कोशी प्रदेश प्रहरी कार्यालय बिराटनगर प्रादेशिक अनुसन्धान समूह (PIT) बाट खटिएको प्रहरी टोलीले लागुऔषध मुद्धाका एक जना फरार प्रतिवादीलाई पक्राउ गरेको छ । लागुऔषध मुद्धामा सम्मानित मोरङ जिल्ला अदालतको मिति २०७९।०९।२४ गतेको सजाय निर्धारण फैसला आदेशले ९ महिना २७ दिन कैद बेरुजु रही फरार रहेका साविक जिल्ला धनकुटा महाभारत गा.वि.स. घर भई हाल सुनसरीको धरान उप-महानगरपालिका- १६ स्थित बस्दै आएका ३० बर्षीय कान्छा भन्ने मनोज राईलाई खोजतलास गर्ने क्रममा गाउँघरमा नै लुकिछिपी बसेको अवस्थामा फेला पारी पक्राउ गरेको हो । पक्राउ परेका उनलाई सम्मानित मोरङ जिल्ला अदालत उपस्थित गराईएकोमा तोकिएको कैद भक्तानको लागि जिल्ला कारगार मोरङ पठाईएको छ ।