लागू औषध सहित २ जना पक्राउ

२०८३-०१-०८

A
A^-
A⁺

सुनसरी र इलाम जिल्लाको छुट्टा छुट्टै दुई स्थानबाट प्रतिवन्धित लागू औषध ब्राउन सुगर सहित २ जनालाई पक्राउ गरिएको छ । वैशाख ७ गते कोशी प्रदेश प्रहरी कार्यालय विराटनगर (PIT) र इलाका प्रहरी कार्यालय धरानको संयुक्त प्रहरी टोलीले चेकजाँचको क्रममा सुनसरीको धरान उप-महानगरपालिका-८ स्थितबाट धरान-१४ का निश्चल बस्नेतलाई ८३० मिलिग्राम ब्राउन सुगर सहित पक्राउ गरिएको छ भने इलामको प्रहरी चौकी दानबारीले माई नगरपालिका-८ का सन्तोष कुमार गोलेलाई ५ ग्राम ८९० मिलिग्राम ब्राउन सुगर सहित पक्राउ गरेको छ । पक्राउ परेको दुवै जनाको थप अनुसन्धान भईरहेको छ ।

सम्बन्धित समाचार

१७ हजार १ सय ५० पिस प्रतिबन्धित औषधी सहित १ जना पक्राउ

२०८३-०१-०८

सुनसरीको धरान उप-महानगपालिका-१६ स्थीतबाट १७ हजार १ सय ५० पिस प्रतिबन्धित औषधी सहित १ जनालाई पक्राउ गरिएको छ । वैशाख ७ गते गोप्य सुचनाका आधारमा इलाका प्रहरी कार्यालय धरान र कोशी प्रदेश प्रहरी कार्यालय बिराटनगर प्रादेशीक अनुसन्धान समुह (PIT) बाट खटिएको प्रहरी टोलीले धरान उप-महानगरपालिका-१६ स्थितबाट स्थानिय २० वर्षिय राहुल आचार्यलाई ट्रामाडोल ३,१०० क्याप्सुल र स्पास्पेन १४,०५० ट्याब्लेट प्रतिबन्धित औषधी सहित पक्राउ गरेको हो । पक्राउ परेका आचार्यको सम्बन्धमा थप अनुसन्धान भई रहेको छ ।

लागूऔषध सहित ८ जना पक्राउ

२०८३-०१-०७

झापा, मोरङ र सुनसरीबाट लागूऔषध सहित ८ जनालाई पक्राउ गरिएको छ । हिजो दिउँसो २ बजे झापाको झापा गाँउपालिका वडा नं. ४ सुकुम्बासी टोल स्थितबाट प्रहरी चौकी टाघनडुब्बाबाट खटिएको प्रहरी टोलीले दमक नगरपालिका ५ बस्ने ३७ बर्षीय अजय कुमार लिम्बु, ६२ बर्षीया खदी देवी मुखिया र ३३ बर्षीया सपना कपालीलाई ब्राउन सुगर १२ ग्राम २५ मिलिग्राम सहित पक्राउ गरेको छ । यसै गरी हिजो बेलुका पौने ५ बजे मोरङ पथरीशनिश्चरे नगरपालिका ७ घरभएका २४ बर्षीय रुपन राई र पथरीशनिश्चरे नगरपालिका ६ का २१ बर्षीय शिशिर बस्नेतलाई इलाका प्रहरी कार्यालय पथरीबाट खटिएको प्रहरी टोलीले Tramadol Hydrochloride Capsuled IP (Tramol-50) ७८ क्याप्सुल र Dicyclomine HCL Tablets IP 20 mg ८१ चक्की सहित पक्राउ गरेको छ । यसै गरी हिजो दिनको साँढे ३ बजे सुनसरीको कोशी गाउँपालिका २ सरदार टोल स्थितबाट ७० बर्षीय लक्ष्मी सरदार, ४२ बर्षीया देवकी सरदार र भारतिय नागरिक २६ बर्षीय सहवाज आलमलाई गाँजा ७५ किलो ३३० ग्राम सहित इलाका प्रहरी कार्यालय लौकहीबाट खटिएको प्रहरी टोलीले पक्राउ गरेको छ । लागूऔषध सहित पक्राउ परेका सबै जनाको सम्बन्धित प्रहरी कार्यालयहरुबाट थप अनुसन्धान भईरहेको छ ।

ब्राउन सुगर सहित जना ३ पक्राउ

२०८३-०१-०६

झापा र मोरङ जिल्लाको विभिन्न स्थानहरुबाट ब्राउन सुगर सहित ३ जनालाई पक्राउ गरिएको छ । वैशाख ५ गते झापाको इलाका प्रहरी कार्यालय झिलझिले चेकजाँचको क्रममा शीवसताक्षी नगरपालिका-७ का गंगा बहादुर मगरलाई १३ ग्राम २०० मिलिग्राम लागु औषध ब्राउन सुगर सहित र वडा प्रहरी कार्यालय भद्रपुरले बिर्तामोड नगरपालिका-३ का हरि प्रसाद राजवंशीलाई ३ ग्राम २० मिलिग्राम ब्राउन सुगर सहित पक्राउ गरेको छ । चेकजाँचकै क्रममा मोरङको इलाका प्रहरी कार्यालय सिजुवाले रतुवामाई नगरपालिका-७ का अमिल लिम्बुलाई ११० मिलिग्राम ब्राउन सुगर सहित पक्राउ गरेको छ ।

