लागू औषध बेचबिखन तथा ओसारपसारमा संलग्न ३ महिला सहित ९ जना पक्राउ

२०८३-०५-०३

A
A^-
A⁺

झापा र सुनसरीबाट लागू औषध बेचबिखन तथा ओसारपसार संलग्न ३ महिला सहित ९ जनालाई प्रहरीले पक्राउ गरेको छ । भदौ ०२ गते विशेष सूचनाको आधारमा इलाका प्रहरी कार्यालय दमकबाट खटिएको प्रहरी टोलीले झापाको कमल गाउँपालिका-५ स्थितबाट इलाम चुलाचुली गाउँपालिका-३ का निराज तामाङ, दिवान आङथुपो र कमल तामाङलाई ११ ग्राम १५० मिलिग्राम ब्राउन सुगर, डिजिटल तराजु १ थान र मे. ११ प ८१७७ नम्बरको मोटरसाईकल सहित नियन्त्रणमा लिएको हो । त्यस्तै बिर्तामोड नगरपालिका-२ बाट इलाका प्रहरी कार्यालय अनारमनीले सोहि स्थानका श्यामलाल ताजपुरियालाई २ ग्राम १४० मिलिग्राम सहित र बिर्तामोड-६ की गिता महतोलाई उनकै घरबाट ५२८ ग्राम गाँजा सहित नियन्त्रणमा लिएको छ भने लागू औषध नियन्त्रण ब्युरो काँकरभिट्टा र इलाका प्रहरी कार्यालय काँकरभिट्टाले मेचीनगर-६ स्थितबाट शिवसताक्षी नगरपालिका-७ की सर्मिला सावालाई १ ग्राम १० मिलिग्राम ब्राउन सुगर सहित पक्राउ गरेको छ । सुनसरीको इटहरी-१ बाट कोशी प्रदेश प्रहरी कार्यालय विराटनगर PIT र इलाका प्रहरी कार्यालय इटहरीले सोहि स्थानका रोजेश श्रेष्ठ, ज्ञानी चौधरी र मुकेश चौधरीलाई ८६० मिलिग्राम ब्राउन सुगर सहित नियन्त्रणमा लिएको छ । पक्राउ परेका उनिहरुको थप अनुसन्धान भईरहेको छ ।

सम्बन्धित समाचार

लागू औषध सहित २ जना पक्राउ

२०८३-०५-०२

झापा र मोरङबाट लागू औषध सहित २ जनालाई प्रहरीले पक्राउ गरेको छ । भदौ ०१ गते झापाको बिर्तामोड नगरपालिका- ३ स्थित विशेष सूचनाको आधारमा प्रहरी चौकी बिर्ताबजारबाट खटिएको प्रहरी टोलीले भारत बिहार सुपौलका मोहमद तोहिदलाई ५ ग्राम ५५० मिलिग्राम ब्राउन सुगर सहित नियन्त्रणमा लिएको छ । त्यस्तै मोरङको सुन्दरहरैचा नगरपालिका- १ का ४९ बर्षीय सुन्दर लाल चौधरीलाई इलाका प्रहरी कार्यालय बेलबारी र हरैचाले उनकै घरबाट ३ किलो ७६० ग्राम गाँजा र नगद २ लाख ७१ हजार सहित पक्राउ गरेको छ । पक्राउ परेका उनिहरुको थप अनुसन्धान भईरहेको छ ।

