तालुक नेपाल प्रहरी प्रधान कार्यालय प्रदेश समन्वय विभागको आयोजनामा १ दिने “कार्यसम्पादन अभिलेख ढाँचा सम्बन्धी अनुशिक्षण” कार्यक्रम सम्पन्न भएको छ । असार १५ गते कोशी प्रदेश प्रहरी कार्यालय विराटनगरको सभाहलमा कोशी प्रदेश प्रहरी प्रमुख प्रहरी नायव महानिरीक्षक विनोद घिमिरेको प्रमुख आतिथ्यतामा उक्त अनुशिक्षण कार्यक्रम सम्पन्न भएको हो । नेपाल प्रहरीको बिभिन्न इकाहरुबाट दैनिक रुपमा सम्पदान हुने कार्यहरुको कार्य सम्पादनमा तदारुकताका साथ पहलकदमी ल्याई समग्र कार्य सम्पादनको वस्तुगत मुल्याङकन र सम्पादन गर्न केन्द्रिय अभिलेख प्रणालीलाई विकास गरी भए गरेको काम कारवाहीको वास्तविक तथ्याङ्क प्राप्त गर्न तथा पारदर्शी र वास्तविक मुल्याङकन गर्दै तथ्याङ्क प्रविष्ट गर्न “कार्यसम्पादन अभिलेख ढाँचा सम्बन्धी अनुशिक्षण” प्रदान गरीएको हो । कार्यक्रममा प्रमुख अतिथि घिमिरेले अनुशिक्षण कार्यक्रमले कोशी प्रदेशका विभिन्न इकाईहरूबाट दैनिक रूपमा सम्पादन हुने कार्यहरूको दैनिक कार्यसम्पादन अभिलेखीकरण प्रणालीलाई थप व्यवस्थित, प्रभावकारी, पारदर्शी तथा परिणाममुखी बनाउन महत्वपूर्ण योगदान पुग्ने विश्वास व्यक्त गर्दै प्रहरी कर्मचारीहरुले अनुशिक्षणमा सिकेका ज्ञान र सिपलाई कार्य क्षेत्रमा त्रुटि रहित तवरले सम्पादन गरी कोशी प्रदेशलाई उत्कृष्ट बनाउने कार्यमा लागि पर्न निर्देशन दिनुभयो । कार्यसम्पादन अभिलेख ढाँचा सम्बन्धी नेपाल प्रहरी प्रधान कार्यालय प्रदेश समन्वय विभागका प्रहरी उपरीक्षक राजन भुजेल, प्रहरी निरीक्षक शैलेन्द्र पाण्डे र राज कुमार लामाले  भए गरेका काम कारवाहीको वास्तविक तथ्याङ्क प्राप्त गर्न, सोही अनुरुप पारदर्शी र वास्तविक मुल्याङ्कन गर्न विकाश गरिएको सफ्टवेयरको प्रयोग विधि सम्वन्धि अनुशिक्षण प्रदान गर्नु भएको थियो । उक्त अनुशिक्षण कार्यक्रममा कोशी प्रदेश प्रहरी तालिम केन्द्र, नेपाल प्रहरी प्रदेश कार्यालय धरान, नेपाल प्रहरी विशेष सुरक्षा गण दुहबी, कोशी प्रदेश प्रहरी गण विराटनगर, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरी, कोशी प्रदेश अन्तरगत रहेका १४ वटै जिल्ला प्रहरी कार्यालय तथा “क” स्तर सम्मका प्रहरी कार्यालयहरुका सिनियर प्रहरी अधिकृत सहित प्रहरी कर्मचारीहरूको सहभागिता रहेको थियो ।