विभिन्न मुद्दामा अदालतबाट दोषी ठहर भई फरार रहेका १२ जना प्रतिवादीहरुलाई प्रहरीले खोजतलासको क्रममा फेला पारी पक्राउ गरेको छ । अपराध नियन्त्रण गरी समाजमा शान्ति सुरक्षा व्यवस्था प्रभावकारी बनाउन तथा कानून कार्यान्वयन गर्दै आम नागरिकमा प्रभावकारी प्रहरी सेवा प्रदान गर्न परिचालन भएको प्रहरी टोलीले खोज तलासको क्रममा असोज १२ गते मोरङबाट ४ जना, झापाबाट ३ जना, सुनसरीबाट १ जना र ताप्लेजुङबाट ४ जनालाई पक्राउ गरेको हो । पक्राउ परेकाहरुबाट ३ वर्ष ११ महिना २५ दिन कैद सजाय र ४५ हजार जरिवाना वापतको रकम असुल उपर भएको छ भने उनीहरुलाई कैद भुक्तानको लागी कारागार पठाएको छ ।