झापा, खोटाङ र उदयपुर जिल्लाको छुट्टाछुट्टै स्थानबाट बिभिन्न मुद्धाका छ जना फरार प्रतिवादीहरुलाई प्रहरीले पक्राउ गरेको छ । कोशी प्रदेश प्रहरी कार्यालय बिराटनगरको सुरक्षा सुनिश्चितता अभियान २०८० अन्तरगत फैसला कार्यान्वयनको लागि परिचालन भएको प्रहरी टोलीले खोजतलासको क्रममा बैंकिङ कसुर मुद्धामा सम्मानित उच्च अदालत बिराटनगर इलाम ईजलासको  मिति २०७९।०२।३१ गतेको फैसला आदेशले  ५ दिन कैद सजाय तोकिई फरार रहेका मेचिनगर नगरपालिका-१० झापाका ३७ बर्षीय जुनु तिम्सीना, बैङकिङ कसुर मुद्धामा उच्च अदालत ईलामको मिति २०७९।०५।०४ गतेको फैसला आदेशले नगद ७ लाख ५० हजार रुपैया जरिवाना भई फरार रहेका बिर्तामोड नगरपालिका-२ का ३१ बर्षीय शम्शेर कङ्दङ्वालाई जिल्ला प्रहरी कार्यालय झापाले पक्राउ गरेको छ । यसैगरी ईलाका प्रहरी कार्यालय खोटाङबजार र प्रहरी चौकी वाप्लुखाबाट खटिएको प्रहरी टोलीले बालयौन दुरुपयोग मुद्धामा सम्मानित जिल्ला अदालत खोटाङको मिति २०७९।०९।१२ गतेको फैसला अनुसार २ महिना ९ दिन कैद र नगद २ हजार ५ सय रुपैँया जरिवाना तोकिई फरार रहेका खोटेहाङ गाउँपालिका-७ का २६ बर्षीय भुवन कुमार प्रधान र अपराधिक उपद्रव मुद्धामा सम्मानित जिल्ला अदालत खोटाङको मिति २०७७।०९।२४ गतेको फैसलाले १ बर्ष ११ महिना ७ दिन कैद र नगद २० हजार रुपैया जरिवाना तोकिई फरार रहेका खोटेहाङ-२ की ३९ बर्षीया दिल कुमारी राईलाई पक्राउ गरेको छ ।

सम्मानित उदयपुर जिल्ला अदालतको मिति २०७३।१२।०५ गतेको फैसलाले नगद ५ सय जरिवाना तोकिएका बेलका-१ का ५४ बर्षीय सहदेब चौधरी, जिल्ला अदालत उदयपुरबाट सार्वजनिक अपराध मुद्धामा नगद २ हजार रुपैँया जरिवाना तोकिई फरार रहेका चौदण्डिगढी-४ का ५० बर्षीय मदन राईलाई इलाका प्रहरी कार्यालय बेलटारले पक्राउ गरेको छ ।