लागू औषधसहित १० जना पक्राउ

२०८३-०६-१२

A
A^-
A⁺

झापा, मोरङ र सुनसरी जिल्लाका विभिन्न स्थानबाट लागू औषधसहित १० जनालाई पक्राउ गरिएको छ । असोज ११ गते चेकजाँचको क्रममा लागूऔषध नियन्त्रण ब्युरो काँकडभिट्टा र इलाका प्रहरी कार्यालय अनारमनीको प्रहरी टोलीले अर्जुनधारा नगरपालिका-८ का प्रमोद साह र राज बिष्टलाई १० ग्राम २०० मिलिग्राम लागूऔषध ब्राउन सुगरसहित र इलाका प्रहरी कार्यालय काँकडभिट्टाले मेचीनगर नगरपालिका-६ का सुरेश उराउलाई ४ ग्राम २०० मिलिग्राम ब्राउन सुगरसहित पक्राउ गरेको छ । त्यसैगरी, सुनसरीको इलाका प्रहरी कार्यालय धरानले धरान-१९ का पुजन श्रेष्ठलाई १ ग्राम १३० मिलिग्राम ब्राउन सुगरसहित र अस्थायी प्रहरी चौकी इनरुवाले इटहरी-१ का सुरज माझी, तोरण माझी र मनिष माझीलाई ५ ग्राम ४९० मिलिग्राम ब्राउन सुगरसहित पक्राउ गरेको छ । चेकजाँचकै क्रममा मोरङको इलाका प्रहरी कार्यालय रानीले विराटनगर-१६ बाट भारत, दरभंगाका राकेश कुमार साहलाई ३० ग्राम ३० मिलिग्राम गाँजासहित, धरान-१३ का राजु बिश्वकर्मालाई ६ ग्राम ५१० मिलिग्राम ब्राउन सुगर र नाइट्राभेट–६० ट्याब्लेट प्रतिबन्धित औषधिसहित र कोशी प्रदेश प्रहरी कार्यलय बिराटनगरको प्रादेशीक अनुसन्धान समुह र प्रहरी चौकी डाँगीहाटको संयुक्त प्रहरी टोलीले बेलबारी-४ का योगेश लिम्बूलाई ३७७ ट्याब्लेट प्रतिवन्धित औषधी सहित पक्राउ गरेको छ ।

सम्बन्धित समाचार

५ बुङ्ग तास सहित १३ जना पक्राउ

२०८३-०६-१२

सङ्खुवासभा र धनकुटाबाट ५ बुङ्ग तास र नगद २ लाख ४ हजार ३८० रुपैयाँ सहित तास खेल्ने १३ जनाको समुहलाई प्रहरीले पक्राउ गरेको छ । असोज ११ गते जिल्ला प्रहरी कार्यालय सङ्खुवासभाको प्रहरी टोलीले खाँदबारी नगरपालिका-८ जिरो प्वाइन्ट स्थित मान बहादुर तिवारीको घरमा तास खेलिरहेको अवस्थामा १ बुङ्ग तास र नगद ८९ हजार ८३० रुपैयाँ सहित घर धनी मान बहादुर तिवारी, सोही स्थानका टिकाराम तिवारी, देवेन्द्र श्रेष्ठ, सिलिङचोङ-५ का दिनेश कार्की, र बसन्त राईलाई पक्राउ गरेको छ । यसै गरी जिल्ला प्रहरी कार्यालय धनकुटाको प्रहरी टोलीले धनकुटा नगरपालिका-१ हिले स्थित सिताराम श्रेष्ठको घरको कोठा भित्र तास खेलिरहेको अवस्थामा धनकुटा नगरपालिका का मोहन बहादुर वि.क., रमेश राई, सविन तामाङ, तेज बहादुर मगर, रमेश भण्डारी, दिपेन्द्र मगर, रमेश कार्की र महालक्ष्मी नगरपालिका-८ का रामकाजी बि.क.लाई ४ बुङ्ग तास, गोटी ११९ वटा र नगद १ लाख १४ हजार ५५० रुपैयाँ सहित पक्राउ गरेको छ । तास सहित पक्राउ परेका उनीहरूको आवश्यक कानूनी कारवाही भइरहेको छ ।

बिभिन्न मुद्दाका ७ जना फरार प्रतिवादीहरु पक्राउ

२०८३-०६-१२

विभिन्न मुद्दामा दोषी ठहर भई फरार रहेका ७ जना फरार प्रतिवादीहरुलाई प्रहरीले खोजतलासको क्रममा फेला पारी पक्राउ गरेको छ । अपराध नियन्त्रण गरी समाजमा शान्ति सुरक्षा व्यवस्था प्रभावकारी बनाउन तथा कानून कार्यान्वयन गर्दै आम नागरिकमा प्रभावकारी प्रहरी सेवा प्रदान गर्न परिचालन भएको प्रहरी टोलीले खोज तलासको क्रममा असोज ११ गते सुनसरीबाट ३ जना, झापाबाट २ जना र मोरङबाट २ जना पक्राउ गरेको हो । पक्राउ परेकाहरुबाट ९ वर्ष १० महिना ५ दिन कैद सजाय र ३५ हजार ७ सय जरिवाना वापतको रकम असुल उपर भएको छ भने उनीहरुलाई कैद भुक्तानको लागी कारागार पठाएको छ ।

बेवारिसे भरुवा बन्दुक बरामद

२०८३-०६-११

धनकुटाको शहीदभूमि गाउँपालिका–१ स्थित सामुदायिक वनबाट प्रहरीले १ नाल भरुवा बन्दुक बेवारिसे अवस्थामा बरामद गरेको छ। असोज १० गते प्रहरी चौकी त्रिवेणीबाट खटिएको गस्ती टोलीले शहीदभूमि गाउँपालिका–१, चिहानडाँडा स्थितमा गस्ती गर्ने क्रममा सामुदायिक वनमा बेवारिसे अवस्थामा रहेको १ नाल भरुवा बन्दुक फेला पारीएको छ ।

