कोशी प्रदेश प्रहरी कार्यालय विराटनगर र इलाका प्रहरी कार्यालय पथरीले १९६ ग्राम ४०० मिलिग्राम ब्राउन सुगर सहित बेचबिखनमा संलग्न २ जनालाई पक्राउ गरेको छ । असार १७ गते मोरङको पथरीशनिश्चरे नगरपालिका-१० मङगलबारेका ३३ बर्षीय मोतिराज लिम्बुको घरमा लागू औषध कारोबार भईरहेको छ भन्ने बिशेष सुचनाको आधारमा खटिएको प्रहरी टोलीले घर खानतलासी गर्दा उक्त घर कोठाबाट १९६ ग्राम ४०० मिलिग्राम ब्राउन सुगर फेला पारी बरामद गरेसगै बेचबिखनमा संलग्न रंगेली नगरपालिका-६ का ३३ वर्षीय मिथुन शाह समेतलाई पक्राउ गरेको हो । पक्राउ परेका उनिहरुको आवश्यक थप अनुसन्धान भईरहेको छ ।