कोशी प्रदेश प्रहरी प्रमुखद्वारा नेपाल प्रहरी विशेष सुरक्षा गण दुहबीको निरीक्षण

२०८३-०५-०२

कोशी प्रदेश प्रहरी प्रमुख प्रहरी नायव महानिरीक्षक शेखर खनालले नेपाल प्रहरी विशेष सुरक्षा गण दुहबी सुनसरीको निरीक्षण भ्रमण गर्नु भएको छ । भदौ ०२ गते निरीक्षण भ्रमणको क्रममा वहाँले कार्यालय भवन, सम्पूर्ण शाखाहरुको निरीक्षण गर्नुका साथै कार्यरत प्रहरी अधिकृत तथा प्रहरी कर्मचारीहरूलाई आवश्यक निर्देशन दिनु भएको छ । निर्देशनको क्रममा उहाँले प्रहरी कर्मचारीहरू शारीरिक तथा मानसिकरूपमा स्वास्थ्य र तन्दुरुस्त भए मात्र आम नागरिकलाई प्रभावकारी सुरक्षा प्रदान गर्न सकिने भएको हुँदा कार्यरत प्रहरी कर्मचारीहरूलाई दैनिकरूपमा व्यायाम र पोषणयुक्त खानाको प्रबन्ध मिलाउन निर्देशन दिनुभयो । विशेष सुरक्षा गणमा कार्यरत प्रहरी कर्मचारीहरू विशेष गरी विपद उद्धार, भिड, हुलदङ्गा नियन्त्रण र जस्तो सुकै विषम परिस्थितिमा तत्काल परिचालन भई स्थितिलाई नियन्त्रणमा लिई नागरिकको सुरक्षा गर्नु पर्ने भएको हुँदा प्रहरी परिचालन हुनु अगावै कमाण्डरहरूले आवश्यक ब्रिफिङ गर्न, स्थितिलाई नियन्त्रणमा लिँदा कमाण्डरको निर्देशन बमोजिम सिलसिलेबार बल प्रयोगका सिद्धान्त अवलम्बन गरी प्रहरी कारवाही गर्न निर्देशन दिनु भएको छ । साथै उहाँले आफू बस्ने कार्यालय लगायत विपद उद्धार तथा भिड नियन्त्रणमा प्रयोग हुने सामाग्रीहरूको नियमित सरसफाइमा विशेष ध्यान दिन र विपदका घटनाहरूमा उद्धारको निम्ति आवश्यक सामाग्रीहरू सहित तत्काल परिचालन हुन सक्ने गरी तयारी अवस्थामा रहन निर्देशन दिनु भएको छ । निरीक्षण भ्रमणको क्रममा प्रदेश प्रहरी प्रमुख खनाललाई नेपाल प्रहरी विशेष सुरक्षा गण दुहबीका प्रमुख प्रहरी उपरीक्षक केशव भट्टराईले प्रहरी जनशक्ति व्यवस्थापन, विपद् व्यवस्थापन लगायतका आकस्मिक तथा विशेष परिस्थितिमा प्रहरी परिचालनको अवस्था, कार्य योजनाको बारेमा अवगत गराउनु भएको थियो । निरीक्षण भ्रमणको क्रममा कोशी प्रदेश प्रहरी कार्यालय विराटनगरका प्रहरी उपरीक्षक नारायण प्रसाद चिमरीया सहित प्रहरी अधिकृतहरूको उपस्थिति रहेको थियो ।

कोशी प्रदेश प्रहरी प्रमुखबाट कोशी प्रदेश प्रहरी अस्पताल सुनसरीको निरीक्षण अनुगमन

२०८३-०५-०२

कोशी प्रदेश प्रहरी प्रमुख प्रहरी नायव महानिरीक्षक शेखर खनालले भदौ ०२ गते कोशी प्रदेश प्रहरी अस्पताल सुनसरीको निरीक्षण भ्रमण तथा अनुगमन गर्नु भएको छ । निरीक्षणको क्रममा उहाँले अस्पतालमा रहेका बिभिन्न ल्याव तथा आकस्मिक कक्षहरुको निरीक्षण गर्नु भएको छ । निरीक्षण पश्चात कार्यरत प्रहरी कर्मचारीहरुलाई आवश्यक निर्देशनको क्रममा प्रहरी नायव महानिरीक्षक खनालले अस्पतालमा उपचारका लागि आउने प्रहरी कर्मचारी, प्रहरी परिवार तथा सर्वसाधरणहरुलाई अस्पतालले प्रदान गर्ने सेवा सुबिधा सहज वातावरणमा उपलव्ध गराई गुणस्तरीय स्वास्थ्य सेवा प्रदान गर्न, उपचार प्रक्रियालाई व्यवस्थित बनाउन तथा सेवाग्राहीको गुनासो र समस्यालाई प्राथमिकताका साथ सम्बोधन गर्न निर्देशन दिनुभयो । निर्देशनकै क्रममा उहाँले अस्पतालमा आवश्यक पर्ने औषधी, अक्सिजन र मेडिकल उपकरणहरूको अभाव हुन नदिन, समय-समयमा नागरिक समक्ष सचेतनामुलक कार्यक्रम तथा स्वास्थ्य शिविरहरू सञ्चालन गर्न तथा प्रहरी अस्पतालबाट प्रदान गरिने सेवा सुविधालाई गुणस्तरीय बनाउन निर्देशन दिनुभयो ।