गाँजा बोकेको स्कारपियो गाडी सहित ३ जना पक्राउ

२०८३-०१-०६

सुनसरीको धरान उप-महानगरपालिका-१३ कोशी लोकमार्ग स्थितबाट लागूऔषध गाँजा बोकेको स्कार्पियो गाडी सहित ३ जनालाई प्रहरीले पक्राउ गरेको छ । वैशाख ५ गते इलाका प्रहरी कार्यालय धरानबाट खटिएको प्रहरी टोलीले चेकजाँचको क्रममा BR10 PB 2241 नम्वरको गाडीको सिट मुनी लुकाई छिपाई राखेको अवस्थामा ५९ किलोग्राम गाँजा बरामद गरेको थियो । गाडीबाट लागूऔषध गाँजा बरामद भए संगै चालक भारत सुपौलका सुवोध कुमार सहित गाडीमा सवार रोहित कुमार र मोहम्मद जमशेरलाई नियन्त्रणमा लिई थप अनुसन्धान गरी रहेको छ ।

५६३ ग्राम ६२० मिलिग्रान ब्राउन सुगर सहित २ जना पक्राउ

२०८३-०१-०५

झापाको कनकाई नगरपालिका-५ स्थितबाट ५६३ ग्राम ६२० मिलिग्रान ब्राउन सुगर सहित २ जनालाई प्रहरीले पक्राउ गरेको छ । बैशाख ०४ गते बिशेष सूचनाको आधारमा लागू औषध नियन्त्रण व्युरो बिराटनगर र इलाका प्रहरी कार्यालय सुरुङगाबाट खटिएको प्रहरी टोलीले BR 37R 1866 नम्बरको मोटरसाईकलमा संकास्पद अवस्थामा रहेका झापा गाउँपालिका-६ का २२ बर्षीय साफिक उल मिया र भारत बिहार डिगलबैंकका २२ बर्षीय निसार आलमको साथमा रहेको झोला खान तलासी गर्दा ५६३ ग्राम ६२० मिलिग्राम ब्राउन सुगर बरामद भएको थियो । ब्राउन सुगर सहित पक्राउ परेका दुबै जनाको इलाका प्रहरी कार्यालय अनारमनीबाट थप अनुसन्धान भईरहेको छ ।

चैत्र महिनाको सर्वोत्कृष्ट प्रहरी घोषित

२०८३-०१-०४

कोशी प्रदेश प्रहरी कार्यालय विराटनगरले वडा प्रहरी कार्यालय भद्रपुर, झापामा कार्यरत प्रहरी निरीक्षक मोतिलाल योञ्जन तामाङलाई २०८२ साल चैत्र महिनाको “सर्वोत्कृष्ट प्रहरी” (BEST POLICE OF THE MONTH) घोषित गरेको छ । विभागीय मूल्य-मान्यता, आदेश-निर्देशनको पालना गरी उच्च मनोबल र साहसका साथ आफ्नो पदीय कर्तव्य निर्वाह गर्ने क्रममा प्रहरी निरीक्षक मोतिलाल योञ्जन तामाङले “अपरेसन ब्राउन” अन्तर्गत भद्रपुर एरियामा लागू औषध नियन्त्रणलाई अभियानकै रूपमा सञ्चालन गरी चैत्र महिनाभरी लागू औषध सम्बन्धी १५ वटा मुद्दामा संलग्न ३२ जना अभियुक्तलाई पक्राउ गरी उनीहरूको साथबाट जम्मा ३४६ ग्राम ५७ मिलिग्राम लागू औषध ब्राउन सुगर, नगद ३ लाख रुपैया सहित बरामद गर्न नेतृत्वदायी भूमिका निर्वाह गरेको, भन्सार छलीका १० लाख ४७ हजार बरावरको बिभिन्न अवैध सामानहरु बरामद गरेको, विभिन्न मुद्दाका ९ जना फरार प्रतिवादीलाई पक्राउ गरेको, Gen-Z आन्दोलनको क्रममा पूर्ण रूपमा क्षति ग्रस्त वडा प्रहरी कार्यालय भद्रपुरको कार्यालय तथा ब्यारेक मर्मत, आवश्यक फर्निचर, विद्युतिय सामाग्री व्यवस्थापन तथा मेची बिटको पुनः स्थापनाको निम्ति स्थानीय निकाय, विभिन्न संघ–संस्था तथा स्थानीयबासिहरु सँग समन्वयात्मक भूमिका निर्वाह गरेको, प्रहरी चौकी मेचीपारीको नयाँ जग्गा प्राप्तिको लागी नेतृत्वदायी भूमिका निर्वाह गरेको साथै वडा प्रहरी कार्यालय भद्रपुरको नयाँ भवन निर्माण तथा जग्गा प्राप्तिको लागी निरन्तर पहल गरिरहेको साथै सामुदायिक प्रहरी साझेदारी कार्यक्रम अन्तर्गत सचेतनामूलक कार्यक्रमहरु सञ्चालन गरी आम नागरिकमा शान्ति सुरक्षाको अनुभुति हुने किसिमले आफ्नो पदीय दायित्व तथा जिम्मेवारी उत्कृष्ट तवरबाट बहन गरेको हुँदा निज प्रहरी निरीक्षकबाट सम्पादित कार्यको उच्च मूल्याङ्कन गर्दै २०८२ साल चैत्र महिनाको “सर्वोत्कृष्ट प्रहरी” (BEST POLICE OF THE MONTH) घोषणा गरिएको हो ।