विभिन्न मुद्दामा दोषी ठहर भई फरार रहेका १४ जना फरार प्रतिवादीहरुलाई प्रहरीले खोजतलासको क्रममा फेला पारेर पक्राउ गरेको छ । अपराध नियन्त्रण गरी समाजमा शान्ति सुरक्षा व्यवस्था प्रभावकारी बनाउन तथा कानून कार्यान्वयन गर्दै आम नागरिकमा प्रभावकारी प्रहरी सेवा प्रदान गर्न परिचालन भएको प्रहरी टोलीले खोज तलासको क्रममा असोज ४ गते मोरङबाट ८ जना, सुनसरीबाट १ जना, ताप्लेजुङबाट ४ जना र उदयपुरबाट १ जना गरी जम्मा १४ जनालाई पक्राउ गरेको हो ।

पक्राउ परेकाहरुबाट ३ बर्ष ३ महिना कैद सजाय र २ लाख ५३ हजार १ सय रुपैयाँ जरिवाना वापतको रकम असुल उपर भएको छ भने सबैजनालाई कैद भुक्तानको लागी कारागार पठाएको छ ।