झापाको दमक नगरपालिका ९ बरगाछी स्थित राजमार्गमा सवारी दुर्घटनामा १ जनाको मृत्यु भएको छ भने १ जना घाईते भएका छन् । शनिबार राती साँढे ९ बजेको समयमा पुर्वबाट पश्चिम तर्फ जादै गरेको प्र१-०१-०१५ प ४२५१ नम्बरको स्कुटरलाई सोहि दिशाबाट  जादै गरेको प्र १-०२-०४३ प ८५२३ नम्बरको मोटरसाईकल ले पछाडीबाट ठक्कर दिएको थियो । दुर्घटनामा  मोटरसाईकल चालक उर्लाबारी नगरपालिका ३ बस्ने वर्ष ३० को विबेक धिमाल र स्कुटर चालक सोहि स्थान बस्ने वर्ष ३४ को सोबित तामाङ घाईते भई उपचारको लागि निम्स अस्पताल दमक लगिएकोमा उपचारको क्रममा विबेक धिमालको मृत्यु भएको तथा घटना सम्बन्धमा थप अनुसन्धान भईरहेको जिल्ला प्रहरी कार्यालय झापाले जनाएको छ ।