लागू औषध सहित ११ जना पक्राउ

२०८३-०६-२१

A
A^-
A⁺

झापा,मोरङ, सुनसरी, धनकुटा, उदयपुर,भोजपुर र ताप्लेजुङ जिल्लाको विभिन्न स्थानहरुबाट लागू औषध सहित ११ जनालाई पक्राउ गरिएको छ। असोज २० गते झापाको इलाका प्रहरी कार्यालय धुलाबारीले मेचीनगर नगरपालिका-१० का अभिषेक चौधरीलाई ५ग्राम १३० मिलिग्राम ब्राउन सुगर सहित, मोरङको लागू औषध नियन्त्रण ब्युरो विराटनगर र इलाका प्रहरी कार्यालय रानीले केराबारी नगरपालिका-९ का नविन राई र केराबारी-१ का मणिराज गुरुङलाई ४ ग्राम ५८० मिलिग्राम ब्राउन सुगर सहित पक्राउ गरेको छ । यसै गरी जिल्ला प्रहरी कार्यालय ताप्लेजुङले फुङलिङ नगरपालिका-५ का रोहित श्रेष्ठलाई २ ग्राम ८९० मिलिग्राम ब्राउन सुगर सहित पक्राउ गरेको छ ।

चेकजाँचकै क्रममा सुनसरीको इलाका प्रहरी कार्यालय धरानले धरान उप-महानगरपालिका-१७ का राजन राई र इच्छा परियारलाई १७० मिलिग्राम ब्राउन सुगर सहित र प्रदेशीक अनुसन्धान समुह, विराटनगरले धरान- ४ का अर्जुन श्रेष्ठ, धरान-७ का दिपक मगर र धरान-१५ का बाबुराम बयलकोटीलाई ट्रामोल ८०० क्याप्सुल र डिकोलिक ८०० ट्रयाब्लेट सहित र उदयपुरको इलाका प्रहरी कार्यालय ठोक्सिल्लाले बेलका नगरपालिका-४ का सबिन राईलाई ट्रामाडो-९०० क्याप्सुल सहित पक्राउ गरेको छ । र भोजपुरको इलाका प्रहरी कार्यालय घोडेटारले आमचोक नगरपालिका ७का १९ वर्षिय एकराज मगरलाई २ सय ४४ किलो ७७० ग्राम गाँजा सहित पक्राउ गरेको छ।

सम्बन्धित समाचार

लागू औषध गाँजा बरामद

२०८३-०६-२१

भोजपुर, धनकुटा र मोरङबाट ८ सय ५ किलो ८२९ ग्राम लागू औषध गाँजा प्रहरीले बरामद गरेको छ । असोज २० गते जिल्ला प्रहरी कार्यालय भोजपुर र इलाका प्रहरी कार्यालय घोडेटारबाट खटिएको प्रहरी गस्ती टोलीले हतुवागढी गाउँपालिका-९ स्थित धिरिङ खोला छेउबाट ६ वटा प्लास्टिको बोरामा प्याक गरी राखेको २ सय ४४ किलो ७७९ ग्राम गाँजा सहित आमचोक गाउँपालिका-७ का एकराज मगरलाई नियन्त्रणमा लिएको छ । सोही दिन धनकुटाको इलाका प्रहरी कार्यालय भेडेटारबाट खटिएको प्रहरी टोलीले साँगुरीगढी गाँउपालिका-६ स्थित भित्रि सडक खण्डमा दुर्घटना भएको बा. १३ च ६२७५ नम्बरको स्कर्पियो गाडीमा बोरामा प्याक गरी राखेको अवस्थामा ३ सय ४१ किलोग्राम गाँजा बरामद गरेको छ भने संलग्न व्यक्तिको खोजी कार्य भईहरको छ । यसै गरी मोरङको जहदा गाउँपालिका-१ स्थित धान खेतमा बेवारिसे अवस्थामा रहेको २ सय २० किलो ५० ग्राम गाँजा प्रहरीले बरामद गरेको छ ।

