लागू औषध सहित ६ जना पक्राउ

२०८३-०४-०१

A
A^-
A⁺

------------------- --------------------------- ------------------------ ---- ---------

सुनसरीको इलाका प्रहरी कार्यालय महेन्द्रनगरले बराहक्षेत्र नगरपालिका–६ का ३२ वर्षीय अशोक राई र ४६ वर्षीय ईश्वर कुमार कार्कीलाई १ ग्राम ६७० मिलिग्राम ब्राउन सुगर र को १७ प ८३२९ नम्बरको मोटरसाइकल सहित नियन्त्रणमा लिएको छ । यसैगरी झापाको इलाका प्रहरी कार्यालय केचनाले कचनकवल गाउँपालिका–२ का ३२ वर्षीय विशाल गाईने र २३ वर्षीय सिद्धार्थ गाईनेलाई १८० मिलिग्राम ब्राउन सुगर सहित र मोरङको अस्थायी प्रहरी चौकी कुशलबजारले पथरीशनिश्चरे नगरपालिका–६ का २४ वर्षीय शिवलाल किस्कु सतार र २३ वर्षीया रुबिना महरालाई १ ग्राम ११० मिलिग्राम ब्राउन सुगर सहित नियन्त्रणमा लिएको छ ।

सम्बन्धित समाचार

लागू औषधसहित १ जना पक्राउ

२०८३-०४-०५

असार महिनाको सर्वोत्कृष्ट प्रहरी घोषित

२०८३-०४-०४

कोशी प्रदेश प्रहरी कार्यालय विराटनगरले प्रहरी सहायक निरीक्षक गणेश थापा र प्रहरी हवल्दार रेवती प्रसाद ढकाललाई असार “महिनाको सर्वोत्कृष्ट प्रहरी” (BEST POLICE OF THE MONTH) घोषित गरेको छ । विभागीय मूल्य-मान्यता, आदेश-निर्देशनको पालना गरी उच्च मनोबल र साहसका साथ आफ्नो पदीय कर्तव्य निर्वाह गर्ने क्रममा अस्थायी प्रहरी चौकी चाँदबेला, सुनसरीमा कार्यरत प्रहरी सहायक निरीक्षक गणेश थापाले गस्तीको क्रममा राउण्ड ३ गोली लोड भएको १ थान चाइनिज पेस्तोल सहित दुई जना व्यक्तिलाई नियन्त्रणमा लिन सफल भएको र जिल्ला प्रहरी कार्यालय सुनसरीमा कार्यरत प्रहरी हवल्दार रेवती प्रसाद ढकालले जिल्लाको विभिन्न स्थानबाट लागूऔषध ब्राउन सुगर ४७.२९ ग्राम, प्रतिबन्धित औषधी १८२१० ट्याबलेट सहित ओसारपसारमा संलग्न व्यक्ति तथा सवारी साधनहरु, कोशी गाउँपालिका-७ स्थित सप्तकोशी नदी किनारमा वेवारिसे अवस्था रहेको ३०८ किलोग्राम गाँजा र धरानका विभिन्न स्थानबाट ४०४ किलोग्राम गाँजा समेत नियन्त्रणमा लिनुका साथै अपराध रोकथाम, अनुसन्धान गर्ने कार्य र फैसला कार्यान्वयन अन्तर्गत उल्लेख्य सङ्ख्यामा फरार प्रतिवादीहरु पक्राउ गरी आम नागरिकहरुमा शान्ति सुरक्षाको अनुभुति हुने किसिमले आफ्नो पदीय दायित्व तथा जिम्मेवारी उत्कृष्ट तवरबाट बहन गरेको हुँदा निज प्रहरी कर्मचारीहरुबाट सम्पादित कार्यको उच्च मूल्याङ्कन गर्दै २०८३ साल असार महिनाको “सर्वोत्कृष्ट प्रहरी” (BEST POLICE OF THE MONTH) घोषणा गरिएको हो ।

