कोशी प्रदेश कार्यालय विराटनगरको तत्वावधानमा चैत्र २६ गतेबाट संचालनमा रहेको ५ कार्य दिनको पहिलो उपचार सहयोगी (Medical First Responder) तालिम पहिलो समुहको समापन भएको छ । चैत्र ३१ गते कोशी प्रदेश प्रहरी कार्यालय विराटनगरको सभाहलमा भएको तालिम समापन कार्यक्रमका प्रमुख अतिथि प्रहरी नायव उपरीक्षक ध्रुव कुमार श्रेष्ठले प्रहरी कर्मचारीहरुको लागी अति उपयोगी रहेको पहिलो उपचार सहयोगी तालिमबाट सिकेका ज्ञानले आफ्नो ब्यक्तिगत जीवन तथा मानव सेवामा समर्पित प्रहरी पेशामा समेत उत्तिकै फलदायी हुने बताउनु भयो । साथै वँहाले तालिमबाट सिकेका ज्ञान र सिपलाई कार्यक्षेत्रमा ब्यवहारमा उतारी तत्काल घटना स्थलमा पुगेको प्रहरीले घाईतेलाई पहिलो उपचार गरी चाडैं अस्पताल सम्म पुर्‍याउन सहभागी प्रशिक्षार्थीहरुलाई निर्देशन समेत दिनुभयो । समापन कार्यक्रममा तालिम संयोजक प्रहरी नायव उपरीक्षक सुवास भट्टराईले तालिम सम्बन्धी प्रतिबेदन पेश गर्नु भएको थियो । उक्त तालिममा कोशी प्रदेश अन्तरगत रहेका बिभिन्न प्रहरी कार्यालयहरुमा कार्यरत जुनियर प्रहरी अधिकृत देखि प्रहरी जवान सम्मका ३० जना प्रहरी कर्मचारीहरुको सहभागिता रहेको थियो ।