प्रतिबन्धित लागू औषधसहित २४ जना पक्राउ
२०८३-०३-१२
- A
- A-
- A+
कोशी प्रदेश प्रहरीको लागू औषधविरुद्धको महाअभियान अन्तर्गत लागू औषधमुक्त समाज निर्माण गर्ने उद्देश्यका साथ लागू औषधमा संलग्न व्यक्तिहरूलाई पक्राउ गरी कानुनी दायरामा ल्याउने तथा मनोपरामर्श/जनचेतना प्रदान गर्ने उद्देश्यले कोशी प्रदेश प्रहरी कार्यालय तथा मातहतका प्रहरी कार्यालयहरूबाट परिचालित प्रहरी टोलीले लागू औषधमा संलग्न २४ जनालाई पक्राउ गरेको छ । पक्राउ परेकाहरूको साथबाट १२० ग्राम ५६० मिलिग्राम ब्राउन सुगर, ट्रामाडोल २४ हजार ३२५ क्याप्सुल, कोलिभान ४ हजार १८५ ट्याब्लेट र डाईक्लोमाईन २ हजार २४० ट्याब्लेट, नगद ६३ हजार ८२० रुपैयाँ र १ थान मोटरसाइकल बरामद गरेको छ ।
.......................................................................................................................................................
कोशी प्रदेश प्रहरी कार्यालय विराटनगर र अस्थायी प्रहरी पोष्ट जोरसखुवा सुनसरीबाट खटिएको प्रहरी टोलीले धरान-१७ का आङदावा तामाङ र बुद्ध दर्जीलाई प्रतिबन्धित लागु औषध कोलिभान ४ हजार १८५ ट्याब्लेट र ट्रामाडोल ४ हजार १८५ क्यापसुल सहित पक्राउ गरेको छ । रामधुनी-६ का विजय राजधामीलाई लागूऔषध नियन्त्रण व्युरो विराटनगर र इलाका प्रहरी कार्यालय पकलीले ६२ ग्राम ९३० मिलिग्राम ब्राउन सुगर र नगद ६३ हजार ८२० रुपैया सहित पक्राउ गरेको छ । इलाका प्रहरी कार्यालय पकलीले इटहरी-१७ का साहीदुल मियालाई ९६० मिलिग्राम ब्राउन सुगर सहित र ओखलढुङा सिद्धीचरण नगरपालिका- १ का युवराज बस्नेत, सुन्दरहरैचा- ८ का लाल बहादुर थापा र इटहरी- १७ का सौकात मियालाई ६८० मिलिग्राम ब्राउन सुगर सहित पक्राउ गरेको छ । इलाका प्रहरी कार्यालय देवानगंजले देवानगंज गाउँपालिका-२ स्थितमा बेवारिसे अवस्थामा रहेको को. २२ प २८१७ नम्बरको मोटरसाईकलमा ट्रामाडोल १८ हजार क्याप्सुल बरामद गरेको छ ।
चेकजाँचकै क्रममा इलाका प्रहरी कार्यालय कुमरखोदले दमक- ८ का ३२ बर्षीय ईन्द्र प्रसाद गिरी र दमक- ७ की ३८ बर्षीया सन्जु खत्रीलाई ४४ ग्राम ४६० मिलिग्राम ब्राउन सुगर सहित पक्राउ गरेको छ भने बिर्तामोड-५ का रोशन श्रेष्ठ र अर्जुनधारा- ६ का प्रबिण श्रेष्ठलाई ४ ग्राम ६३० मिलिग्राम र बिर्तामोड-२ का अनिल लुईटेललाई ३५० मिलिग्राम ब्राउन सुगर सहित बिर्तामोड- ३ बाट कोशी प्रदेश प्रहरी कार्यालय विराटनगर र इलाका प्रहरी कार्यालय अनारमनीले पक्राउ गरेको छ । इलाका प्रहरी कार्यालय धुलबारीले मेचिनगर नगरपालिका- १० का अस्पात शेखलाई १ ग्राम ८० मिलिग्राम, नसरु मिया र अक्लिमा खातुनलाई २ ग्राम १३० मिलिग्राम सहित पक्राउ गरेको छ । वडा प्रहरी कार्यालय भद्रपुरले भद्रपुर नगरपालिका- ७ का सुनिल धिमाललाई २ ग्राम १० मिलिग्राम, दमक- ५ बाट इलाका प्रहरी कार्यालय दमकले पाँचथर फिदिमका हितेश तावाहाङ र निरोज तामाङलाई १ ग्राम २९० मिलिग्राम ब्राउन सुगर सहित पक्राउ गरेको छ ।
त्यस्तै मोरङको अस्थायी प्रहरी पोष्ट हसन्दहले लागूऔषध ट्रामाडोल र डाईक्लोमाईन ४ हजार ३८० चक्की सहित पथरीशनिश्चरे नगरपालिका-५ कस सुरज ऋषिदेव, लुखिराम सोरेन, धनपालथान गाउँपालिका-४ का उमर हुसेन र सुनबर्सी-२ का सागर गनगाईलाई पक्राउ गरेको छ भने अस्थायी प्रहरी चौकी सोमबारेले ४० मिलिग्राम ब्राउन सुगर सहित बेलबारी- ९ का निरज चौधरी र मनिष तामाङलाई पक्राउ गरेको छ ।