जिल्ला प्रहरी कार्यालय धनकुटाको निरीक्षण भ्रमण

२०८३-०६-२१

कोशी प्रदेश प्रहरी कार्यालय विराटनगरका प्रमुख प्रहरी नायव महानिरीक्षक शेखर खनालले असोज २१ गते जिल्ला प्रहरी कार्यालय धनकुटाको निरीक्षण भ्रमण गर्नु भएको छ । निरीक्षण भ्रमणको क्रममा उहाँले कार्यालय भवन, सम्पुर्ण शाखाहरु लगायत हिरासत कक्षको निरीक्षण गर्नुका साथै कार्यरत प्रहरी कर्मचारीहरुलाई आवश्यक निर्देशन दिनुभएको छ । आम नागरिकलाई प्रहरी सेवा सहज, सरल, पहुँचयोग्य र प्रभावकारी रूपमा उपलब्ध गराउन विशेष ध्यान दिन तथा नागरिकका समस्या, पीरमर्का र गुनासाहरूको तत्काल सुनुवाइ गर्दै प्रहरी र नागरिकबीचको सम्बन्धलाई अझ सुदृढ बनाउन, नियमित प्रहरी गस्ती परिचालन गर्न तथा समुदायसँग निरन्तर समन्वय र सहकार्य गर्दै नागरिकमा सचेतना अभिबृद्धि गर्न निर्देशन दिनु भएको छ । यसै गरी धनकुटाको डाँडा पाखामा आफै उम्रिएका तथा लगाईएका गाँजाको बोटबिरुवाहरु फडानी गरी नष्ट गर्न सक्रियरुपमा प्रहरी परिचालन गर्न साथै लागू औषधको प्रयोग र ओसार पसारलाई निरुत्साहित गर्न सम्पूर्ण प्रहरी कर्मचारीहरुले आफ्नो जिम्मेवारीप्रति थप उत्तरदायी भएर काम गर्न निर्देशन दिनुभयो । नजिकिँदै गरेको चाडपर्वलाई लक्षित गर्दै जिल्लाको शान्ति सुरक्षा व्यवस्थालाई थप मजबुत बनाउन आवश्यकताअनुसार प्रहरी जनशक्ति परिचालन गर्न, मुख्य बजार, बसपार्क, सार्वजनिक स्थल तथा बढी भीडभाड हुने क्षेत्रमा प्रहरीको उपस्थिति बढाउन निर्देशन दिनुभएको छ । यसै गरी यात्रुलाई सुरक्षित, सहज र व्यवस्थित रूपमा गन्तव्यसम्म पुग्ने वातावरण निर्माण गर्न बसपार्क तथा यात्रुहरुको बढी भिड हुने स्थानमा यात्रु सहायता कक्ष सञ्चालन गर्न, सवारी साधनको नियमित अनुगमन गर्न तथा सम्भावित दुर्घटना र आपराधिक गतिविधि नियन्त्रणका लागि प्रभावकारी सुरक्षा योजना बनाई कार्यान्वयन गर्न निर्देशन दिनुभएको छ ।

बिभिन्न मुद्दाका २२ जना फरार प्रतिवादीहरु पक्राउ

२०८३-०६-२१

विभिन्न मुद्दामा अदालतबाट दोषी ठहर भई फरार रहेका २२ जना प्रतिवादीहरुलाई प्रहरीले खोजतलासको क्रममा फेला पारी पक्राउ गरेको छ । अपराध नियन्त्रण गरी समाजमा शान्ति सुरक्षा व्यवस्था प्रभावकारी बनाउन तथा कानून कार्यान्वयन गर्दै आम नागरिकमा प्रभावकारी प्रहरी सेवा प्रदान गर्न परिचालन भएको प्रहरी टोलीले खोजतलासको क्रममा असोज २० गते मोरङबाट १७ जना, झापाबाट २ जना र धनकुटाबाट २ जनालाई पक्राउ गरेको हो । पक्राउ परेकाहरुबाट ५ वर्ष ७ महिना २ दिन कैद सजाय र १ लाख ५७ हजार ४ सय रुपैँया जरिवाना वापतको रकम असुल उपर भएको छ भने उनीहरुलाई कैद भुक्तानको लागी कारागार पठाईएको छ ।

