मोरङ र झापा जिल्लाको बिभिन्न स्थानहरुबाट भदौ २१ गते लागू औषध सहित ५ जनालाई पक्राउ गरीएको छ । मोरङको उर्लावारी नगरपालिका-२ स्थितबाट सोही स्थानका ३१ वर्षीय सुक राज दर्जी र २२ वर्षीय सुदिप धिमाललाई २ ग्राम ८० मिलिग्राम लागू औषध ब्राउनसुगर सहित इलाका प्रहरी कार्यालय उर्लावारीले पक्राउ गरेको छ । यसैगरी प्रहरी चौकी शनिश्चारे झापाले अर्जुनधारा नगरपालिका-७ स्थितबाट मे १ ह २४४३ नम्बरको अटो चालक सोही स्थानका ३३ वर्षीय सागर दर्जीलाई ७९० मिलिग्राम लागू औषध ब्राउन सुगर सहित पक्राउ गरेको छ भने प्रहरी चौकी शरणामती झापाले ६ ग्राम ३६० मिलिग्राम ब्राउनसुगर सहित शरणामती-६ का २५ वर्षीय प्रेम प्रसाद खनाललाई झापा गाउँपालिका-६ स्थितबाट पक्राउ गरेको छ । यसैगरी वडा प्रहरी कार्यालय भद्रपुर झापाले चेकजाँचको क्रममा बिर्तामोड नगरपालिका-२ का २१ वर्षीय जनक माझीलाई १६ ग्राम  ब्राउन सुगर सहित भद्रपुर-३ स्थितबाट पक्राउ गरेको हो । पक्राउ परेका सबैजनाको सम्बन्धमा थप अनुसन्धान भई रहेको छ ।