करेन्ट लागेर १ जनाको मृत्यु

२०८१-०२-०९

A
A^-
A⁺

मोरङको बेलबारी नगरपालिका-९ बैराखुनी स्थितमा करेन्ट लागेर ३७ बर्षीय अनिल शेर्पाको मृत्यु भएको छ । हिजो बिहान साढे ९ बजे घर नजिकै रहेको कुखुरा फर्ममा फेन जोड्ने क्रममा अचानक करेन्ट लागेर घाईते भएका उनको उपचारको क्रममा नोबेल अस्पताल बिराटनगरमा मृत्यु भएको भएको थियो भने घटना सम्बन्धमा इलाका प्रहरी कार्यालय बेलबारीले थप अनुसन्धान गरी रहेको छ ।

सम्बन्धित समाचार

प्रतिबन्धित लागूऔषध सहित १० जना पक्राउ ।

२०८१-१२-०८

मोरङ, झापा, सुनसरी र धनकुटाको विभिन्न स्थानहरुबाट प्रतिबन्धित लागूऔषध सहित प्रहरीले १० जनालाई पक्राउ गरेको छ । चैत्र ०७ गते प्रहरी चौकी चारआलीबाट खटिएको प्रहरी टोलिले झापा मेचीनगर नगरपालिका-१२ का २७ बर्षीय संजय ठटालको घरबाट ठटाल सहित अर्जुनधारा नगरपालिका-१० का २८ बर्षीय साईमन लिम्बु र १८ बर्षीय आशिस बिश्वकर्मालाई २ ग्राम २५० मिलिग्राम ब्राउनसुगर सहित पक्राउ गरेको छ । त्यसैगरी झापा भद्रपुर नगरपालिका-३ स्थितबाट प्रहरी चौकी महेशपुरको गस्ति टोलिले झापा कन्काई नगरपालिका-५ का २१ बर्षीय सुन्दर सिवालाई १९ ग्राम ३४० मिलिग्राम ब्राउनसुगर सहित पक्राउ गरेको छ । यसैगरी मोरङको उर्लाबारी नगरपालिका-३ स्थितबाट इलाका प्रहरी कार्यालय उर्लाबारीको प्रहरी टोलिले उर्लाबारी-६ का २० बर्षीय ईन्द्र मगर र ३० बर्षीय भबिन्द्र दर्जीलाई ट्रामाडोल-१९४, स्पास्पेन- १९४ ट्याब्लेट सहित पक्राउ गरेको छ भने मोरङ रतुवामाइ नगरपालिका-१ स्थितमा भारतबाट नेपाल तर्फ आउँदै गरेका उर्लाबारी-३ का २१ बर्षीय उज्वल थापालाई लागुऔषध ब्राउनसुगर ७ सय ६० मिलीग्राम र NITRAZEPAM-४ ट्याब्लेट सहित नियन्त्रणमा लिएको हो । यसका साथै धनकुटा शहिदभुमी गाँउपालिका-१ स्थितबाट प्रहरी चौकि त्रिवेणि धनकुटाको प्रहरी टोलिले स्थानीय ३१ बर्षीय हरिन्द्र राई, ४१ बर्षीय टिकाराम राई र ३२ बर्षीय नगेन्द्र राईलाई ब्राउनसुगर १ सय ५० मिलिग्राम सहित पक्राउ गरेको हो भने चैत्र ७ गते राती सुनसरीको इनरुवा नगरपालिका-९ स्थितमा जिल्ला प्रहरी कार्यालय सुनसरीबाट गस्तीमा खटिएको प्रहरी टोलिले वेवारिसे अवस्थामा रहेको लागू औषध गाँजा ५१ किलो ४ सय ८४ ग्राम गाँजा फेला पारेको हो ।

फागुन महिनाको सर्वोत्कृष्ट प्रहरी घोषित

२०८१-१२-०८

कोशी प्रदेश प्रहरी कार्यालय विराटनगरले अस्थायी प्रहरी पोष्ट जोरसखुवा धरान, सुनसरीमा कार्यरत प्रहरी हवल्दार हेमराज सुवेदीलाई फागुन “महिनाको सर्वोत्कृष्ट प्रहरी” (BEST POLICE OF THE MONTH घोषित गरेको छ । विभागीय मूल्य-मान्यता, आदेश-निर्देशनको पालना गरी उच्च मनोबल र साहसका साथ आफ्नो कर्तव्य निर्वाह गर्ने क्रममा प्रहरी हवल्दार हेमराज सुवेदीले फागुन २२ गते धरान उप-महानगरपालिका-२० स्थित जंगलमा चेक जाँचको क्रममा भारी बेकेका भरियाहरु संकास्पद अववस्थामा आउदै गरेको देखी रोक्न खोज्दा भरियाहरु भारी छोडी जंगल तर्फ भाग्ने क्रममा ३ राउण्ड हवाई फायर गरी २२५ किलोग्राम लागु औषध गाँजा सहित मानिस नियन्त्रणमा लिएको साथै धरानको बिभिन्न स्थानबाट लागू औषध सहित मानिसहरु पक्राउ गर्न सफल भएको, यसै गरी फरार अभियुक्त पक्राउ गर्नुका साथै शान्ति सुरक्षा तथा सु-व्यवस्था कायम गर्न अहम भूमिका निर्वाह गरेको हुँदा निज प्रहरी हवल्दारबाट सम्पादित कार्यको उच्च मूल्याङ्कन गर्दै २०८१ साल फागुन “महिनाको सर्वोत्कृष्ट प्रहरी” (BEST POLICE OF THE MONTH) घोषित गरेको हो ।

