मोरङको बिराटनगर महानगरपालिका-१७ स्थित रहेको रघुपति जुटमिलको मेसीनले हात काट्दा १ जना अप्रेटरको मृत्यु भएको छ ।  हिजो राती १० बजे जुटमिलमा अप्रेटरको कामगर्ने मोरङ बिराटनगर-१४ का ४२ बर्षीय राजो कामतको मेसिनमा काम गरीरहेको अवस्थामा अचानक मेसिनले बायाँ हातको कुमबाटै काटि घाईते भएका थिए । घाईते कामतलाई तत्काल उपचारको लागी बिराटनर्सिङ होम बिराटनगर लगिएकोमा डाक्टरले चेकजाँचको क्रममा मृत घोषणा गरेको हो । घटना सम्वन्धमा ईलाका प्रहरी कार्यालय रानीबाट थप अनुसन्धान भईरहेको छ ।