माघ महिनाको सर्वोत्कृष्ट प्रहरी घोषित
२०७९-११-०५
- A
- A-
- A+
इलाका प्रहरी कार्यालय इटहरी, सुनसरीमा कार्यरत प्रहरी सहायक हवल्दार सम्बर बहादुर तिवारी र १ नम्बर प्रदेश प्रहरी तालिम केन्द्रमा कार्यरत प्रहरी जवान पुजन राई माघ महिनाको सर्वोत्कृष्ट प्रहरी प्रहरी (BEST POLICE OF THE MONTH) घोषित भएका छन् ।
विभागिय मुल्य-मान्यता, आदेश-निर्देशनको पालना गरी व्यवसायिक, लगनशील र कर्तव्यनिष्ठ तवरले कर्तव्यपथमा तल्लीन रही उच्च मनोवल र साहसका साथ आफ्नो कर्तब्य निर्वाह गरी अपराध अनुसन्धानको क्षेत्रमा विशेष योगदान पुर्याउनुको साथै मिति २०७९।१०।१७ गते मोटरसाईकल चोरीको अनुसन्धान तथा खोज तलासको सिलसिलामा जिल्ला सुनसरी ईटहरी उ.म.न.पा. १० बस्ने बर्ष २९ को मुकेश कोईराला र ऐ. वडा नं. १२ बस्ने बर्ष ३० को सुजित मग्रातीको साथबाट अटोमेटिक पेस्तोल थान १, ऐ. को म्याक्जिन थान १, ऐ. को गोली थान ६ र लागु औषध नाईट्रोसन, ब्राउन सुगर र उक्त चोरी भएको मोटरसाईकल समेत लुकाई राखेको अवस्थामा फेला पारी पक्राउ गरी कानुनी कारवाहीको दायरामा ल्याउन सफल भई नागरिक समक्ष प्रहरीको छवि उच्च बनाउने तर्फ प्रशंसनीय कार्य गरेको तथा १ नं. प्रदेश प्रहरी फुटबल टिमले श्री एकता शान्ति क्लव सुर्योदय ईलाममा आयोजित एकता खुल्ला लात्ते भकुण्डो प्रतियोगिता २०७९ मा प्रथम, हाङथुम क्लव मादी संखुवासभाले आयोजना गरेको प्रतियोगितामा द्वितिय र ४० औं आई.जि.पी. रनिङ शिल्ड फुटबल प्रतियोगितामा उत्कृष्ट खेल प्रदर्शन गरी प्रथम स्थान हासिल गराउन महत्वपूर्ण भुमिका निर्वाह गरेको हुँदा निजहरुले सम्पादन गरेको उत्कृष्ट कार्यको उच्च मुल्याङकन गर्दै २०७९ साल माघ “महिनाको सर्वोत्कृष्ट प्रहरी” (BEST POLICE OF THE MONTH) घोषणा गरिएको छ ।