भन्सार छलीका अवैध सामग्री बरामद

२०८३-०६-२१

झापा, मोरङ र सुनसरी जिल्लाका विभिन्न स्थानमा प्रहरीले चेकजाँचको क्रममा भन्सारछली गरी अवैधरुपमा लुकाई छिपाई ल्याउदै गरेको करिव ९ लाख ३ हजार ४७० रुपैया बरावरको बिभिन्न प्रकारको सामग्रीहरु बरामद गरेको छ । असोज २० गते सुनसरीको इलाका प्रहरी कार्यालय धरानबाट खटिएको प्रहरी टोलीले चेकजाँचको क्रममा यात्रुवहाक बसमा भन्सार छली लुकाई छिपाई ल्याउदै गरेको करिव १ लाख ६२ हजार ६१० रुपैया मुल्य वरावरको रजनीगन्धा, चकलेट, नरिवल, काजु लगायतका बिभिन्न किसिमको खाध्यान्न सामग्री बरामद गरेको छ । यसै गरी जिल्ला प्रहरी कार्यालय मोरङले बुढीगंगा गाउँपालिका-५ स्थितबाट भन्सार छलीका कुर्था सुरुवाल, बच्चाको जामा, भेष्ट र मोजा सहित करिव ४ लाख ९ हजार ४६० रुपैया मुल्य बरावरको कपडा बरामद गरेको छ भने विराटनगर-९ स्थितबाट करिव २ लाख ७० हजार मुल्यबरावरको बिल बिजक नभएको सुपाडी ५४० किलोग्राम सुपारी बरामद गरेको छ । चेकजाँचकै क्रममा कोशी प्रदेश प्रहरी कार्यालय विराटनगरबाट (PIT) खटिएको प्रहरी टोलीले विराटनगर-६ स्थितबाट भन्सारछलीका करिव ५० हजार मुल्य बरावरको कुर्थासुरुवाल र झापाको इलाका प्रहरी कार्यालय शिवगंजले करिव ११ हजार ४ सय बरावरको खाद्यान्नका सामग्री बरामद गरेको छ ।

प्रहरी चौकी सिद्धपोखरी संखुवासभाको भवन उद्‍घाटन

२०८३-०६-२०

संखुवासभाको चैनपुर नगरपालिका-३ स्थितमा रहेको प्रहरी चौकी सिद्धपोखरीको नव निर्मित कार्यालय भवनको समुद्‍घाटन भएको छ । असोज २० गतेसज २ आयोजित कार्यक्रममा कोशी प्रदेश प्रहरी प्रमुख प्रहरी नायव महानिरीक्षक शेखर खनालको प्रमुख आतिथ्यतामा नव निर्मित प्रहरी चौकीको समुद्घाटन भएको हो । भवनको उद्घाटन तथा निरीक्षण पश्चात कार्यक्रमलाई सम्बोधनको क्रममा प्रदेश प्रहरी प्रमुख खनालले प्रहरीलाई भवन प्राप्त भए संगै यस क्षेत्रमा बसोवास गर्ने आम नागरिकहरुमा शान्ति सुरक्षा तथा अपराध नियन्त्रण कार्यमा प्रहरीले प्रदान गर्ने सेवा थप प्रभावकसारी र गुणस्तरीय हुनेमा सम्पूर्णमा विश्वस्त दिलाउनु भयो । उहाँले नव निर्मित संरचना नेपाल प्रहरीको मात्र नभई स्थानीय नागरिकको समेत साझा सम्पत्ति भएको हुँदा यसको उचित संरक्षण, सम्बर्द्धन सबैको साथ र सहयोगको आवश्यक रहेको वताउनु भयो । कार्यक्रममा प्रमुख अतिथि खनालले प्रहरी चौकीलाई जग्गा उपलव्ध गराउनु हुने जग्गा दाता स्थानिय सुदन खत्री, खड्ग बहादुर मगर र चन्द्र बहादुर न्यौपाने तथा भवन निर्माण कार्यमा सहयोग पुर्‍याउनु हुने महानुभावहरुलाई कदरपत्रद्वारा सम्मान गर्नु भएको थियो । नव निर्मित डेढ तल्ले सुबिधा सम्पन्न कार्यालय भवन नेपाल सरकारको नियमित बजेट २ करोड ३२ लाख ५२ हजार रुपैयाको लागतमा निर्माण सम्पन्न भएको थियो । कार्यक्रममा कोशी प्रदेश प्रहरी कार्यालय विराटनगरका प्रहरी उपरीक्षक सुमन कुमार तिम्सिना, प्रहरी उपरीक्षक ई. रोसन सारु, चैनपुर नगरपालिकाका उप-प्रमुख एलिना श्रेष्ठ, जिल्ला प्रहरी कार्यालय संखुवासभाका प्रमुख प्रहरी नायव उपरीक्षक कुमार प्रसाद मैनाली, सशस्त्र प्रहरी बल नेपाल नं.४ गुल्म हे.क्वा. अरुणका प्रमुख सशस्त्र प्रहरी नायव उपरीक्षक भवराज कटवाल, विभिन्न संघ संस्था, राजनैतिक दलका प्रतिनिधीहरु, पत्रकार, स्थानीयबासी तथा प्रहरी कर्मचारीहरुको उपस्थिति रहेको थियो ।

