उदयपुर र मोरङबाट ७ सय ८ किलो ७७० ग्राम गाँजा प्रहरीले वरादम गरेको छ भने संलग्न १ जनालाई पक्राउ गरेको छ । असोज २५ गते विशेष सुचनाको आधारमा उदयपुरको इलाका प्रहरी कार्यालय कटारीबाट खटिएको प्रहरी टोलीले कटारी नगरपालिका- ६ स्थितबाट (५ बोरा) १०० किलोग्राम गाँजा सहित ओसार पसारमा संलग्न ताप्ली गाउँपालिका- २ का २२ बर्षीय विश्वराज राईलाई पक्राउ गरेको छ । त्यसै गरी मोरङको जहदा गाउँपालिका-४ बाट प्रदेश १-०१-००१ च ७४२२ नम्बरको पिकअप गाडीमा तरकारीको बिचमा लुकाई छिपाई राखेको (१९ बोरा) ६ सय ८ किलो ७७० ग्राम गाँजा प्रहरीले नियन्त्रणमा लिएको छ भने ओसार पसारमा संलग्न चालकको खोजी कार्य भईरहेको छ ।