प्रतिबन्धित लागू पदार्थ सहित ४ जना पक्राउ ।

२०८१-१२-०७

मोरङ र सुनसरीको विभिन्न स्थानहरुबाट प्रतिबन्धित लागू पदार्थ सहित ४ जनालाई प्रहरीले पक्राउ गरेको छ । चैत्र ०६ गते कोशी प्रदेश प्रहरी कार्यालयको प्रादेशिक अनुसन्धान समूह र इलाका प्रहरी कार्यालय बेलबारी मोरङको संयुक्त टोलीले बेलबारी नगरपालिका-४ का ४३ बर्षीय पर्शुराम दर्जी र उनकै घरमा भाडामा बस्ने ३० बर्षीय सुशिल मोतेलाई घरबाटै लागूऔषध बिक्रिवितरण गरीरहेको अवस्थामा १७ ग्राम ८८ मिलिग्राम ब्राउन सुगर र ६१ हजार ६ सय ४० रुपैया सहित नियन्त्रणमा लिएको हो । त्यसैगरी लागू औषध नियन्त्रण ब्यूरो बिराटनगरबाट खटिएको प्रहरी टोलिले बिराटनगर महानगरपालिका-१६ स्थितबाट मोरङ सुन्दरहरैचा नगरपालिका-५ का २४ बर्षीय नेत्र बहादुर खनालको साथबाट विभिन्न प्रकारका प्रतिबन्धित औषधी ६० एम्पुल सहित पक्राउ गरेको हो । त्यसैगरी अस्थाई प्रहरी बिट बुढीखोलाबाट खटिएको प्रहरी टोलिले सुनसरी ईटहरी उप-महानगरपालिका-४ स्थितबाट इटहरी-१० का २५ बर्षीय सविन श्रेष्ठलाई ट्रमाडोल १ सय ९० ट्यावलेट सहित पक्राउ गरेको छ । प्रतिबन्धित लागू पदार्थ सहित पक्राउ परेका उनिहरुको सम्बनधमा थप अनुशन्धान भईरहेको छ ।

आगोलागीबाट १९ वटा घर जली नष्ट १ जना नाबालिकाको मृत्यू

२०८१-१२-०६

मोरङ धनपालथान गाउँपालिका-७ का अमित मियाँको घरमा बिधुत सर्ट भई आगलागि हुँदा घर भित्र रहेकी उनको ४ बर्षीया छोरी रेस्मा खातुनको जलेर मृत्यू भएको छ । चैत्र ०५ गते दिउँसो साढे १२ बजे विधुत सर्टभई घरमा आगलागी भन्ने जानकारी प्राप्त हुनासाथ तत्काल उद्धारका लागी मोरङ जिल्लाका प्रमुख जिल्ला अधिकारी इन्द्र देव यादव तथा जिल्ला प्रहरी कार्यालय मोरङका प्रहरी उपरीक्षक नारायण प्रसाद चिमरिया सहितको प्रहरी टोली खटी स्थानियबासी र ५ वटा दमकलको सहयोगमा पौने २ बजे आगो नियन्त्रण गरेको थियो । आगलागीबाट नजिकमा रहेका १३ घर परिवारको फुसको १६ वटा घर, भान्सा घर ३ र गोठ २ वटा जली नष्ट भएको थियो । यसैगरी दिउँसो पौने ३ बजे उदयपुर चौदण्डीगढी नगरपालिका-७ का शरण कुमार राईको घरमा बिधुत सट भई आगलागी हुदाँ नजिकमा रहेको सर्वधन राई र कालुमान राईको घर समेतमा आगलागो फैलिई पुर्णरुपमा जली नष्ट भएको, सोही घर नजिक रहेको ४ वटा घर आंसिक क्षेति हुँदा करिव १ करोड २२ लाख बराबरको क्षति भएको छ । उक्त आगो इलाका प्रहरी कार्यालय बेल्टारबाट खटिएको प्रहरी टोलीले स्थानियबासी र ३ वटा दमकलको सहयोगमा साँझ ५ बजे पुर्णरुपमा नियन्त्रणमा लिएको थियो । अधिकांस आगलागीका घटनाहरु मानवीय त्रुटीका कारणबाट नै हुने गर्दछन, जसको रोकथाम तथा न्यूनिकरण गर्न हामी सवै सचेत हुन जरुरी रहेको छ । आफ्ना बालबालिकाहरुलाई जथाभावी सलाई, लाईटर खेलाउन नदिने, खाना पकाई सकेपछि आगो राम्ररी निभाउने, ग्याँस सिलिण्डरको प्रयोगमा सावधानी अपनाउने, चुरोट विँढीको ठुटो जथाभावी नफाल्ने, वन जंगलमा आगो लगाउँदा घाँस छिटो आउँछ भन्ने अभिप्रायले डढेलो नलगाउने, बन भोज पछि होसियारी पूर्वक आगो निभाउने, घरमा बिद्युत सट हुन नदिन गुणस्तरिय सामग्री प्रयोग गरी वाईरिङ गर्ने, गाईगोठमा मच्छड धपाउन आगो नवाल्ने, आगो लगायत प्रज्वलनशिल पदार्थको प्रयोगमा सावधानी अपनाउने हो भने गाउँ बस्ती र शहरहरुमा हुने आगलागीको घटनाबाट सुरक्षित रहन सकिन्छ ।

