लागू औषध सहित ४ जना पक्राउ

२०८३-०५-२१

A
A^-
A⁺

झापा, तेह्रथुम र मोरङको छुट्टा छुट्टै स्थानहरुबाट भदौ २० गते लागू औषध सहित ४ जनालाई पक्राउ गरीएको छ । झापाको मेचीनगर नगरपालिका-६ स्थितबाट इलाका प्रहरी कार्यालय काकँरभिट्टा र लागू औषध नियन्त्रण व्युरो काँकरभिट्टाको प्रहरी टोलीले मेचीनगर-१३ का २३ वर्षीय विवेक राजवंशीलाई ३ ग्राम ७१० मिलिग्राम ब्राउन सुगर सहित, प्रहरी चौकी शरणामतीले बिर्तामोड नगरपालिका-२ का २५ वर्षीय सनम शेर्मालाई ४ ग्राम ३० मिलिग्राम ब्राउन सुगर सहित पक्राउ गरेको हो ।

यसैगरी अस्थायी प्रहरी पोष्ट चित्रे तेह्रथुमले धनकुटाको महालक्ष्मी नगरपालिका-१ का २९ वर्षीय सुजित भण्डारीलाई ट्रामाडोल ३८ क्याप्सुल र डिकोलिक ३८ ट्याब्लेट सहित पक्राउ गरेको हो भने इलाका प्रहरी कार्यालय पथरी मोरङले पथरी शनिश्चरे-८ स्थितबाट कानेपोखरी गाउँपालिका-४ का ३४ वर्षीय राज कुमार लिम्बुलाई ८५० मिलिग्राम ब्राउन सुगर सहित पक्राउ गरेको छ । पक्राउ परेका सबैजनाको सम्बन्धमा थप अनुसन्धान भईरहेको छ ।

सम्बन्धित समाचार

अवैध सामान बरामद

२०८३-०५-२२

सुनसरीको छुट्टाछुट्टै स्थानहरुबाट अवैधरुपमा भन्सार छली चोरी निकासी गरी नेपाल भित्र्याउदै गरेको युरिया मल, राजनिवास, रजनिगन्दा र सुर्ती लगायतका सामानहरु प्रहरीले बरामद गरेको छ । भदौ २१ गते राती विशेष सूचनाको आधारमा इलाका प्रहरी कार्यालय देवानगंज सुनसरीबाट खटिएको प्रहरी टोलीले भारत बाट अबैध रुपमा भन्सार छलि गरी देवानगंज गाउँपालिका-१ स्थितमा लुकाई छिपाई ल्याई राखेको अन्दाजी मुल्य ३ लाख १६ हजार ४ सय रुपैया बराबरको १ सय २८ बोरा युरिया मल र को ५ प ९१२० नम्बरको मोटरसाईकल बरामद गरेको छ भने जिल्ला प्रहरी कार्यालय सुनसरीले इनरुवा नगरपालिका-४ बसचोक स्थितबाट बेबारिसे अवस्थाको राजनिवास, रजनिगन्दा र सुर्ती गरी जम्मा १ लाख २ हजार बराबरको अवैध सामान फेला पारी नियन्त्रणमा लिएको छ । बरामद गरिएका अन्दाजी ४ लाख १८ हजार ४ सय बराबरको सामानहरु आवश्यक कारवाहीको लागी सेतुवन्धु भन्सार कार्यालय कोशी व्यारेज पठाईएको छ ।

अवैध गाँजाको बोट तथा बेर्ना फडानी गरी नष्ट

२०८३-०५-२२

भोजपुरको इलाका प्रहरी कार्यालय घोडेटार, प्रहरी चौकी हसनपुर, अस्थायी प्रहरी चौकी दुम्मानाबाट भदौ २१ गते गस्तीमा खटिएको प्रहरी टोलीले ज्यामिरे, हतुवागढी र आमचोक गाउँपालिकाको बिभिन्न एरियाहरुको डाँडा पाखामा करिव ४ रोपनी क्षेत्रफलमा रहेका ४ हजार ३ सय ७० वटा गाँजाको बेर्ना तथा नाभो बोटहरु फडानी गरी जलाई नष्ट गरेको छ ।

