ब्राउन सुगर सहित २ जना पक्राउ

२०८३-०६-०७

A
A^-
A⁺

कोशी प्रदेश प्रहरी कार्यालय विराटनगर (PIT) र इलाका प्रहरी कार्यालय धरानबाट खटिएको प्रहरी टोलीले ब्राउन सुगर सहित २ जनालाई पक्राउ गरेको छ । असोज ६ गते विशेष सूचनाको आधारमा परिचालित प्रहरी टोलीले प्रदेश १-०२-०५५ प ४६६ नम्बरको स्कुटरमा सवार धरान-१२ का सुनिल क्षेत्री र धरान-१९ का रुदिन भूजेललाई चेकजाँच गर्ने क्रममा सुनिल क्षेत्रीले मलद्वारमा लुकाई राखेको ब्राउन सुगर ५ ग्राम २८० मिलिग्राम बरामद गरेको थियो । प्रतिवन्धित लागूऔषध ब्राउन सुगर बरामद भएसंगै दुबै जनालाई पक्राउ गरी इलाका प्रहरी कार्यालय धरानबाट थप अनुसन्धान तथा आवश्यक कानूनी कारवाही भईरहेको छ ।

सम्बन्धित समाचार

लागूऔषध गाँजा बोकेको एम्बुलेन्स नियन्त्रणमा

२०८३-०६-०७

सुनसरीको इटहरी उपमहानगरपालिका-२० तरहरा स्थित कोशी लोकमार्गबाट ४ सय ५० किलोग्राम गाँजा बोकेको बा.२ च ९५७३ नम्वरको एम्वुलेन्स प्रहरीले नियन्त्रणमा लिएको छ । असोज ६ गते राती प्रहरी चौकी तरहराबाट गस्तीमा खटिएको प्रहरी टोलीले कोशी लोकमार्गमा रोकी राखेको बा.२ च ९५७३ नम्वरको एम्बुलेन्सलाई शंका लागी चेकजाँच गर्ने क्रममा एम्बुलेन्स भित्र १५ वटा प्लास्टिकको पोको बनाई राखेको ४ सय ५० किलोग्राम गाँजा बरामद गरेको थियो । गाँजा बरामद भएसंगै उक्त एम्वुलेन्स नियन्त्रणमा लिएको छ भने ओसार पसारमा संलग्न चालकको खोजी कार्य भईरहेको छ ।