लागूऔषधसहित ८ जना पक्राउ

२०८३-०६-११

मोरङ र सुनसरी जिल्लाका विभिन्न स्थानबाट लागूऔषधसहित ८ जनालाई पक्राउ गरिएको छ। असोज १० गते मोरङको विराटनगर महानगरपालिका–३ स्थितमा जिल्ला प्रहरी कार्यालय मोरङ र वडा प्रहरी कार्यालय मोरङको संयुक्त प्रहरी टोलीले इटहरीबाट विराटनगरतर्फ आउँदै गरेको को.१ च ७३९९ नम्बरको स्कार्पियो गाडीमा ३ सय ९८ किलोग्राम लागूऔषध गाँजा फेला पारेको छ भने चालकको खोजी भइरहेको छ। त्यसैगरी, इलाका प्रहरी कार्यालय बेलबारीले बेलबारी नगरपालिका–१ का २३ वर्षीय बामदेव दर्जी र २६ वर्षीय सबिन सूर्य मगरलाई १ ग्राम ६ सय ६० मिलिग्राम ब्राउन सुगरसहित पक्राउ गरेको छ। त्यसैगरी, सुनसरीको इलाका प्रहरी कार्यालय धरानले धरान उपमहानगरपालिका–१० का ३१ वर्षीय रोशन उदास सिकर्मीलाई नाइट्रोजेपाम ८२ ट्याब्लेटसहित, जिल्ला प्रहरी कार्यालय सुनसरीले इनरुवा नगरपालिका–७ का २१ वर्षीय अनुज कुमार सिंहलाई ३ सय ६० मिलिग्राम ब्राउन सुगरसहित तथा इलाका प्रहरी कार्यालय महेन्द्रनगरले मोरङको रतुवामाई नगरपालिका–४ का २९ वर्षीय सन्तोष मोक्तान, बराहक्षेत्र नगरपालिका–६ का २९ वर्षीय चन्दन कुमार बहरदार र उदयपुरको त्रियुगा नगरपालिका–३ का २९ वर्षीय दीपक दनुवारलाई ८ ग्राम १ सय १० मिलिग्राम ब्राउन सुगर, एन्टिकफ–३०० ट्याब्लेट प्रतिबन्धित औषधि तथा प्रदेश ०२–०५९ प १२८५ नम्बरको मोटरसाइकलसहित पक्राउ गरेको छ। त्यस्तै, इलाका प्रहरी कार्यालय इटहरीले इटहरी उपमहानगरपालिका–५ का २३ वर्षीय निशान सार्कीलाई ट्रामाडोल १६० क्याप्सुल र स्पास्पेन १६० ट्याब्लेट प्रतिबन्धित औषधिसहित पक्राउ गरेको छ भने इलाका प्रहरी कार्यालय भण्टाबारीले कोशी गाउँपालिका–७ स्थितमा गस्ती गर्ने क्रममा धान खेतको छेउबाट ३० किलोग्राम गाँजा फेला पारेको छ। पक्राउ परेका सबैजनाको थप अनुसन्धान भइरहेको छ।

लागू औषध सहित ३ जना पक्राउ

२०८३-०६-१०

झापा र उदयपुर जिल्लाको विभिन्न स्थानहरुबाट लागू औषध सहित ३ जनालाई पक्राउ गरिएको छ ।असोज ९ गते झापाको मेचिनगर नगरपालिका-६ स्थितमा लागू औषध नियन्त्रण ब्युरो काँकरभिट्टा र इलाका प्रहरी काँकरभिट्टाबाट खटिएको प्रहरी टोलीले मेचिनगर-१२का २६ वर्षिय सरोज थापा मगरलाई ६ ग्राम २८० मिलिग्राम ब्राउन सुगर सहित र प्रहरी चौकी जलथलले अर्जुनधारा नगरपालिका-८का २७ वर्षिय महमत सुलेमानलाई २ ग्राम ७ मिलिग्राम ब्राउन सुगर सहित पक्राउ गरेको छ ।त्यसैगरी उदयपुरको बेलका नगरपालिका-९ स्थितबाट इलाका प्रहरी कार्यालय रामपुरले सोही स्थानका ३२ वर्षिय युवराज राईलाई १२ किलोग्राम लागू औषध गाँजा सहित पक्राउ गरेको छ ।पक्राउ परेको सबैजनाको थप अनुसन्धान भइ रहेको छ ।

बिभिन्न मुद्दाका ६ जना फरार प्रतिवादीहरु पक्राउ

२०८३-०६-१०

विभिन्न मुद्दामा दोषी ठहर भई फरार रहेका ६ जना फरार प्रतिवादीहरुलाई प्रहरीले खोजतलासको क्रममा फेला पारी पक्राउ गरेको छ । अपराध नियन्त्रण गरी समाजमा शान्ति सुरक्षा व्यवस्था प्रभावकारी बनाउन तथा कानून कार्यान्वयन गर्दै आम नागरिकमा प्रभावकारी प्रहरी सेवा प्रदान गर्न परिचालन भएको प्रहरी टोलीले खोज तलासको क्रममा असोज ९ गते झापाबाट ४ जना र मोरङबाट २ जना पक्राउ गरेको हो । पक्राउ परेकाहरुबाट २२ महिना २६ दिन कैद सजाय र ५४ हजार ६ सय १५ रुपैयाँ ३४ पैसा जरिवाना वापतको रकम असुल उपर भएको छ भने उनीहरुलाई कैद भुक्तानको लागी कारागार पठाएको छ ।