लागू औषध सहित ५ जना पक्राउ

२०८३-०५-२२

मोरङ र झापा जिल्लाको बिभिन्न स्थानहरुबाट भदौ २१ गते लागू औषध सहित ५ जनालाई पक्राउ गरीएको छ । मोरङको उर्लावारी नगरपालिका-२ स्थितबाट सोही स्थानका ३१ वर्षीय सुक राज दर्जी र २२ वर्षीय सुदिप धिमाललाई २ ग्राम ८० मिलिग्राम लागू औषध ब्राउनसुगर सहित इलाका प्रहरी कार्यालय उर्लावारीले पक्राउ गरेको छ । यसैगरी प्रहरी चौकी शनिश्चारे झापाले अर्जुनधारा नगरपालिका-७ स्थितबाट मे १ ह २४४३ नम्बरको अटो चालक सोही स्थानका ३३ वर्षीय सागर दर्जीलाई ७९० मिलिग्राम लागू औषध ब्राउन सुगर सहित पक्राउ गरेको छ भने प्रहरी चौकी शरणामती झापाले ६ ग्राम ३६० मिलिग्राम ब्राउनसुगर सहित शरणामती-६ का २५ वर्षीय प्रेम प्रसाद खनाललाई झापा गाउँपालिका-६ स्थितबाट पक्राउ गरेको छ । यसैगरी वडा प्रहरी कार्यालय भद्रपुर झापाले चेकजाँचको क्रममा बिर्तामोड नगरपालिका-२ का २१ वर्षीय जनक माझीलाई १६ ग्राम ब्राउन सुगर सहित भद्रपुर-३ स्थितबाट पक्राउ गरेको हो । पक्राउ परेका सबैजनाको सम्बन्धमा थप अनुसन्धान भई रहेको छ ।

लागू औषध सहित ७ जना पक्राउ

२०८३-०५-१९

सुनसरी, झापा र धनकुटाबाट लागू औषध सहित ७ जनालाई प्रहरीले पक्राउ गरेको छ । भदौ १८ गते सुनसरीको धरान- ५ का ३१ बर्षीय मनिराज भुजेललाई कोशी प्रदेश प्रहरी कार्यालय विराटनगर (PIT) र इलाका प्रहरी कार्यालय धरानले ४ ग्राम ९१० मिलिग्राम ब्राउन सुगर सहित उनकै घरबाट पक्राउ गरेको हो भने प्रहरी चौकी कप्तानगञ्जले देवानगंज गाउँपालिका- ३ बाट देवानगंज गाउँपालिका- १ का सन्दिप कुमार मेहतालाई २१० मिलिग्राम ब्राउन सुगर र को. २५ प ७८९७ नम्बरको मोटरसाईकल सहित नियन्त्रणमा लिईएको छ । त्यस्तै झापाको दमक- ५ स्थितबाट इलाका प्रहरी कार्यालय दमकबाट खटिएको प्रहरी टोलीले इलाम चुलाचुली गाउँपालिका- ५ का ३५ बर्षीय हिरालाल बिश्वकर्मालाई ३ ग्राम २३० मिलीग्राम ब्राउन सुगर सहित पक्राउ गरेको छ भने प्रहरी चौकी टाघनडुब्बाले झापा गाउँपालिका- ४ बाट बाह्रदर्शी गाउँपालिका- ७ का २७ बर्षीय सन्तोष क्षेत्रीलाई १ ग्राम २६ मिलिग्राम ब्राउन सुगर सहित नियन्त्रणमा लिएको छ । धनकुटाको साँगुरीगढी गाँउपालिका- ६ भेडेटार चौक स्थितबाट इलाका प्रहरी कार्यालय भेडेटारले १५ किलो ७३ ग्राम गाँजा सहित ओसार पोसारमा संलग्न साँगुरीगढी- ४ का भिम बहादुर लिम्बु, सागर लिम्बु र बीर बहादुर लिम्बुलाई को. २८ प ७२७७ र प्र.१-०२-५८ प ६०९९ नम्बरको दुई थान मोटरसाईकल सहित पक्राउ गरेको हो । पक्राउ परेका उनिहरुको थप अनुसन्धान भईरहेको छ ।

