धान भई रहेको जिल्ला प्रहरी कार्यालय उदयपुरले जनाएको छ ।