प्रहरी कन्ट्रोल : १००, टोल फ्री नं.: १६६००१४१५१६
नेपा
EN

फरार प्रतिवादीहरु पक्राउ

२०८०-०८-१८

  • A
  • A-
  • A+
Share

झापा, मोरङ, उदयपुर र सोलुखुम्बु जिल्लाको छुट्टा छुट्टै स्थानबाट बिभिन्न मुद्धाका १४ जना फरार प्रतिवादीहरुलाई प्रहरीले पक्राउ गरेको छ । फरार प्रतिबादीहरुको खोजी तथा पक्राउ अभियान अन्तर्गत पशुपंक्षी मुद्धामा सम्मानित जिल्ला  अदालत झापाको मिति २०७८।०९।२२ गतेको फैसलाले ३ महिना २५ दिन कैद भई फरार दमक- ३ का २७ बर्षीय शुनिल गुरुङ र चोरी मुद्धा मिति २०८०।०२।०९ गतेको फैसलाले ५ महिना ३ दिन कैद तोकिएको दमक- १ का २४ बर्षीय दिनेश विश्वकर्मालाई ईलाका प्रहरी कार्यालय दमकबाट खटिएको प्रहरी टोलीले पक्राउ गरेको । त्यस्तै मोरङ जिल्ला अदालतको बिभिन्न मितिको फैसलाले लागुऔषध मुद्धामा केरावारी- ७ का सुजन राना मगरको ३ सय ७५ रुपैया जरिवाना, रुपेश तामाङ ३ महिना ९ दिन, करण मगर १७ दिन, बिपन लिम्बु ५ हजार जरिवाना तथा ३ महिना २१ दिन कैद, विनोद भन्ने नगेन्द्र लिम्बु २ सय जरिवाना, विना इजाजत बन पैदवार मुद्धाका टेक बहादुर श्रेष्ठ २९ हजार १ सय ५०, रोवीन कुमार घिमिरे ९ हजार २ सय ८५, मेख बहादुर तामाङ २५ सय जरिवाना र आसय करणी मुद्धामा गोपाल मगर ५ हजार जरिवाना रुपैया भई फरार रहेका उनिहरुलाई ईलाका प्रहरी कार्यालय केराबारीबाट खटिएको प्रहरी टोलीले पक्राउ गरेको हो । त्यसैगरी वन मुद्धामा सम्मानित जिल्ला अदाल उदयपुरको मिति २०७०।०५।१९ गतेको फैसालाले ७५ सय जरिवाना भएको फरार त्रियुगा- १ का काशिलाल चौधरी रगाली बेईज्जत मुद्धामा मिति २०७९।०३।०९ गतेको  फैसालाले १ सय ५० जरिवाना भएको उर्मीला घिमिरेलाई प्रहरी चौकी जोगिदहबाट खटिएको प्रहरी टोलीले पक्राउ गरेको हो भने यौन दुर्ब्यवहार मुद्धामा ५ दिन कैद र १० हजार जरिवाना भएको फरार प्रतिवादी नेचासल्यान गाउँपालिका- ५ का ५८ बर्षीय तुलाधन भन्ने ईन्द्र कुमार राईलाई जिल्ला प्रहरी कार्यालय सोलुखुम्बुबाट खटिएको प्रहरी टोलीले पक्राउ गरेको हो । पक्राउ परेका उनिहरुलाई तोकिएको कैद तथा जरिवाना भुक्तानको लागि सम्बन्धीत जिल्ला अदालतमा बुझाएको प्रहरीले जनाएको छ ।

