लागूऔषध ब्राउनसुगर सहित ६ जना पक्राउ ।
२०८१-११-१७
- A
- A-
- A+
झापा, मोरङ,उदयपुरको विभिन्न स्थानहरुबाट लागूऔषध ब्राउनसुगर सहित ६ जनालाई प्रहरीले पक्राउ गरेको छ । फागुन १६ गते राती प्रहरी चौकी महेशपुरबाट खटिएको प्रहरी टोलिले झापा भद्रपुर नगरपालिका-३ स्थितबाट चेकजाँचको क्रममा भारतबाट नेपाल तर्फ आउँदै गरेको बा. ९० प १६७५ नम्बरको स्कुटरमा सवार सुनसरी रामधुनी नगरपालिका-३ का २७ हिरालाल बिश्वकर्मा र जिल्ला तनहुका २४ बर्षीय सुदिप बिश्वकर्माको साथबाट लागूऔषध ब्राउनसुगर २८९ ग्राम ७०० मिलिग्राम सहित पक्राउ गरेको छ । त्यसैगरी इलाका प्रहरी कार्यालय पथरीले पथरीशनिश्चरे-१० स्थितबाट बेलबारी नगरपालिका -२ का २१ बर्षीय बिशाल खड्का र १९ बर्षीय सौगात थापालाई प्रतिबन्धित औषधी ट्रमाडोल -१९० चक्की, स्पासमिड -१९० चक्की सहित पक्राउ गरेको छ । भने उदयपुरको त्रियुगा नगरपालिका-६ स्थितमा प्रहरी चौकी लालपत्ताबाट खटिएको प्रहरी टोलिले सोहि स्थानका २८ बर्षीय बिजय राई, २९ बर्षीय गोरब राई र २५ बर्षीय अबिनाश राईलाई डाईजेपाम-४ एम्पुल, प्रोमेथाजिङ -५ एम्पुल, बुप्रिनोर्फिन-६ एम्पुल सहित नियन्त्रणमा लिएको छ । पक्राउ परेका उनिहरुको थप अनुसन्धान भइरहेको छ ।