निरीक्षण भ्रमणको क्रममा असोज १९ गते जिल्ला प्रहरी कार्यालय संखुवासभा पुग्नु भएका कोशी प्रदेश प्रहरी प्रमुख प्रहरी नायव महानिरीक्षक शेखर खनालले जिल्लाका स्थानीय बासीहरुसँग भेटघाट तथा अन्तरक्रिया गर्नु भएको छ । भेटघाट तथा अन्तरक्रियाका क्रममा स्थानीय बासीहरुले प्रदेश प्रहरी प्रमुख खनाल समक्ष जिल्लाको शान्ति-सुरक्षा, ट्राफिक व्यवस्थापन, अपराध नियन्त्रण, प्रहरीको सेवा प्रवाह तथा समुदायसँग प्रहरीको सम्बन्ध लगायतका विषयमा आफ्ना धारणा, सुझाव तथा अपेक्षाहरू राख्नुभएको थियो । उहाँले प्रहरी र समुदायबीचको सम्बन्धलाई अझ सुदृढ, विश्वासिलो र सहकार्यात्मक बनाउन यस्ता भेटघाट तथा अन्तरक्रिया अत्यन्त महत्वपूर्ण रहेको बताउनुका साथै नागरिकका वास्तविक समस्या, गुनासा तथा अपेक्षाहरूलाई प्राथमिकताका साथ सम्बोधन गर्दै प्रहरी सेवालाई थप नागरिकमैत्री, उत्तरदायी, पारदर्शी र प्रभावकारी बनाउन प्रदेश प्रहरी प्रतिबद्ध रहेको उल्लेख गर्नुभयो ।