लागुऔषध सहित ३ जना पक्राउ
२०८०-१२-२१
- A
- A-
- A+
मोरङ र उदयपुरबाट लागुऔषध सहित ३ जनालाई पक्राउ गरिएको छ । हिजो बेलुका मोरङको विराटनगर महानगरपालिका १५ स्थितबाट इलाका प्रहरी कार्यालय रानी र लागु औषध नियन्त्रण व्युरो विराटनगरबाट खटिएको प्रहरी टोलीले भारत अररिया ठगपुराका २६ बर्षीय मनोज ऋषिदेवलाई १७.२३ ग्राम ब्राउन सुगर र झापाको दमक नगरपालिका-१ का २३ बर्षीय उज्वल गजमेरलाई निषेधित औषधी ४० एम्पुल सहित पक्राउ गरेको हो ।
यसैगरी राती साँढे १० बजे उदयपुरको त्रियुगा नगरपालिका लालपत्ता स्थितमा प्रहरी चौकी लालपत्ताबाट खटिएको प्रहरी टोलीले त्रियुगा नगरपालिका-६ का २३ बर्षीय मो. सकिर अलीलाई निषेधित औषधी ४२ एम्पुल सहित पक्राउ गरेको छ । लागुऔषध सहित पक्राउ परेका उनिहरुको थप अनुसन्धान भईरहेको छ ।