सम्बन्धित समाचार
सवारी दुर्घटनाबाट २ जनाको मृत्यु
२०८१-०४-०२

झापा र खोटाङको छुट्टा छुट्टै स्थानहरुमा सवारी दुर्घटना हुँदा २ जनाको मृत्यु भएको छ । हिजो दिउँसो खोटाङको साकेला गाउँपालिका-१ स्थितमा भोजपुरबाट दिक्तेल तर्फ जाँदै गरेको प्रदेश २-०१-००१ त २०१५ नम्बरको ट्रयाक्टर अनियन्त्रित दुर्घटना हुँदा ट्याक्टर चालक स्थानिय २१ बर्षीय जिवन देउजाको घटनास्थलमानै मृत्यु भएको हो । यसैगरी झापाको गौरादह नगरपालिका-१ स्थितमा दुई वटा मोटरसाईकल आपसमा ठक्कर लागि दुर्घटना हुँदा घाईते भएका बा. ७० प १८१ नम्बरको मोटरसाईकल चालक गौरादह-१ का २४ बर्षीय सन्जोक भण्डारीको उपचारको क्रममा निम्स अस्पताल दमकमा मृत्यु भएको हो भने मे.६ प ५८१ नम्बरको मोटरसाईकल चालक सोही स्थानका २८ बर्षीय दुर्गा ताजपुरीयाको बिर्तासिटि अस्पताल बिर्तामोडमा उपचार भई रहेको छ । घटना सम्वन्धमा सम्वन्धित प्रहरी कार्यालयबाट कानुनि कार्वाही तथा आवश्यक अनुसन्धान भईरहेको छ ।

कुटपिटबाट बालकको मृत्यु
२०८१-०४-०२

सुनसरीको बराहक्षेत्र नगरपालिका-३ का ४५ बर्षीय विर बहादुर बिश्वकर्माले कुटपिट गर्दा ६ बर्षीय बालकको मृत्यु भएको आरोपमा प्रहरीले पक्राउ गरेको छ । मृत्यु हुनेमा बराहक्षेत्र-३ का बिक्रम बि.क.को ६ बर्षीय छोरा अबि बि.क. रहेका छन । हिजो दिउँसो मादक पदार्थ सेवन गरेका बिर बहादुर बि.क.ले बालकले कानमा लगाएको सुनको मुन्द्री तान्ने क्रममा बालकले इन्कार गरे पश्चात बालकलाई शरिरको बिभिन्न भागमा कुटपिट गरी घाईते बनाएका थिए । घाईते बालकको बिपि कोईला स्वास्थ्य बिज्ञान प्रतिष्ठान धरान घोपामा उपचारको क्रममा मृत्यु भएको हो ।  पक्राउ परेका बि.क.को इलाका प्रहरी कार्यालय महेन्द्रनगरबाट आवश्यक अनुसन्धान तथा कानुनि कारवाही भईरहेको  छ ।

पहिरोले पुरिएर २ जनाको मृत्यु १ जना घाईते ।
२०८१-०४-०१

संखुवासभाको सिलिचोङ गाउँपालिका-१ बिलुवा दोभान स्थितमा पहिरोले पुरिएर एकाघरका २ जनाको मृत्यु र १ जना घाईते भएका छन् । आज बिहान ५ बजे मोतीमाया राईको टाटी बेरा भएको  घरमा ढुंगासंगै झरेको पहिरो खस्दा घर भित्र रहेका ६ जना मध्ये घर धनि ५५ बर्षीया मोतीमाया राई र बुहारी २७ बर्षीया समिक्षा राईको घटनास्थलमानै मृत्यु भएको छ भने छोरी २७ बर्षीया रबिना राई घाईते भएकी छन् । घाईते रबिनालाई थप उपचारको लागी नेपाली सेनाको हेलीकप्टरद्धारा उद्धार गरी सशस्त्र प्रहरी बल अस्पताल बलम्बु काठमाण्डौ लगिएको छ ।   अन्य घरका सदस्य ज्वाई नाताका ३३ बर्षीय मनि कुमार राई, नाती १२ बर्षीय अमिर राई र नतिनी ४ बर्षीया समृद्धी राईलाई सकुशल उद्धार गरिएको छ ।घटनास्थलमा प्रहरी चौकी सिसुवाटार र जिल्ला प्रहरी कार्यालय समखुवासभाबाट प्रहरी निरीक्षकको कमाण्डमा प्रहरी टोली खटि गई उद्धार कार्य भईरहेको  छ । घटनास्थल सदरमुकामबाट ५ घण्टा पश्चिम उत्तर पैदल दुरीमा रहेको छ ।