बोलेरो र मोटरसाईकल आपसमा ठक्कर लाग्दा मोटरसाईकल चालकको मृत्यु

२०८१-०८-१३

A
A^-
A⁺

झपाको शिवसताक्षी नगरपालिका-१ कमल पुल स्थित पुर्ब पश्चिम लोकमार्गमा बोलेरो र मोटरसाईकल आपसमा ठक्रकर लाग्दा मोटरसाईकल चालकको मृत्यु भएको छ । मंसिर १२ गते साँझ बिपरित दिशाबाट आउदै गरेको प्रदेश १-०१-००१ च ८२२१ नम्बरको बोलेरो र प्रदेश १-०१-००१ च ८२२१ नम्बरको मोटरसाईकल एक आपसमा ठक्कर लाग्दा मोटरसाईकल चालक शिवसताक्षी-८ का ४० बर्षीय ललित बहादुर थापा घाईते भई उपचारको क्रमममा बिएनसी अस्पताल बिर्तामोडमा मृत्यु भएको थियो । बोलेरो चालक मेचीनगर नगरपालीका-८ काकडभिट्टाका ३१ बर्षीय विशाल खवासलाई इलाका प्रहरी कार्यालय झिलझिलेले नियन्त्रणमा लिई आवश्यक कानूनी कारवाही तथा थप अनुसन्धान गरिरहेको छ ।

सम्बन्धित समाचार

प्रतिबन्धित औषधी सहित ३ जना पक्राउ

२०८१-०८-२८

सुनसरी जिल्लाको दुई छुट्टा छुट्टै स्थानबाट प्रतिबन्धित औषधी सहित ३ जनालाई प्रहरीले पक्राउ गरेको छ । मंसिर २७ गते राती इलाका प्रहरी कार्यालय देवानगंज र अस्थायी प्रहरी चौकी मध्यहर्षाहीबाट खटिएको प्रहरी टोलीले देवानगंज गाउँपालिका-१ स्थितबाट स्थानीय २१ बर्षीय अजय कुमार मण्डललाई Gpp नामक प्रतिबन्धित औषधी १५ हजार ट्याबेल्ट फेला पारी नियन्त्रणमा लिएको हो । त्यस्तै इलाका प्रहरी कार्यालय धरानको प्रहरी टोलीले औषधी ट्रामाडोल ६९ क्याप्सुल र स्पासरेष्ट ४८ ट्याब्लेट सहित ३५ बर्षीय निपेन श्रेष्ठ र २० बर्षीय देवराज धामीलाई धरान-८ बाट पक्राउ गरेको हो । पक्राउ परेका उनिहरुको सम्बन्धमा थप अनुसन्धान भईरहेको छ ।

स्रोत नखुलेको नगद सहित १ जना पक्राउ

२०८१-०८-२८

झापाको कमल गाँउपालिका-३ केर्खा चोकबाट स्रोत नखुलेको नगद सहित १ जनालाई प्रहरीले पक्राउ गरेको छ । मंसिर २७ गते दिउँसो प्रहरी चौकी केर्खाबाट चेकजाँचमा खटिएको प्रहरी टोलीले दमकबाट बिर्तामोड तर्फ जादै गरेको प्रदेश १-०२-००१ ख ९५३० नम्बरको यात्रुबाहक बसका यात्रु गौरादह नगरपालिका-५ का २५ बर्षीय मोहम्द नौसाद मियाको साथबाट स्रोत नखुलेको अमेरिकन डलर १०० दरका २९७ थान (२९ हजार ७ सय), भारतीय रुपैँया १ हजार ५ सय ९०, नेपाली रुपैँया १ सय ६५ र मोवाईल १ थान बरामद गरे सगै उनलाई पक्राउ गरेको हो । पक्राउ परेका उनको इलाका प्रहरी कार्यालय दमकबाट थप अनुसन्धान भईरहेको छ ।

वेबारीसे २ थान भरुवा बन्दुक बरामद

२०८१-०८-२८

धनकुटाको साँगुरीगढी गाउँपालिका-६ गढि जंगल स्थितबाट वेबारीसे २ थान भरुवा बन्दुक प्रहरीले बरामद गरेको छ । मंसिर २७ गते राती इलाका प्रहरी कार्यालय भेडेटार धनकुटाबाट खटिएको प्रहरी गस्ती टोलीले लोड गरी राखेको अवस्थामा वेबारिसे २ थान भरुवा बन्दुक फेला पारी बरामद गरेको हो । बरामद गरीएको वेबारीसे भरुवा बन्दुकको सम्बन्धमा थप अनुसन्धान भई रहेको छ ।

