मोरङको विराटनगर महानगरपालिका-१२ रोडषेशबाट लागू औषध ब्राउन सुगर सहित होटल संचालकलाई प्रहरीले पक्राउ गरेको छ । कार्तिक १८ गते रोडषेश स्थित बिरेन्द्र होटल एण्ड लजमा लागू औषधको कारोवार भईरहेको भन्ने बिशेष सुचनाको आधारमा जिल्ला प्रहरी कार्यालय मोरङबाट खटिएको प्रहरी टोलीले होटलमा खानतलासी गर्दा होटलको काउन्टर नजिकै रहेको कालो प्लाष्टिकको झोलामा लुकाई छिपाई राखेको अवस्थामा ४८ ग्राम ५ मिलिग्राम ब्राउन सुगर र १ थान डिजिटल तराजु बरामद भए संगै होटल संचालक विराटनगर महानगरपालिका- ११ का ३५ बर्षीय निकु सिंहलाई पक्राउ गरिएको हो । पक्राउ परेका उनको आवश्यक थप अनुसन्धान भईरहेको छ ।