उद्धार कार्यमा परिचालित प्रहरी कर्मचारीहरुलाई आवश्यक सामग्री उपलव्ध

२०८३-०५-१९

मिति २०८३ साल भदौ १० गते बुधवार भोटेकोशी नदीमा आएको विनाशकारी बाढीको कारण प्रभावित रसुवा, नुवाकोट, धादिङ लगायत विभिन्न जिल्लाहरुमा सडक, पुल, पूर्वाधार लगायत ठुलो मानवीय एवं भौतिक क्षति भई खोज उद्धार तथा विपद व्यवस्थापन कार्यमा अग्रपंक्तिमा परिचालित प्रहरी कर्मचारीहरुका निम्ति आवश्यक पर्ने हेण्ड ग्लव्स, गमबुट र माक्सहरु स्वतः स्फुर्त रुपमा सहयोग स्वरुप मोरङ उद्योग व्यापार संघ, अनपूर्ण जुत्ता चप्पल उद्योग दुहवी, म्याजिक फुट वेयर दुहवी, समाजसेवी लगायत अन्य संघसंस्थाहरुबाट विपद उद्धारका निम्ति कोशी प्रदेश प्रहरी कार्यालय विराटनगरलाई हस्तान्तरण भएको निम्न अनुसारको सामग्रीहरु नेपाल प्रहरी प्रधान कार्यालय मार्फत उद्धार कार्यमा खटिएका प्रहरी कर्मचारीहरुले प्राप्त गर्ने गरी पठाईएको छ । सामग्रीहरुः १. मोरङ उद्योग व्यापार संघ – हेण्ड ग्लव्स- ४०० जोर, गमबुट-३८४ जोर । २. अन्नपुर्ण जुत्ता चप्पल उद्योग प्रा.लि. दुहबी- गमबुट-७२० जोर । ३. म्याजिक फुट वेयर दुहवी- गमबुट १४४ जोर । ४. उत्सव सप्लायर्स विराटनगर- गमबुट-१०० जोर । ५. दिपेश खतिवडा (समाज सेवी)- माक्स- १०७ कार्टुन (२,५६,८०० पिस) ।

लागू औषध सहित ७ जना पक्राउ

२०८३-०५-१८

मोरङ, उदयपुर र सुनसरी जिल्लाको बिभिन्न स्थानहरुबाट भदौ १७ गते लागू औषध सहित ७ जनालाई पक्राउ गरीएको छ । कोशी प्रदेश प्रहरी कार्यालय बिराटनगरको प्रादेशिक अनुसन्धान समूह (PIT) र इलाका प्रहरी कार्यालय रानी मोरङको प्रहरी टोलीले विराटनगर महानगरपालिका-१६ स्थितबाट १ ग्राम ३७० मिलिग्राम लागूऔषध ब्राउनसुगर सहित मोरङको केराबारी गाउँपालिका-७ का ३३ वर्षीय कमल राईलाई पक्राउ गरेको छ । यसैगरी उदयपुरको चौदण्डीगढी नगरपालिका-३ का २६ वर्षीय सावन राईले लागू औषधको कारोबार गर्दै गरेको भन्ने विशेष सूचनाको आधारमा इलाका प्रहरी कार्यालय बेल्टारबाट खटिएको प्रहरी टोलीले राईको घर खानतलाशी गर्दा ट्रामाडोल १ हजार ४ सय ५४ क्याप्सुल र डाइक्लोमाईन १ हजार ४ सय ५४ ट्याब्लेट बरामद गरे संगै राई र चौदण्डीगढी-६ का २७ वर्षीय शुभ राईलाई पक्राउ गरेको हो । यसका साथै इलाका प्रहरी कार्यालय इटहरी सुनसरीले धादिङका २७ वर्षीय सुवास अर्याल र सिन्दुपाल्चोकका ३७ वर्षीय बिक्रम कार्कीलाई इटहरी उप-महानगरपालिका-४ स्थितबाट १९ ग्राम ३२० मिलिग्राम ब्राउन सुगर सहित र सुनसरीको भोक्राहानर्सिङ गाउँपालिका-२ का गौतम ऋषिदेव र सुन्दरहरैचा नगरपालिका-७ का २८ वर्षीय अमिन चौधरीलाई नियन्त्रणमा लिएको हो । पक्राउ परेका सबैजनाको सम्बन्धमा थप अनुसन्धान भई रहेको छ ।