जिल्ला प्रहरी कार्यालय तेह्रथुमको निरीक्षण भ्रमण

२०८३-०६-२०

कोशी प्रदेश प्रहरी कार्यालय विराटनगरका प्रमुख प्रहरी नायव महानिरीक्षक शेखर खनालले असोज २० गते जिल्ला प्रहरी कार्यालय तेह्रथुमको निरीक्षण भ्रमण गर्नु भएको छ । निरीक्षण भ्रमणको क्रममा उहाँले कार्यालय भवन, सम्पुर्ण शाखाहरु लगायत हिरासत कक्षको निरीक्षण गर्नुका साथै कार्यरत प्रहरी कर्मचारीहरुलाई आवश्यक निर्देशन दिनुभएको छ । नजिकिँदै गरेको चाडपर्वलाई लक्षित गर्दै जिल्लाको शान्ति सुरक्षा व्यवस्थालाई थप मजबुत बनाउन आवश्यकताअनुसार प्रहरी जनशक्ति परिचालन गर्न, मुख्य बजार, बसपार्क, सार्वजनिक स्थल तथा बढी भीडभाड हुने क्षेत्रमा प्रहरीको उपस्थिति बढाउन निर्देशन दिनुभएको छ । यसै गरी यात्रुलाई सुरक्षित, सहज र व्यवस्थित रूपमा गन्तव्यसम्म पुग्ने वातावरण निर्माण गर्न बसपार्क तथा यात्रुहरुको बढी भिड हुने स्थानमा यात्रु सहायता कक्ष सञ्चालन गर्न, सवारी साधनको नियमित अनुगमन गर्न तथा सम्भावित दुर्घटना र आपराधिक गतिविधि नियन्त्रणका लागि प्रभावकारी सुरक्षा योजना बनाई कार्यान्वयन गर्न निर्देशन दिनुभएको छ । निर्देशनकै क्रममा उहाँले प्रहरी कर्मचारीहरू आफ्नो जिम्मेवारीप्रति थप उत्तरदायी, अनुशासित, इमानदार र सेवामुखी भएर कार्य गर्न, प्रहरी संगठनप्रति नागरिकको विश्वास अभिवृद्धि गर्न, कार्यसम्पादन सम्झौता तथा अटोमेसन प्रणालीमा उल्लेखित सूचक र जिम्मेवारीलाई प्रभावकारी रूपमा कार्यान्वयन गर्न र परिणाममुखी प्रहरी सेवा प्रवाहमा केन्द्रित हुन सक्रियरुपमा कार्यगर्नु पर्ने बताउनु भएको छ । निरीक्षण भ्रमणको क्रममा जिल्ला प्रहरी कार्यालय तेह्रथुमका कार्यालय प्रमुख प्रहरी नायव उपरीक्षक लक्ष्मण ओलीले कोशी प्रदेश प्रहरी प्रमुख खनाललाई जिल्लाको समग्र शान्ति सुरक्षाको अवस्थाको बारेमा अवगत गराउनु भएको थियो ।