प्रतिबन्धित लागु औषध सहित ६ जना पक्राउ

२०८१-०६-१६

A
A^-
A⁺

प्रतिबन्धित लागु औषध सहित ६ जना पक्राउ

विराटनगर, असोज १६ गते ।

मोरङ, सुनसरी र उदयपुर जिल्लाको ३ छुट्टा छुट्टै स्थानहरुबाट प्रतिबन्धित लागु औषध सहित ६ जनालाई प्रहरीले पक्राउ गरेको छ । असोज १५ गते विराटनगर महानगरपालिका-१५ स्थितमा भारतबाट नेपाल तर्फ आउँदै गरेका मोरङ सुन्दर हरैँचा नगरपालिका-४ का २१ बर्षीय बिवेक ऋषिदेवलाई लागु औषध नियन्त्रण ब्युरो विराटनगरबाट खटिएको प्रहरीको टोलीले Nitrazepam Tablet -१०० चक्की सहित नियन्त्रणमा लिएको छ । यसैगरी प्रहरी चौकी लालपत्ता उदयपुरबाट चेकजाँचमा खटिएको प्रहरी टोलीले लहानबाट गाईघाट तर्फ आउँदै गरेको प्र.२-०३-००१ज ०११४ को विङगरलाई चेकजाँच गर्दा गाडीमा सवार त्रियुगा नगरपालिका-१० का २० बर्षीय संगम भुजेल र २२ बर्षीय संगम राईको साथबाट २७ एम्पुल प्रतिवन्धित लागुऔषध सहित नियन्त्रणमा लिएको छ । यसै गरी बिशेष सुचनाको आधारमा इलाका प्रहरी कार्यालय रामधुनिबाट खटिएको प्रहरी टोलीले रामधुनी-५ का २६ बर्षीय राज भुजेल, ईटहरी -१८ का २५ बर्षीय संदिप राई र बराहक्षेत्र -६ का २९ बर्षीय सन्देश राई समेतलाई स्पासरेस्ट-३०७ क्याप्सुल, ट्रामाडोल-३८ क्याप्सुल, डिकोलिक-१३ क्याप्सुल सहित नियन्त्रणमा लिएको हो । प्रतिबन्धित लागु औषध सहित पक्राउ परेका उनिहरुको सम्बन्धित कार्यालयहरुबाट थप अनुसन्धान भई रहेको छ ।

सम्बन्धित समाचार

तरकारी बेकेको बलेरो गाडीबाट लागूऔषध गाँजा बरामद

२०८२-०३-३१

उदयपुरको कटारी नगरपालिका-२ स्थित सिद्दिचरण लोकमार्गमा चेकजाँचको क्रममा प्रहरीले तरकारी बेकेको बलेरो गाडीबाट ४ सय ३६ किलो १ सय ४० ग्राम लागूऔषध गाँजा बरामद गरेको छ । असार ३० गते अपरान्ह कटारीबाट सिरहाको मिर्चैया तर्फ जाँदैगरेको को.१ज १२७५ नम्वरको तरकारी बोकेको बलेरो गाडीलाई संका लागी चेकजाँच गर्दा उक्त गाडीबाट १२ वटा बोरामा लुकाई छिपाई लैजादै गरेको ४ सय ३६ किलो १ सय ४० ग्राम गाँजा प्रहरीले बरामद गरेको हो । लागूऔषध गाँजा बरामद भएसंगै गाडी र चालक धनकुटा सहिदभुमी-२ का २९ बर्षीय तेज राईलाई नियन्त्रणमा लिई इलाका प्रहरी कार्यालय कटारीबाट थप अनुसन्धान तथा कानूनी कारवाही भईरहेको छ ।

लागू औषध ब्राउन सुगर सहित २ जना पक्राउ

२०८२-०३-३१

झापाको बिर्तामोड नगरपालिका-६ स्थितबाट लागू औषध ब्राउन सुगर सहित २ जनालाई प्रहरीले पक्राउ गरेको छ । असार ३० गते दिउँसो इलाका प्रहरी कार्यालय अनारमनीबाट खटिएको प्रहरी टोलीले चेकजाँचको क्रममा २ सय ६० मिलिग्राम ब्राउन सुगर सहित बिर्तामोड-३ का १९ बर्षीय लाडला मिया र २० बर्षीय ममताज मियालाई पक्राउ गरेको हो । पक्राउ परेका उनिहरुको थप अनुसन्धान भईरहेको छ ।

करेन्ट लागेर १ जनाको मृत्यु

२०८२-०३-३१

खोटाङको बारापोखरी गाउँपालिका-४ की २५ बर्षीया इन्द्रा राईको करेन्ट लागेर मृत्यु भएको छ । असार ३० गते बेलुका साढे ९ बजे मोबाईल चार्जबाट निकाल्ने क्रममा करेन्ट लाग्दा राईको घटनास्थलमानै मृत्यु भएको थियो । घटना सम्बन्धमा जिल्ला प्रहरी कार्यालय खोटाङले थप अनुसन्धान तथा कानुनी प्रकृया गरीरहेको छ ।

जंगली हात्तीको आक्रमणबाट महिलाको मृत्यु

२०८२-०३-३०

मोरङको बेलबारी नगरपालिका-८ स्थितमा जंगली हात्तीको आक्रमणबाट ४५ बर्षीया अमिना राजबंशीको मृत्यु भएको छ । असार २९ गते ०३:०० बजेको समयमा बेलबारी-८ स्थित घर नजिकै रहेको खेतमा पैनीबाट पानी लगाउन गएकि राजबंशीलाई अकास्मात जंगलबाट निस्केको हात्तीले आक्रमण गर्दा घाईते भएकी उनको उपचारकोको क्रममा न्युरो अस्पताल विराटनगरमा मृत्यु भएको थियो ।

लागू औषध ब्राउन सुगर सहित १ जना पक्राउ

२०८२-०३-३०

मोरङको बिराटनगर- १६ स्थितबाट लागू औषध ब्राउन सुगर सहित १ जनालाई प्रहरीले पक्राउ गरेको छ । असार २९ गते अपरान्ह लागू औषध नियन्त्रण व्यूरो विराटनगरबाट खटिएको प्रहरी टोलीले चेकजाँचको क्रममा सुन्दरहरैचा नगरपालिका-७ का २१ बर्षीय आविश उरावलाई ३ ग्राम १६ मिलिग्राम ब्राउन सुगर सहित नियन्त्रणमा लिएको छ । पक्राउ परेका उनको थप अनुसन्धान भईरहेको छ ।

टिपरको ठक्करबाट १ जनाको मृत्यु

२०८२-०३-३०

झापाको दमक नगरपालिका- ३ स्थितमा टिपरको ठक्करबाट १ जनाको मृत्यु भएको छ । असार २९ गते दिउँसो १२ बजे मे. १ ख २८८४ नम्बरको टिपरले मे. ११ प ५४५३ नम्बरको स्कुटरलाई ठक्कर दिई दुर्घटना हुदा स्कुटरको पछाडि सवार सोहि स्थानकी ५६ बर्षीया लक्ष्मी गौतमको घटना स्थलमा नै मृत्यु भएको हो । ठक्कर दिने टिपर चालक बिर्तामोड नगरपालिका-२ का ४६ बर्षीय तोयानाथ विश्वकर्मालाई इलाका प्रहरी कार्यालय दमकले नियन्त्रणमा लिएको छ भने घटना सम्वन्धमा थप अनुसन्धान भईरहेको छ ।