समुदाय प्रहरी साझेदारी कार्यक्रम अन्तरगत ईलाका प्रहरी कार्यालय दुहवीले "प्रहरीसँग बिद्यार्थी", "STUDENTS WITH POLICE" कार्यक्रम संचालन गरेको छ । प्रहरी र बिद्यार्थीबिचको सामिप्यतालाई बढाई सुरक्षित समाज निर्माणको उदेश्य अनुसार ईलाका प्रहरी कार्यालय दुहवीका प्रहरी प्रमुख प्रहरी निरीक्षक बुद्धीराम चौलागाईको सक्रियतामा चैत्र २४ गते स्थानीय गोकुल किड्जी बिद्यालयका बिद्यार्थीहरुलाई प्रहरी कार्यालयका बिभिन्न शाखाहरुको अवलोकन गराई प्रहरीले गर्ने कार्यहरुको बारेमा समेत जानकारी दिनु भएको हो । सोही कार्यक्रममा कार्यालयको परिसरमा फलफूल,धुपी,अमला लगायतको विरुवाहरु वृक्षारोपण गर्नुका साथै बिद्यालयको सहयोगमा हिरासतमा "मानव मस्तिष्क (Human Brain)"आकारको पुस्तक र्‍याकसहितको पुस्तकालयको निर्माण गरी बिद्यार्थीबाट समुद्घाटन भएको छ । यसरी बालबालिकाहरुसंगको सामिप्यताले बालबालिकाहरुमा प्रहरी प्रतिको सोचमा परिवर्तन भई सूचनाहरु संकलन हुने र हुन सक्ने अपराधीक गतिबिधीहरुमा समेत प्रहरीको पहुँच पुगेमा समाजमा हुने बिबिध किसिमका अपराधीक कार्यहरुलाई समयमै निरुत्साहन गर्न सकिने लक्ष्यका साथ यस किसिमका कार्यक्रमहरु निरन्तर संचालन हुने प्रहरी निरीक्षक चौलागाईले बताउनु भयो ।