प्रतिबन्धित लागू औषध सहित ३ जना पक्राउ

२०८१-१२-०६

झापा र धनकुटाको विभिन्न स्थानहरुबाट प्रतिबन्धित लागू औषध सहित ३ जनालाई प्रहरीले पक्राउ गरेको छ । चैत्र ०५ गते झापा मेचिनगर नगरपालिका-६ स्थितमा लागुऔषध नियन्त्रण ब्यूरो काँकरभिट्टाबाट खटिएको प्रहरी टोलिले चेकजाँचको क्रममा मोरङ कानेपोखरी गाउँपालिका-६ का २४ बर्षीय अबिन्द्र लिम्बु लाई १ ग्राम ४६० मिलिग्राम लागू औषध खैरो हिरोईन सहित पक्राउ गरेको छ । त्यसैगरी जिल्ला प्रहरी कार्यालय धनकुटाबाट खटिएको प्रहरी टोलिले लागु औषधको कारोबार भईरहेको भन्ने बिशेष सुचनाको आधारमा धनकुटा नगरपालिका-७ जिरोप्वाईन्ट स्थितबाट २१ बर्षीय रविन राई र १८ बर्षीय रोशन मल्लिक लाई प्रतिबन्धित औषधी ट्रामोल-२ सय ५ क्याप्सुल, स्पास्मो-१ सय २५ चक्की र डिकोलिक-५९ चक्कि सहित नियन्त्रणमा लिएको हो । प्रतिबन्धित लागू औषध सहित पक्राउ परेका उनिहरुको सम्बन्धमा थप अनुसन्धान भईरहको छ

प्रतिबन्धित लागूऔषध सहित १० जना पक्राउ ।

२०८१-१२-०५

मोरङ, सुनसरी र झापाका विभिन्न स्थानहरुबाट प्रतिवन्धित लागूऔषध सहित १० जनालाई प्रहरीले पक्राउ गरेको छ । विराटनगर महानगरपालिका-१५ स्थितबाट चैत्र ०४ गते लागू औषध नियन्त्रण व्यूरो विराटनगरबाट खटिएको प्रहरी टोलिले चेकजाँचको क्रममा मोरङ सुन्दर हरैचा-६ का २४ बर्षीय निश्‍चल तामाङ र २३ बर्षीय गोबिन्द नेपालीको साथबाट खैरो हिरोईन १ ग्राम ३१ मिलिग्राम, बेलबारी-३ का २९ बर्षीय ऐलिन भुजेललाई ३ ग्राम ५२ मिलिग्राम ब्राउन सुगर, सुनसरी इटहरी उप-महानगरपालिका-३ का ३८ बर्षीय कर्ण बहादुर राईलाई निषेधित औषधी २८ एम्पुल, बर्ष २१ को राकेश मल्लिक र सुनसरी बराहा क्षेत्र-८ का २२ बर्षीय शमिर धामीलाई नाईट्राभेट १०५ चक्की, निषेधित औषधी २८ एम्पुल सहित पक्राउ गरेको छ । त्यसैगरी अस्थायी प्रहरी पोष्ट टाँडीबाट खटिएको प्रहरी टोलिले चेकजाँचको क्रममा मोरङ मिक्लाजुङ गाउँपालिका-३ का ४६ बर्षीय कर्ण बहादुर श्रेष्ठलाई ८५ मिलिग्राम ब्राउन सुगर सहित र इलाका प्रहरी कार्यालय धरानले धरान-११ का ३६ बर्षीय बिनोद राईलाई प्रतिबन्धित औषधी ट्रामाडोल-२१० क्याप्सुल, स्पासपेन- २१०चक्की सहति पक्राउ गरेको छ । झापा मेचीनगर नगरपालिका-६ स्थितमा लागु औषध नियन्त्रण ब्यूरो काँकरभिट्टाबाट खटिएको प्रहरी टोलिलेचेकजाँचको क्रममा झापा गौरादह-९ का ३६ बर्षीय दिलिप कुमार गिरी र २५ बर्षीय सुरज राईलाई १ ग्राम ८४० मिलिग्रमा ब्राउन सुगर सहित नियन्त्रणमा लिएको छ । पक्राउ परेका उनिहरुको थप अनुसन्धान भईरहेको छ ।