लागू औषध सहित ११ जना पक्राउ

२०८३-०४-०४

झापा, मोरङ र सुनसरी जिल्लाको बिभिन्न स्थानहरुबाट साउन ०३ गते लागू औषध सहित ११ जनालाई पक्राउ गरीएको छ । वडा प्रहरी कार्यालय भद्रपुर, झापाले बिर्तामोड नगरपालिका-३ का २७ बर्षीय अजय सहनीलाई ६ ग्राम ६० मिलिग्राम ब्राउन सुगर सहित, इलाका प्रहरी कार्यालय दमक र लागू औषध नियन्त्रण व्युरो काकरभिट्टा झापाले इलामको चुलाचुली गाउँपालिका-४ का ३५ वर्षीय पूर्ण कुमार राईलाई २२ ग्राम १५० मिलिग्राम ब्राउन सुगर सहित नियन्त्रणमा लिएको छ । यसैगरी इलाका प्रहरी कार्यालय बेलबारी मोरङले बेलबारी नगरपालिका-३ का ३० वर्षीय प्रकाश खड्का, ३१ वर्षिय रबिन राई, २५ वर्षीय आकाश गुरुङ र २४ वर्षीय सबिन गुरुङलाई ट्रामाडोल १७ क्याप्सुल र स्पास १७ ट्याब्लेट सहित नियन्त्रणमा लिएको छ भने जिल्ला प्रहरी कार्यालय मोरङबाट गस्तिमा खटिएको प्रहरी टोलीले विराटनगर महानगरपालिका-१३ स्थितबाट प्रतिबन्धित औषधी NITZASCEN-३० ट्याब्लेट र स्पास्मो प्रोक्सिबन-४० क्याप्सुल सहित इटहरी-९ का संदिप खड्कालाई पक्राउ गरेको छ । यस्तै इलाका प्रहरी कार्यालय लौकहीले इटहरी-९ का २१ वर्षीय संगम श्रेष्ठलाई १ ग्राम ७ मिलिग्राम सहित, प्रहरी चौकी भरौलले रामधुनी नगरपालिका-७ का २३ वर्षीय समिर चौधरी र रामधुनी-२० का समिर चौधरीलाई ट्रामडोल-१७८ क्याप्सुल, बिभिन्न प्रकारका ट्याब्लेट-११२ चक्की सहित र अस्थायी प्रहरी चौकी बरगाछीले धरान-८ स्थितबाट सोही स्थानका २१ वर्षीय उमङ्ग राईलाई प्रतिबन्धित औषधी ट्रामाडोल-६१२ क्याप्सुल र क्लारो- ५८० चक्की सहित नियन्त्रणमा लिएको छ । पक्राउ परेका सबैजनाको सम्बन्धमा थप अनुसन्धान भई रहेको छ ।

लागू औषध सहित १२ जना पक्राउ

२०८३-०३-३२

कोशी प्रदेश प्रहरीको लागू औषधविरुद्धको महाअभियान अन्तर्गत लागू औषधमुक्त समाज निर्माण गर्ने उद्देश्यका साथ लागू औषध कारोबारमा संलग्न व्यक्तिहरूलाई पक्राउ गरी कानूनी दायरामा ल्याउने तथा मनोपरामर्श एवं जनचेतना प्रदान गर्ने अभियान अन्तर्गत कोशी प्रदेश प्रहरी कार्यालय तथा मातहतका प्रहरी कार्यालयहरूबाट परिचालित प्रहरी टोलीले लागू औषध कारोबारमा संलग्न १२ जनालाई पक्राउ गरेको छ । पक्राउ परेका उनीहरूको साथबाट लागू औषध ब्राउन सुगर ४१ ग्राम १९६ मिलिग्राम र १ थान स्कुटी बरामद भएको छ । ....................... ....................... .................................. ............................... .................................... लागू औषध नियन्त्रण ब्यूरो विराटनगर र इलाका प्रहरी कार्यालय रंगेली मोरङबाट रंगेली नगरपालिका- ६ र ७ स्थित खटिएको प्रहरी टोलीले चेकजाँचको क्रममा मलद्धवारमा कालो प्लाष्टिकको पोका पारी लुकाई छिपाई राखेको अवस्थामा ३१ ग्राम ५६ मिलिग्राम ब्राउन सुगर फेला पारी बरानद गरेसगै बेचबिखानमा संलग्न पथरी शनिश्चरे नगरपालिका- १ का भुपाल कार्की, इलाम चुलाचुली गाउँपालिका- १ घर भई हाल पथरी शनिश्चरे- १ स्थित बस्दै आएका २३ बर्षीय सम्योक वानेम फागो र सोही स्थानकी २० बर्षीया भुमिका फागोलाई प्रहरीले नियन्त्रणमा लिएको छ । त्यस्तै सुनसरीको इटहरी- ४ बाट इलाका प्रहरी कार्यालय इटहरीले ९१० मिलिग्राम र को. २७ प ८७३७ नम्बरको स्कुटि सहित कानेपोकरी गाउँपालिका- ५ का २८ बर्षीय बिनोद बयाँलकोटी, सप्तरी हनुमाननगरका २५ बर्षीय रोशन पाण्डे र लेटाङ नगरपालिका-५ की २९ बर्षीय स्मृती मगरलाई पक्राउ गरेको हो भने धरान- ५ बाट अस्थायी प्रहरी चौकी देउरालीले सोहि स्थानका चोक्मान तामाङलाई १ ग्राम ६४० मिलिग्राम सहित र धरान- १९ बाट वडा प्रहरी कार्यालय धरानले सोहि विजय लिम्बु र पुर्ण श्रेष्ठलाई १ ग्राम ५१० मिलिग्राम ब्राउन सुगर सहित नियन्त्रणमा लिएको छ । झापाको मेचीनगर नगरपालिका- ६ बाट इलाका प्रहरी कार्यालय काँकरभिट्टा र लागू औषध नियन्त्रण ब्यूरो काँकरभिट्टाले बिर्तामोड नगरपालिका- १ का ३० बर्षीय मो. सदाम हुसेन र भारत घर भई हाल बिर्तामोड नगरपालिका- ५ स्थित बस्दै आएका १९ बर्षीय मुबारक अली र इलाम फाकफोकथुम गाउँपालिका- ३ का रमेश थेगिमलाई ६ ग्राम ८० मिलिग्राम ब्राउन सुगर सहित नियन्त्रणमा लिएको छ ।

लागू औषध सहित ५ जना पक्राउ

२०८३-०३-३१

लागू औषध सहित ५ जना पक्राउ

२०८३-०३-२९