आर्थिक वर्ष २०८३/०८४ को वार्षिक कार्यसम्पादन सम्झौता हस्ताक्षर कार्यक्रम सम्पन्न

२०८३-०६-०७

कोशी प्रदेश प्रहरी कार्यालय विराटनगरको सभाहलमा असोज ०७ गते आयोजित कार्यक्रममा आर्थिक वर्ष २०८३/०८४ को वार्षिक कार्यसम्पादन सम्झौतामा हस्ताक्षर कार्यक्रम सम्पन्न भएको छ । कोशी प्रदेश प्रहरी प्रमुख प्रहरी नायव महानिरीक्षक शेखर खनाल तथा कोशी प्रदेशका १४ वटै जिल्ला प्रहरी प्रमुखहरूका साथै प्रदेश अन्तरगत रहेका मातहत कार्यालय प्रमुखहरू बिच कार्यसम्पादन सम्झौता पत्रमा हस्ताक्षर भएको हो । हस्ताक्षर कार्यक्रममा प्रहरी कार्यालयका प्रमुखहरूले वार्षिक लक्ष्य, कार्ययोजना र उपलब्धि मूलक प्रहरी सेवा प्रदान गर्ने साथै सेवा प्रवाहलाई थप प्रभावकारी, पारदर्शी र परिणाममुखी बनाउन सम्झौता पत्रमा हस्ताक्षर गर्नुका साथै समयमै लक्ष्य पुरा गर्ने प्रतिवद्धता समेत जनाउनु भएको छ । सम्झौता हस्ताक्षर कार्यक्रममा प्रदेश प्रहरी प्रमुख खनालले प्रत्यक्ष तथा भर्चुअल माध्यमद्वारा उपस्थित कार्यालय प्रमुखहरूलाई प्रहरीको सेवालाई चुस्त दुरुस्त बनाउन, योजना र कार्यक्रम समयमै कार्यान्वयन गर्न तथा आम नागरिकले प्रत्यक्ष अनुभव गर्ने गरी प्रहरी सेवा प्रदान गर्न यो कार्यसम्पादन सम्झौताले महत्वपूर्ण भूमिका निर्वाह गर्ने हुँदा प्रहरी कार्यालयहरूले सक्रियताका साथ कार्यसम्पादन सम्झौतामा उल्लेख भएका वुँदाहरुमा आधारितरही प्रहरी कार्य सम्पादन गर्न निर्देशन समेत दिनु भयो । यस सम्झौता बमोजिम कार्यालय प्रमुखहरूले गरेका कार्यहरूको प्रगति विवरण त्रैमासिक, अर्धवार्षिक र वार्षिक रुपमा कोशी प्रदेश प्रहरी कार्यालयमा पठाउनु पर्ने छ । साथै नेपाल प्रहरी संगठन प्रमुख र कोशी प्रदेश प्रहरी प्रमुख बिच आर्थिक वर्ष २०८२/०८३ मा भएको वार्षिक कार्य सम्पादन सम्झौतामा कोशी प्रदेश प्रहरी कार्यालय विराटनगरले ८६.३६ प्रतिशत लक्ष हाँसिल गरी सर्वोत्कृष्ट प्रदेश प्रहरी कार्यालय हुन सफल भएको छ भने कोशी प्रदेश प्रहरी प्रमुख र कोशी प्रदेशका १४ वटै जिल्ला प्रहरी प्रमुखहरु बिच आर्थिक वर्ष २०८२/०८३ मा भएको वार्षिक कार्य सम्पादन सम्झौतामा जिल्ला प्रहरी कार्यालय संखुवासभाले ९४.३८ प्रतिशत लक्ष हाँसिल गरी सर्वोत्कृष्ट जिल्ला प्रहरी कार्यालय हुन सफल भएको छ ।

लागूऔषध गाँजा बोकेको ट्रक नियन्त्रणमा

२०८३-०६-०७

इलामको इलाम नगरपालिका-९ भञ्ज्याङ स्थित मेचीराजमार्गबाट १ हजार ५ सय ४ किलो ६१० ग्राम लागू औषध गाँजा बोकेको ना. ४ ख ८९९६ नम्वरको ट्रक प्रहरीले नियन्त्रणमा लिएको छ । असोज ६ गते बेलुकी प्रहरी चौकी गोलाखर्कबाट गस्तीमा खटिएको प्रहरी टोलीले चेकजाँचको क्रममा ट्रकमा फल्स बटम बनाएर त्रिपालले छोपी प्लास्टिको ४१ वटा बोरामा लुकाई छिपाई राखेको अवस्थामा १ हजार ५ सय ४ किलो ६१० ग्राम गाँजा बरामद गरेको थियो । लागू औषध गाँजा बरामद भएसंगै उक्त ट्रक नियन्त्रणमा लिएको छ भने ओसार पसारमा संलग्न चालकको खोजी कार्य भईरहेको छ ।