लागुऔषध सहित ७ जना पक्राउ

२०८१-०८-२७

झापा, मोरङ, पाँचथर र सुनसरीबाट लागुऔषध सहित ७ जनालाई प्रहरीले पक्राउ गरेको छ । मंसिर २५ राती झापाको भद्रपुर नगरपालिका-५ स्थितमा मेची पुल बिटबाट खटिएको प्रहरी टोलीले पैदल यात्री नुवाकोट बिदुर नगरपालिका-१० का २६ बर्षीय बिकाश घिमिरेलाई लागुऔषध ब्राउन सुगर १४ ग्राम १३० मिलिग्राम र चरेस १ ग्राम ५७० मिलिग्राम सहित नियन्त्रणमा लिएको हो । त्यसैगरी इलाका प्रहरी कार्यालय रानी र लागुऔषध नियन्त्रण ब्युरो बिराटनगरको प्रहरी टोलीले बिराटनगर-१५ बाट १ ग्राम ८ मिलिग्राम ब्राउन सुगर सहित सुन्दरहरैचा नगरपालिका-६ का १९ बर्षीय अरुण मण्डललाई पक्राउ गरेको हो । पाँचथरको फिदिम नगरपालिका-२ स्थितमा जिल्ला प्रहरी कार्यालय पाँचथरबाट खटिएको प्रहरी टोलीले १२० मिलिग्राम ब्राउन सुगर सहित फिदिमका ३५ बर्षीय चन्द्र तुम्बापो, १७ बर्षीय तिर्थ तुम्बापो, ३५ बर्षीय योगेश थाम्सुहाङ र ३० बर्षीय एल्बिस नेम्वाङलाई नियन्त्रणमा लिएको हो भने सुनसरी धरान-११ का २५ बर्षीय करण मगरलाई नियन्त्रित औषधी ट्रामाडोल ६० क्याप्सुल र स्पासपेन ४० ट्याब्लेट सहित अस्थायी प्रहरी पोष्ट जोरसखुवाको प्रहरी टोलीले पक्राउ गरेको छ । पक्राउ परेका उनिहरुको सम्बन्धमा थप अनुसन्धान भईरहेको छ ।

भरुवा बन्दुक सहित एक जना पक्राउ

२०८१-०८-२६

संखुवासभाको मकालु गाउँपालिका-२ का ३० बर्षीय लाक्पा शेर्पालाई भरुवा बन्दुक सहित प्रहरीले पक्राउ गरेको छ । मंसिर २५ गते राती साढे ९ बजे विशेष सुचनाको आधारमा प्रहरी चौकी मकालुबाट खटिएको प्रहरी टोलीले शेर्पाको घर खानतलासी गर्दा कोठाबाट लोड गरेको १ थान भरुवा बन्दुक र ५० ग्राम बारुद बरामद गरेको हो । भरुवा बन्दुक सहित पक्राउ परेका शेर्पाको जिल्ला प्रहरी कार्यालय संखुवासभावाट आवश्यक कानुनि कारवाही तथा थप अनुसन्धान भईरहेको छ ।

स्रोत नखुलेको रकम सहित एक महिला पक्राउ

२०८१-०८-२६

मोरङको रंगेली नगरपालिका-८ स्थितबाट स्रोत नखुलेको रकम सहित एक जना महिलालाई पक्राउ गरिएको छ । मंसिर २५ गते रंगेली नगरपालिका-८ दर्वेशा कि ६५ बर्षीया ज्योति देवी अग्रवालले घरमा अवैध रकम राखेको छ भन्ने बिशेष सुचनाको आधारमा इलाका प्रहरी कार्यालय रंगेलीबाट खटिएको प्रहरी टोलीले उनको घर कोठा खानतलासी गर्दा टिनको बाकसमा राखेको स्रोत नखुलेको १ हजार र ५०० दरका नेपाली रुपैंया ४७ लाख ४९ हजार बरामद गरेको हो । उक्त रकम वरामद भए संगै घर धनी अग्रवाल समेतलाई नियन्त्रणमा लिई आवश्यक थप अनुसन्धान भईरहेको छ ।