जिल्ला प्रहरी कार्यालय सुनसरी र इलाका प्रहरी कार्यालय सितागञ्जको निरीक्षण भ्रमण

२०८३-०५-०२

कोशी प्रदेश प्रहरी प्रमुख प्रहरी नायव महानिरीक्षक शेखर खनालले भदौ ०२ गते जिल्ला प्रहरी कार्यालय सुनसरी र इलाका प्रहरी कार्यालय सितागञ्जको निरीक्षण भ्रमण तथा अनुगमन गर्नु भएको छ । निरीक्षण भ्रमणको क्रममा उहाँले कार्यालय, सम्पुर्ण शाखाहरु, हिरासत कक्ष तथा मेसको निरीक्षण गर्नुका साथै कार्यरत प्रहरी कर्मचारीहरुलाई आम नागरिक प्रति समान व्यवहार गर्दै प्रहरीको छवि सदैव उच्च राख्ने कार्यमा सवैले आ-आफ्नो पदिय दायित्व जिम्वेवारी पुर्वक निर्वाह गर्न निर्देशन दिनु भएको छ । • प्रहरी नायव महानिरीक्षक खनालले सुनसरी जिल्लामा खुल्ला सीमानाको कारण हुने भन्सार छली, चोरी तस्करी लगायत बिभिन्न अपराधिक घटना नियन्त्रण गर्न सीमा नाकाहरुमा प्रहरीको सक्रियता बढाउन,• सङ्गठित अपराध, गुण्डागर्दी, साईबर अपराध लगायतका अपराधिक गतिविधिमा संलग्न ब्यक्तिहरुलाई पहिचान गरी कानूनी दायरामा ल्याउन, • धार्मिक द्वन्द्व, साम्प्रदायीक सद्‍भाव भट्काउन खोज्ने, सामाजिक सञ्जालमार्फत अफवाह फैल्याउन खोज्नेहरूमाथि कडा निगरानी राखी पक्राउ गरी कानुन बमोजिम कारवाही गर्न,• नजिकिदै गरेको चाडपर्वहरुलाई लक्षित गरी सुरक्षा योजना बनाई प्रभावकारीरुपामा प्रहरी परिचालन गर्न,• बढ्दो सवारी दुर्घटनालाई न्यूनिकरणको लागी ट्राफिक चेकजाँच तथा सचेतनामुलक कार्यक्रमलाई निरन्तरता दिन निर्देशन दिनु भयो ।निरीक्षण भ्रमणको क्रममा प्रदेश प्रहरी प्रमुख खनाललाइ जिल्ला प्रहरी कार्यालय सुनसरीका प्रमुख प्रहरी उपरीक्षक पुष्पराज मल्लले जिल्लाको समग्र शान्ति सुरक्षा, र प्रहरी परिचालनको अवस्थाको बारेमा जानकारी गराउनु भएको थियो ।