लागू औषध सहित ७ जना पक्राउ

२०८३-०६-०६

सुनसरी, धनकुटा र उदयपुर जिल्लाको विभिन्न स्थानहरुबाट असोज ५ गते लागू औषध सहित ७ जनालाई पक्राउ गरिएको छ । इलाका प्रहरी कार्यालय महेन्द्रनगर सुनसरीबाट खटिएको प्रहरी टोलीले सुनसरीको बराहक्षेत्र नगरपालिका-६ स्थितबाट सोही स्थानकी अन्सु राईलाई ७ किलो ५०० ग्राम लागू औषध गाँजा सहित, इलाका प्रहरी कार्यालय धरानले धरान उप-महानगरपालिका-१६का २४ वर्षिय कबिर सहनी, धरान-१४ का सुनिल दाहाल र धरान-१३ का सुचम्वर राईलाई १ ग्राम ९१० मिलिग्राम ब्राउन सुगर र बिभिन्न प्रकारका प्रतिबन्धित औषधी १ हजार २०४ ट्याब्लेट सहित पक्राउ गरेको छ । त्यसैगरी धनकुटाको प्रहरी चौकी अखिसल्लाले शहिदभुमी गाउँपालिका-७ का २१ वर्षिय प्रगत राईलाई ट्रामोल-२९० क्याप्सुल र स्पास्पेन-२९० क्यापसुल सहित, प्रहरी चौकी मुलघाटले भोजपुर टेम्केमैयुङ गाउँपालिका-१ का २२ वर्षिय भोला राई र भोजपुर नगरपालिका-६ का २४ वर्षिय प्रविन राईलाई १ ग्राम २३० मिलिग्राम ब्राउन सुगर सहित पक्राउ गरेको छ भने उदयपुरको इलाका प्रहरी कार्यालय रामपुरले बेलका नगरपालिका-४ स्थितबाट बा ६२ प ११८२० नम्बरको मोटरसाईकललाई संका लागी चेकजाँच गर्दा २ ग्राम ७२० मिलिग्राम ब्राउन सुगर र नाट्राजेपाम २० ट्याव्लेट र ट्रामाडोल १५१० क्याप्सुल प्रतिबन्धित औषधि फेला पारी नियन्त्रणमा लिएको छ । पक्राउ परेको सबैजनाको थप अनुसन्धान भई रहेको छ ।

लागू औषध गाँजा बेचविखनमा संलग्न १ जना पक्राउ

२०८३-०६-०६

कोशी प्रदेश प्रहरी कार्यालय विराटनगर PIT र इलाका प्रहरी कार्यालय धरानबाट परिचालित प्रहरी टोलीले लागू औषध बेचविखनमा संलग्न १ जनालाई पक्राउ गरेको छ । असोज ५ गते अपरान्ह धरान-१४ बिजयपुर डाँडा स्थितमा लागू औषध गाँजा बेचविखन भईरहेको भन्ने सुचनाको आधारमा परिचालित प्रहरी टोलीले भोजपुर घर भई बिजयपुर डाँडा स्थितमा कोठा भाडा लिई बस्दै आएका २३ बर्षीय रितेश राईको कोठा खानतलासी गर्दा ६३० ग्राम लागू औषध गाँजा, डिजिटल तराजु १ थान र गाँजा बेचबिखन गरेको अबैध रकम ८ लाख ८७ हजार ७ सय रुपैंया बरामद गरेको थियो । गाँजा सहित पक्राउ परेका उनको इलाका प्रहरी कार्यालय धरानबाट थप अनुसन्धान तथा आवश्यक कानूनी कारवाही भईरहेको छ ।

१ सय ८२ किलोग्राम लागूऔषध गाँजा बरामद

२०८३-०६-०६

उदयपुरको कटारी नगरपालिका-६ स्थित शिखर सामुदायीक बन क्षेत्रको झाडीबाट प्रहरीले १ सय ८२ किलोग्राम लागूऔषध गाँजा बरामद गरेको छ । असोज ५ गते बेलुका झाडीमा गाँजा लुकाई छिपाई राखेको भन्ने विशेष सुचनाको आधारमा इलाका प्रहरी कार्यालय कटारीबाट खटिएको प्रहरीटोलीले उक्त स्थानमा खोजी गर्दा ९ वटा प्लास्टिकको बोरामा प्याक गरी राखेको बेवारिसे अवस्थामा १ सय ८२ किलोग्राम गाँजा बरामद गरेको थियो । गाँजा बरामद भएसंगै ओसार पसारमा संलग्न व्यक्तिहरुको खोजतलास भईरहेको छ ।