मोरङको सुन्दरहरैचा नगरपालिका ८ सलकपुर स्थितमा सवारी दुर्घटनामा १ जनाको मृत्यु भएको छ भने १ जना घाईते भएका छन् । हिजो दिउँसो सवा तिन बजेको समयमा पुर्व पश्चिम राजमार्गमा पुर्वबाट पश्चिम तर्फ जादै गरेको को १ ख  ६२६९ नम्बरको बसले बिपरित दिशा तर्फ आउदै गरेको प्र १-०२-०५२ प ००७१ नम्बरको मोसालाई ठक्कर दिदा मोटरसाईकल पछाडि सवार ग्रामथान गापा ६ मोरङ बस्ने बर्ष ४५ कि नन्द कुमारी राईको उपचारको क्रममा न्युरो अस्पताल बिराटनगरमा मृत्यु भएको थियो भने मोटरसाईकल चालक मोरङको ग्रामथान गाँऊपालिका ६ बस्ने बर्ष २४ को बिशाल सरदारको सोही अस्पतालमा उपचार भईरहेको छ । घटना सम्बन्धमा सम्बन्धित प्रहरी कार्यालयबाट थप अनुसन्धान भईरहेको छ ।