सुनसरीको इलाका प्रहरी कार्यालय धरानले चोरीको ४ वटा मोटरसाईकल सहित चोरीमा संलग्न २ जनालाई पक्राउ गरेको छ । पक्राउ पर्नेहरुमा धनकुटा सागुरीगढी-३ का ३४ बर्षीय सन्तोष कुमार श्रेष्ठ र भारत फार्बिसगंज घर भई सुनसरीको धरान उपमहानरपालिका-‍७ स्थितमा कोठा भाडा लिई बस्दै आएका २० बर्षीय रोहन दाश रहेका छन । मोटरसाईकल चोरी भएको भन्ने निवेदन प्राप्त हुनासाथ भदौ ३० गते इलाका प्रहरी कार्यालय धरानबाट खोजतासमा खटिएको प्रहरी टोलीले दाशको कोठाबाट को. ३७ प ३२८५ र बा.८५ प ८९२६ नम्बरको पल्सर मोटरसाईकल र श्रेष्ठको घरबाट को.२६ प ८३७३, को.१८ प ९८१८ नम्वरको २ वटा स्कुटर बरामद गरेको हो । चोरीको मोटरसाईकल सहित पक्राउ परेका उनिहरुको चोरी कसुरमा सम्मानित सुनसरी जिल्ला अदालतबाट म्याद थप गरी थप अनुसन्धान भईरहेको छ ।