लागू औषधसहित ९ जना पक्राउ

२०८३-०४-३०

झापा, मोरङ र सुनसरी जिल्लाका विभिन्न स्थानबाट लागू औषधसहित ९ जनालाई पक्राउ गरिएको छ । साउन २९ गते झापाको बिर्तामोड नगरपालिका-३ स्थितमा इलाका प्रहरी कार्यालय अनारमनीबाट खटिएको प्रहरी टोलीले प्र.१-०१-००२ ह ७८६६ नम्बरको सिटी सफारीलाई शंका लागी चेकजाँच गर्दा बिर्तामोड नगरपालिका-१ का ४० वर्षीय सन्तोष राजवंशीलाई १ ग्राम ५०० मिलिग्राम लागू औषध ब्राउन सुगरसहित पक्राउ गरेको छ । त्यसैगरी, मोरङको सुन्दरहरैँचा नगरपालिका-५ स्थितबाट प्रदेश अनुसन्धान समूह (PIT) र अस्थायी प्रहरी चौकी बलियाबाट खटिएको संयुक्त प्रहरी टोलीले सोही स्थानका २२ वर्षीय प्रशान्त मगरलाई ३९० मिलिग्राम ब्राउन सुगरसहित, इलाका प्रहरी कार्यालय लेटाङले लेटाङ नगरपालिका-३ का १८ वर्षीय सुरज लिम्बूलाई १०० ग्राम गाँजासहित र इलाका प्रहरी कार्यालय पथरीले कानेपोखरी गाउँपालिका-६ का २४ वर्षीय निमेष घिमिरेलाई २ ग्राम ५०० मिलिग्राम ब्राउन सुगरसहित पक्राउ गरेको छ । यसैगरी, सुनसरीको इटहरी उपमहानगरपालिका-१० स्थितबाट प्रदेश अनुसन्धान समूह (PIT) र इलाका प्रहरी कार्यालय इटहरीको संयुक्त प्रहरी टोलीले इटहरी उपमहानगरपालिका-१० का ४१ वर्षीय मोहन गुरुङ, ४९ वर्षीया कुमारी राई र इटहरी-४ का २३ वर्षीय अर्जुन काफ्लेलाई ५ ग्राम ८५० मिलिग्राम ब्राउन सुगर तथा नगद १८ हजार ५० रुपैयाँसहित पक्राउ गरेको छ । त्यसैगरी, इलाका प्रहरी कार्यालय धरानले धरान उपमहानगरपालिका-८ का २८ वर्षीय मनोज पाण्डे र धरान-१५ का २२ वर्षीय पवन सापकोटालाई ट्रामाडोल ८७० क्याप्सुल, स्पास्पेन ८६५ क्याप्सुल तथा २५० ग्राम गाँजासहित पक्राउ गरेको छ । पक्राउ परेका सबैजनाको सम्बन्धमा थप अनुसन्धान भइरहेको छ ।

मर्यादापालकको दक्षता अभिवृद्धि अनुशिक्षण” तालिममको समापन

२०८३-०४-२९

कोशी प्रदेश प्रहरी कार्यालय विराटनगरको सभाहलमा संचालित ५ कार्य दिन आवधिको “मर्यादापालकको दक्षता अभिवृद्धि अनुशिक्षण” तालिम प्रथम समूहको कोशी प्रदेश प्रहरी प्रमुख प्रहरी नायव महानिरीक्षक शेखर खनालको प्रमुख आतिथ्यतामा साउन २९ गते समापन भएको छ । तालिम समापन कार्यक्रमलाई सम्बोधनको क्रममा प्रमुख आतिथि खनालले संसदीय बैठकलाई सुरक्षित, व्यवस्थित र मर्यादित रूपमा सम्पन्न गराउन मर्यादापालकको भूमिका महत्वपूर्ण हुने हुँदा बैठकमा सुरक्षा व्यवस्थापन, प्रवेश नियन्त्रण तथा आकस्मिक अवस्थामा प्रभावकारी रूपमा परिचालन भई परिस्थितिलाई नियन्त्रणमा लिन प्रहरी कर्मचारीहरूलाई निर्देशन दिनुभयो । उहाँले तालिमका क्रममा प्राप्त ज्ञान, सीप र अनुभवलाई कार्यक्षेत्रमा प्रभावकारी रूपमा कार्यान्वयन गर्न, आफ्नो जिम्मेवारी निर्वाह गर्दा अनुशासन, संयमता, व्यावसायिकता र समन्वयलाई विशेष प्राथमिकता दिन जोड दिनुभयो । उहाँले तालिमरत प्रशिक्षार्थीहरूबाट उठेका जिज्ञासाहरूको समेत सम्बोधन गर्नुका साथै आवश्यक स्पष्टता समेत प्रदान गर्नु भएको थियो ।तालिम समापन कार्यक्रममा तालिम संयोजक प्रहरी निरीक्षक गजेन्द्र रायाले तालिम सम्बन्धी प्रतिवेदन पेश गर्नु भएको थियो । कार्यक्रममा प्रहरी वरिष्ठ उपरीक्षक योगेन्द्र सिंह थापा, कोशी प्रदेश सभा सचिवालयका उप-सचिव अर्जुन घिमिरे, प्रहरी उपरीक्षक सुमन कुमार तिम्सिना, प्रहरी उपरीक्षक नारायण प्रसाद चिमरीया सहित प्रहरी अधिकृतहरुको उपस्थिति रहेको थियो । कोशी प्रदेश सरकार मुख्य मन्त्री तथा मन्त्री परिषदको कार्यालय प्रदेश सहयोग कार्यक्रम अन्तरगत साउन २५ गतेबाट संचालन भएको ५ कार्य दिनको उक्त तालिममा २५ जना प्रहरी कर्मचारीहरुको सहभागिता रहेको थियो ।