लागुऔषध ब्राउन सुगर सहित ५ जना पक्राउ

२०७९-११-२१

A
A^-
A⁺

झापा र मोरङको छुट्टा छुट्टै स्थानबाट प्रतिबन्धित लागुऔषध ब्राउन सुगर सहित पाँच जनालाई प्रहरीले पक्राउ गरेको छ । हिजो बेलुका साढे ५ बजे मोरङको पथरीशनिश्चरे नगरपालिका- ९ शनिश्चरे बजार स्थितमा प्रहरी चौकी कुशेचौरीबाट खटिएको प्रहरी टोलीले सोही स्थान बस्ने २७ बर्षीय आशिष लिम्बुलाई शंकास्पद अवस्थामा फेला पारी उनको घरमा चेकजाँच गर्दा घरको कोठाबाट लुकाई छिपाई राखेको अवस्थामा १० मिलिग्राम ब्राउनसुगर फेला पारी पक्राउ गरेको हो । त्यसै गरी झापाको अर्जुनधारा नगरपालिका- ११ नयाँ बसपार्क स्थितमा अस्थाई प्रहरी पोष्ट नयाँ बसपार्कबाट खटिएको प्रहरी टोलीले नयाँ बसपार्क स्थित रहेको एक लजमा बस्दै आएका शिवसताक्षी-९ का २१ बर्षीय प्रेम सागर सावा, मेचिनगर- १२ का २० बर्षीय मनिस बराल र मोरङ मिक्लाजुङ- ४ का १९ बर्षीया तिलु राईलाई शंकास्पद अवस्थामा फेला पारी चेकजाँच गर्दा उनिहरुको साथबाट २ ग्राम ५ सय मिलिग्राम ब्राउन सुगर फेला पारी प्रहरीले पक्राउ गरेका थियो भने सोहि दिन ईलाका प्रहरी कार्यालय काँकरभिट्टा र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले मेचीनगर नगरपालिका- ६ पुरानो मेचीपुल स्थितबाट भारतबाट नेपाल तर्फ आउदै गरेको पैदल यात्री विर्तामोड- १ का २१ बर्षीय विशाल धिमालको साथबाट १ ग्राम लागुऔषध ब्राउन सुगर फेला पारी पक्राउ गरेको हो । प्रतिबन्धित लागुऔषध ब्राउनसुगर सहित पक्राउ परेका उनिहरुको सम्बन्धित कार्यालयबाट थप अनुसन्धान भईरहेको छ ।

सम्बन्धित समाचार

तरकारी बेकेको बलेरो गाडीबाट लागूऔषध गाँजा बरामद

२०८२-०३-३१

उदयपुरको कटारी नगरपालिका-२ स्थित सिद्दिचरण लोकमार्गमा चेकजाँचको क्रममा प्रहरीले तरकारी बेकेको बलेरो गाडीबाट ४ सय ३६ किलो १ सय ४० ग्राम लागूऔषध गाँजा बरामद गरेको छ । असार ३० गते अपरान्ह कटारीबाट सिरहाको मिर्चैया तर्फ जाँदैगरेको को.१ज १२७५ नम्वरको तरकारी बोकेको बलेरो गाडीलाई संका लागी चेकजाँच गर्दा उक्त गाडीबाट १२ वटा बोरामा लुकाई छिपाई लैजादै गरेको ४ सय ३६ किलो १ सय ४० ग्राम गाँजा प्रहरीले बरामद गरेको हो । लागूऔषध गाँजा बरामद भएसंगै गाडी र चालक धनकुटा सहिदभुमी-२ का २९ बर्षीय तेज राईलाई नियन्त्रणमा लिई इलाका प्रहरी कार्यालय कटारीबाट थप अनुसन्धान तथा कानूनी कारवाही भईरहेको छ ।

लागू औषध ब्राउन सुगर सहित २ जना पक्राउ

२०८२-०३-३१

झापाको बिर्तामोड नगरपालिका-६ स्थितबाट लागू औषध ब्राउन सुगर सहित २ जनालाई प्रहरीले पक्राउ गरेको छ । असार ३० गते दिउँसो इलाका प्रहरी कार्यालय अनारमनीबाट खटिएको प्रहरी टोलीले चेकजाँचको क्रममा २ सय ६० मिलिग्राम ब्राउन सुगर सहित बिर्तामोड-३ का १९ बर्षीय लाडला मिया र २० बर्षीय ममताज मियालाई पक्राउ गरेको हो । पक्राउ परेका उनिहरुको थप अनुसन्धान भईरहेको छ ।

करेन्ट लागेर १ जनाको मृत्यु

२०८२-०३-३१

खोटाङको बारापोखरी गाउँपालिका-४ की २५ बर्षीया इन्द्रा राईको करेन्ट लागेर मृत्यु भएको छ । असार ३० गते बेलुका साढे ९ बजे मोबाईल चार्जबाट निकाल्ने क्रममा करेन्ट लाग्दा राईको घटनास्थलमानै मृत्यु भएको थियो । घटना सम्बन्धमा जिल्ला प्रहरी कार्यालय खोटाङले थप अनुसन्धान तथा कानुनी प्रकृया गरीरहेको छ ।

जंगली हात्तीको आक्रमणबाट महिलाको मृत्यु

२०८२-०३-३०

मोरङको बेलबारी नगरपालिका-८ स्थितमा जंगली हात्तीको आक्रमणबाट ४५ बर्षीया अमिना राजबंशीको मृत्यु भएको छ । असार २९ गते ०३:०० बजेको समयमा बेलबारी-८ स्थित घर नजिकै रहेको खेतमा पैनीबाट पानी लगाउन गएकि राजबंशीलाई अकास्मात जंगलबाट निस्केको हात्तीले आक्रमण गर्दा घाईते भएकी उनको उपचारकोको क्रममा न्युरो अस्पताल विराटनगरमा मृत्यु भएको थियो ।

लागू औषध ब्राउन सुगर सहित १ जना पक्राउ

२०८२-०३-३०

मोरङको बिराटनगर- १६ स्थितबाट लागू औषध ब्राउन सुगर सहित १ जनालाई प्रहरीले पक्राउ गरेको छ । असार २९ गते अपरान्ह लागू औषध नियन्त्रण व्यूरो विराटनगरबाट खटिएको प्रहरी टोलीले चेकजाँचको क्रममा सुन्दरहरैचा नगरपालिका-७ का २१ बर्षीय आविश उरावलाई ३ ग्राम १६ मिलिग्राम ब्राउन सुगर सहित नियन्त्रणमा लिएको छ । पक्राउ परेका उनको थप अनुसन्धान भईरहेको छ ।

टिपरको ठक्करबाट १ जनाको मृत्यु

२०८२-०३-३०

झापाको दमक नगरपालिका- ३ स्थितमा टिपरको ठक्करबाट १ जनाको मृत्यु भएको छ । असार २९ गते दिउँसो १२ बजे मे. १ ख २८८४ नम्बरको टिपरले मे. ११ प ५४५३ नम्बरको स्कुटरलाई ठक्कर दिई दुर्घटना हुदा स्कुटरको पछाडि सवार सोहि स्थानकी ५६ बर्षीया लक्ष्मी गौतमको घटना स्थलमा नै मृत्यु भएको हो । ठक्कर दिने टिपर चालक बिर्तामोड नगरपालिका-२ का ४६ बर्षीय तोयानाथ विश्वकर्मालाई इलाका प्रहरी कार्यालय दमकले नियन्त्रणमा लिएको छ भने घटना सम्वन्धमा थप अनुसन्धान भईरहेको छ ।